¹ Yesus je galolo ma adina,dana ol wain abi mudi gel jeleana.Ode masan ol gu nuana. ² Wain bu niou sain gu abi dana ol sul diana. ³ Dana ho asisi beaig sul deigian nuana. ⁴ Faun abi dana ho sul diana,dana ho ai beg ilu bataneina. ⁵ Faun ai ol suldiana,dana ho bo begian almeana.Abi dana ganif faun wahaina ho ai begian almeina. ⁶ Dana olfan adi faun suldou nu bilie,ho bo bododo mela,ise mela mi nu be bebebil. ⁷ Jo ofdou dana,madeina he ai beu,jo gu ele bili ho bo gigu. ⁸ Faleig beigian almian, elagian abagu suana. ⁹ Abi gug ele hol odein? Wine of dou abi dana abaina almegian abi dana ganif adein. ¹⁰ Je he hol doina fo? men jo gagadi mudou, ho jo efou dan ulaina. ¹¹ Men hebo Yesus meidounu mu ahan. ¹² Ufugu jo abidana Yesu falagin nu isdeina, odeian. Yesus je galolo gu median nu u udeig bu deina. ¹³ Pharises, Herdian ai sul ade gian waig Yesus gu mube ho fenegin nu. ¹⁴ Sisil deina, Doumel men aig gobman utou hi ofo?. ¹⁵ Yesus agugu kobol mube ho doau nu , madiana ele nu kulu a han sisil egi. ¹⁶ Odian men baig hol efe soig Yesus ut-teina, fe bo o-ole adiana,in ahun jeni ie men baig gu tawaei,odian bo na kadan dogon. ¹⁷ Odian ma adiana ,ele Dogon na ho Dogon utegia.Je ho doig teteui eina. ¹⁸ Sadducees Yesus nagun waheina,huage ode madegianu almou dana beh ajebil.O-oledaig ma adina. ¹⁹ Jobou dana Moses je ho madiana,dana ho aideg mel aibeh uh-uhlud almian,dana ho otig aideg oig,otig himenuel basiadein. ²⁰ Mel seven otig otig niana.Matu mel ho,aideg mel beh basoua almiana. ²¹ Otig ol otig aideg wana,bo ie mel aibe almiana. ²² Mel aibeh u num ai almeina,bigu aide ho fa almiana. ²³ Bigu ajou saingu,ho bo in aideg bilin,elenu seven mel otig,otig aide ho almeina. ²⁴ Yesus ode ma adiana,agugu ahuldou gu,age Dogon na je dogianu,ho nu asisi odegi. ²⁵ Ajenegin sain gu,bo- ob bo- bo, be ebil.A'geh ofgou gis haulgude ive sonegin. ²⁶ Ageh Moses na madou ho beh dogianu,bo Dogon ie je madeana,ise Abraham na Dogon,ise Aisak na Dogon,ise Yekop na Dogon. ²⁷ Almeu dana agu Dogon beh,ejeba dana agu Dogon.Ageh je ahuldou dana. ²⁸ Dou dana hol wahe,agigu je,duwana bo Yesus je elaweh hu sadiadiana.Ode bo Yesue o'olediana ele madeu ho bo ben afan. ²⁹ Yesu elaweh ode ma adiana,je muafan bo ode,Ben bo adi bo Dogon gigu,bo adi bo ben. ³⁰ Ageh wawag,isdou,gis gagadi ie.Unum Dogon utenegin. ³¹ Ige unum wawigi olfan,mel otigial nu bilial. ³² Dou dana aji,madiana jobou dana muafan,Dogon olfan adi,Dogon ho ie be. ³³ Ige wawigi unum Dogon utub,elaweb mel otigil fa wawigi unum adef fe,ho bo ofa ufu jo gu ho de dana ho,hogom dou. ³⁴ Bo je ma de usa dia,Yesus bo dana ho ma adiana ine Dogon na haul i-ben beh. ³⁵ Ufu jo dana aid iwal adeina,je elaweh ma adiana.Adedian dou dana,Kraist Devid mela degianu? ³⁶ Gis gun Devid woug gu,odian ode madiana, ben sisu ebeni mu ifa biligan,odemi ninu ad dana jaim baisilag. ³⁷ Devid bo adi Yesus jeni madiana,adedia me elawaig,Yesus Devid mela eina,odian dana aid unum wawag unum eleba eaua. ³⁸ Yesus ode ma adiana,dana elebaau ho nu da ha megial,jame mu tage,tamaneu aben obegianu. ³⁹ Ageh abe mu gu adi bilenegi odegianu.Ufu jo gu tamaneu aben ie. ⁴⁰ Aid gemagal almou jo agugu ihul-aha oda diganu,omimeu eh ehugianu,dana mei ade negin nu ulumen ben afan onegin. ⁴¹ Yesus ufu jo wougu,men aig bogie utubanu bibilian,moni dana,menaig benben memegian mehi ade biliana. ⁴² Aid ho gemug almiana menaig elis adi efe soh bogis gu mian nuana. ⁴³ Guguhu afan ma adigi bubu je todeb mel ma adina.Aid gemug almiana,dana aig unu wol ide menaig ben bogis gu mia. ⁴⁴ Dana aid unum bo menaig ai,aid gemug almiana ho menaig aibeh,unum meina nu bo menaig aibeh.