¹ Inta mana waya intago magemi araga kipanuram enauga savi kana yemino. ² Amuna watanasi yeyara intama anonayi intemo. moni ayigara intemo yeyivim mare yanie savi waya semi Goti sima savi uakepaya yeyinoe yifoe yami buinta temo. ³ Watanasi eno uma yimide ame,e,siguno buse muna waya eno siyike, avogu anta inayoyi namugo uyikemi, avogu antayati saviantave siteyemo. ⁴ Yeyi wata yivima namugoyu yiyapim demi intama yeyaranti anonayie, minemi yemi Gotimi buayitemo.Muna antami yemi ayigara itemo. ⁵ Yemi Gotimi anoavi amemofo yemi amegagake minemoy yemi mini watanasi Gotini eranti yivikatemo. yeyideka buwega neka wafa. ⁶ Mana'a anasi asikayu yimapa yupebe yenampa kasiakam ure yemi savi antafim yena'o kumi manta yeyige ruka. ⁷ Mamini ininam awogu anta amona gemofo yivikare fugawaya buyintemo. ⁸ yeganti Janesi ya Jambresi Mosesi augaka muna siganto. Muna sisa itavemi muna ge siga mini waita fuga waya yepim buwa muna ana sanom waita yu'ono. ⁹ Yemi iyaka minewayi, buvitemo yenti o'em antamano yiymem yemi miyiom waitamono. ¹⁰ Afo emi sasamuna, emi ami awakuro intika eyi amakuku rafise sadage Goti afimwano. ¹¹ Emi amone intaga semo namugoyi usikam Antiyokike, Ikoniumi, listrake.yemi namugoyi usikamifo anona sofa uga. Mini magufipake. ¹² Yemo iyei anona Jisasi nampa wana yoyi ben avika umanti yimeve mana watemo. ¹³ Yemi savi antafim wam wata anasi anom savi antafim bitemo. ¹⁴ Afo emi minifim eraru rewa anene emo agante amuna, emi intaga masidem waya. ¹⁵ Emi sito aga bemi gotini fuga waya intaruka Jisasini kaga amakuku ono. ¹⁶ Masidem Goti ami anona benao agantuga watayu intaga awogu uyikemi. Ategan anta yikagatem, watayu inti buategam manta ateyikem. ¹⁷ Mami nurem Goti masidem yogan fakare eranampa beni awogu yogamare beveya wafa.