¹ Minugamifo yigemi, setigafanta, Gotini agun anene nampa Jisasi yigen aupem erarure aupem bano. ² Masidem waya mose wata yigauka sirana, minu gami masidem amakuku waita anasi ka rana eno wa yiyime. ³ Jisasini ake waita yu urewa, bedn nampa erarure wa. ⁴ Emi amone inte uga eram waita yu'i anta, eram waita yu'i, yenti ena yoganti buvemino, yenti yogaka anom waita yu yentivi manta urevinani. ⁵ Emose mini uyabin tifim bewana , mini beni yoka wo, bu minite, mini uyavinti bu marano nave. ⁶ Iyemo mini yogantipim yode beni yunam benare mantuka. ⁷ Intago naye waya mose semo sigauna, Gotimi yigemi awogu intinti masiden anenefim yimitem. ⁸ Anona Jisasika intago, Devitini anayumi, bemose fugintike itawugam. Semose anona waya mose watafim sewauna. ⁹ Minugami semi Gotin ami sunami wata yu pimi semi savi watave.Minu gamifo Gotin ami bu ayo fatem. ¹⁰ Semi masidem umanti, setira'i ake ure mare be'ege.Semi ofaoteu Goti beyara uya maga waita anasi, minu gami Jisasi nampa bugipam aumi mante wate ge. ¹¹ Mini fuga waya mi sege; Seyu ya ben nampa fuka teyare, mini wantana aumi ben nampa wateyare. ¹² Seyuya ben nampa erarura wate, mini ese ben nampa itavinona. Bemo se ayofa kate ya, be wa'i se yu ya wa ayo fasikatem. ¹³ Fuga fuga sire ben nampa ake ure wate, bewa yige nampa fuga sirem yige nampa wate, minugami yige bu umeratem." ¹⁴ Yeradake wa mini anta yu yiyimem. Masidem nuram yiyiminani setami intare wa; Gotin augaga sina bu eran waya busego, amaka waiya yepikem intago. Emi Gotini fuga yoganti mantukanami bemi emi avogu avi amite, em agaye bu ono, fuga sire ben ami seno. ¹⁵ Emi Gotini fuga yoganti mantu kanami bemi emi awogu avi amitem, emi agaye buono,fuga sire benami seno. ¹⁶ Anenu ameno muna waya Gotipim bu yiga, mini wayaga bu amakuku mini mina waya. Mini waya savi namo kana bugeyige item. ¹⁷ Minifim kam waita wami mini Himenusi ya Palitesimi. ¹⁸ Naye yara fuga waya yera rukantga. Mini semi ai'i itabugana, minu gami mana'a yi amakuku anaka buga. ¹⁹ Minugami, Gotimi eran posi akamaka ben amai'i uwarante. Erarure mini posi aka maga; Anona amoaga iye bepim ake ure wami; minugami masidem waita anasi anona manoni avi mantuka yi, savi antafi bu ofega. ²⁰ Anona m apim, Gori nampa silvami maga nampa bu uwantuka mana,a anafim nampa yaga uwantuka. mana,a mi beni anon yogantike uwakam, mana, a ena yogaka uware vemo. ²¹ Minugami iyemo beni savi kumi anta mose ifade. Gotin augaka atede bagana, mini Gotini fuga aga wanona. yigem wa ofaitem, am aka yigemi adeka ben yigemi ofaitem. ²² Savi intinti yomante fafa rano, awogu anta, amakuku amoyi nampa iye mose ben ara'ano anona atekan inti nampa wam. ²³ Savi o'em inti nampa savi ara i nampa bu intano. Emi intewa mini waya fike eram waya yu'i manta fawarinanim. ²⁴ Gotini yogam waita yu'i amuna waya busego. Awogo anta yoyivigano masidem waita nasi yupim, awogu urewa sadage wago. ²⁵ Sadagem ami yiyimeno benami bu awakure wayim. Minugami Gotmi yen yira i manta itarana awogu anta awakuri nayom. ²⁶ Wananom beyi umbenifim yige manta minifim yika rantem, minurem benami awakurugo yanti umaka.