¹ Ixyäm muguktëjktë, nikunukxtä´äktë ëëts nits jetyë nyexy wintsën y´ääw ayuujk wyäkxtä´äkt nits yëkmëj pëktä´äkt. Nä tsoom tyujnë mä miits. ² Nukxtä´äktë jets xkuke´ktët je jääy mädi äxëëKp käoy jyääy, ke nidukëyë jenxyäwën tmëdëdë. ³ Ku wintsën tëy jye´e mädi kupëkëdëp nits m´ixy itëdët mä käoy. ⁴ Ëdëm mpänëkxën wintsën je ku miitstë äkipxy nä xtuntët jets xjäktun ädëtstët mädi ëts miits ojts ntä´päwä´äntë. ⁵ Wintsën m´ääm joojt wintuwëjk äjty xyëp je Dios txyojkën jets xpätuyoy ädëtstët Cristo. ⁶ Ixyäm ëts miits ntäpäwä´äny muguktëjktë wintsën Jesucristo xyëëw këxm, nits miits xmuje kem kektët nidukëyë mädi juky edyëp niti tkätuntëp ke nä tso´om miits të xkuentëpëktë tradiciones ëëts nje´e. ⁷ Näjts miits këm xnijäwë tso y´ixë nä nyä xtuntët. Ke ëëts jemtë nä njukyë ontsoyë mä miits tso´om tu´uk mädi disciplina kyämëët. ⁸ Nijunë ëëts näj yé nkä käydyë jets nkäku juyty, ojts ëëts ntuny jäxëjny jä koots je tunk mädiwë tsu´ux nyäpyëkpemyë nits ke miits ntunk mo´odë. ⁹ Yä´ät ëëts ntuntë. Ke tigëx ke nkämëëdët kutujk. Yä´át ëëts ntuntë nits ëts miits nuintuwëkët nits nä miits xni ix wä´äts t. ¹⁰ Ku ëts y´ijty mä miits nits ëëts mpäwääny: Pën jem nidugën ke tyunwä´äny ke tse kyäyty. ¹¹ Tigëx kunä ëëts nijäwëdë jets jem je nidugën mädi nigo witit tëp ke je tyuntë jets jemts tse jäwyin kyäy okojy. ¹² Ixyäm ëts je mpäwä´äntë jedë wintsën Jesucristo këxm nëjmë. Amenyäyë tyuntët nits këm tyäkääny täkäydyët. ¹³ Nits miitstë muguktëjktë ke m´amutskët ku xtuntë mädi oy. ¹⁴ Pën jem nidugën ke ëëts n´ayuujk xmumädojë yä´át neky jyä´äy kyëjxy. Jäytyäntë ke´ets kipxy xmët tuntët näjts tsotyump tyäntët. ¹⁵ Ke xtsip ixt tsoom tu´uk mutsip jets tämukäpxtë tso jyexyë xmugukëdë. ¹⁶ Nits këm Dios mädi äwä´äts äjtën nits mojët äwä´äts äjtën itp mä tyu´u. Je wintsën itp mä miits nidukëyë. ¹⁷ Yë je kë´ë päjtën, Pablo ëts këm kë´ë mädi jep firma tpëktäkp mäm jep neky jyä´äy. Näjts ëts je njä´äy. ¹⁸ Nits kunukxën ëdëm nwintsën Jesucristo jem itp mä miitstë.