¹ Xyäm ku je myin wä´äny ëën nwintsën Jesucristo jets nmët nyäwyäät wänyën jem wyinkukm xyäm ëëts miits nëjmëdë muguktëjktë , ² jets ke miits jetyë xkätä jotkukët o maÿdyëd mtäjtët, o jäwën këxm o kexy kyëxm o neky jyä´ä y kyëxm tso óm ëëts jyeexyë mpäkexy ku je xë¨w mä wintsën myiny të je myin në. ³ Kädi xkupëktë jets myëk win ëënt tët ontsoyë. Ke myint ku kenëm wyënë kyidäy jets pën kenëm wyënë nykejx jë´éky kuwety yä´äy tyëjk je unäjnk mädi tyëkudäkoypy. ⁴ Yë tse mädi ätujkën pyekteky py jets këm nyämyëj pëk tä´äkyë.jets ke tmëj´pëktä´äky mädi Dios xyëëw jets mädi yëkmë pëktäkp. Jep je txyëënët Dios txyäptikypy jets kyëm nyäk nyi kejx jëgyë tso´om Dios. ⁵ ¿Ke xjäymyetstë ku ëts y´ijty jem mä miits ku ëts nikepxy yä´ät ayuujk? ⁶ Ixyamts miits xnijäwë mädi mkänijäw eepy nits jew nykejx jë´ëkt ku tyempë tpäät. ⁷ Je mädi käyëk nijäw eepy jenë tyuun nyë tu´uk je jeyë mädi käyëk nikejx jëkëp jets tu äjy pyitsëmt. ⁸ Nits nikyxy nyikejx jë´ëky mädi tyëy wyë kyätumpy mädi nikyxy tyëk kudäkoy wintsén Jesus ku nikyxy tpixujy. Wintsën nikyxy je tyëk wimpity tso´om niti ku nikyxy myiny. ⁹ Ku je myints mädi tyëywyë kyätumpy mëj kujy tse wyenë nä tyumpy tukëyë mëk äjtën ixpejtën je intäjk mädi ätëy äjät niky xy tuny. ¹⁰ Jets ëën täjk mädi kätëy käwä´äts je´ts je nikyxy tje jë mädi täkoywyänëp. Ku jedë ke tkuentëpëktë je tsojkëm mädi tëy jets jyeexyë myädä´äktë. ¹¹ Jägëx Dios tu´uk tpäkexy tunk mädi käoy jets jedë tëyjyäwëdët je ëëntäjk. ¹² Yë tukëyë pyitsëmy nits nidukëyë yëktëy tyunkëxt mädi tkätëy jyäw eedyë tyëy äjtën ku tmupëktë mädi käoy. ¹³ Jets ëëts itp nmo´ot Dios kujuypy jets miits. Ku Dios të winkenyëdë miits tsoom mutu´uk tëëm mädiwë yëkmädäkp je wä´äts äjtën mädi jäwën këxm nits tëyjyäwët mädi tyéy äjtën. ¹⁴ Yä´át je mädi ojts wäätsoyë ëën n´oy äa¨w ayuujk këxm jets yëkpäät mëj äjtën ëën nwintsën Jesucristo. ¹⁵ Näjts muguktëjktë mëk mtuyo´oydyët pänëkxtë mädi të myëktä´äwä´äny o ääw ayuujk këxm o neky jyä´äy kyëxm. ¹⁶ Iixyäm nits je këm ëën wintsën Jesucristo mëët ëdëm teety Dios mädi ojts xtsojkyën jets ojts xmoyën ojotkujäjt mädi xëmë këxm jets nwinmä´ä jem nkexën je pyä´ä yoonkëxm. ¹⁷ Myëk jotkujk jätëp jets mjotm y it t oy tyunk jets oy ääw ayuujk.