¹ Ngeci aye Nyambi nami pindula na Kilesite kwafu, mufote yokuwilu, oku anakala Kilesite kulyoko lyo shilyo lya Nyambi. ² Muanekele enu yo kuwilu, kali enu yopano pashi. ³ Mukonda ou nafu, myoyo woe una holekiwa na Kilesite kwa Nyambi. ⁴ Ou Kilesite aku monahala, aye myoyo woe, honi nowe henge wakumonahala nenji mukutethzima. ⁵ Mupae eci kumbwethza yenu, honi, yo kano kaye yo kupitula eci-olungu, yo mathzilo, eanekela, no maayalo, oamango, no kufota lufumo yo kulipitula eci kulombela tumbonya. ⁶ Mukonda weyi oanji wa Nyambi wa keya kwa ana awa ali no likamba. ⁷ Yoliyo enu mwakwamangile namwe ko muhime kuyoya ano. ⁸ Uno honi mwa loela kushiya inu yoihe-oanthzi, kungwenya, myoyo ou mango no matuka yatunda mukanwa kenu. ⁹ Mwangela aenjenu, pakuninga eci munakonthzo onuokale ne pelemeka yao, ¹⁰ Kalo munu piluka anu owape muna kwamiwa mwape muku limuka kuthza ko shikupulo shoyu wa yumba. ¹¹ Apa honi po kakuli eci Magerike nji Mujuda, wakuthza ku mukanda nji kaathza ku mukanda, an'ete, awa likushi, apika nji kali a pika, ambene Kilesite awa kwama, kalo olino wahe. ¹² Uno honi, Nyambi po nahangula munu, mukenu no kuhimiwa. Mukale no micima thzo shilan'eke, shihemo, kulihusha kusha, no kuli thzua mucima. ¹³ Mukwatishe. muciheme, ngeci kwali oyu natongoka mwenjenji, mulitetele kengeyo eci omu Fumu nmitetela namwe milandu thzenu. ¹⁴ Peulu thzenu yoihe eyi, muciheme, inene shihemo shoshi naanga enu yoiwa. ¹⁵ Mushiye kuliyala kwa Kilesite ku vuthse micima thzenu. Neli koku kuliyala okuleta ei mwishiwe elama yofoci. Kalo mukandelelange. ¹⁶ Mushiye liywi lya Kilesite liyoye nenu kongi, limi fundishe no kutangelela amweya ko nyanyami, kwimba membo omupepo koku kandelela mumicima thzenu kwa Nyambi. ¹⁷ Eihe eyi mukwama, mu maywi, mikwama mukwame mulithzina lya Fumu Jesu. Mukandelelange kwa Nyambi Tata kenthzi. ¹⁸ Ambuyama, mucipake kwa anu wenu, eci eli muna loela kukwama kwa Fumu. ¹⁹ Akwelume muhime anu wenu, mwana anjipela. ²⁰ Anuke, mulemeke a shemi enu mwinu yoihe, mukonda yoliyo a loela Fumu. ²¹ Atata, mwa anjipisha anenu, eci katele akwange. ²² Apika, mulemeke akalu wenu muikwama yenu yoihe, kali ke kwamayo meh yo kuloelisha anu pohuma, Ambene kutundelela kushi thzo micima thzenu, Muyape Fumu. ²³ Enu yoihe eyi mukwama, muikwa muku tundelela ku micima eci mwa ikwamena Fumu kali anu. ²⁴ Muna limuka eci henge mwakutambula kwa Fumu muyambo oku shwana eyi ana kulupelisha. Yoliyo Fumu Kilesite oyu muna kwamena. ²⁵ Mukonda munu yomuhe okukwama enu yoimango henge aku tambula katulothzenu yoimango nakwama, kalo Nyambi a hangula.