1 Anu owangi naeleka kupaka pofoci ekwama naikwamahala muno mumwetu, 2 eci eli naitutongwela awa ici monenine kumatatekelo komeho o na ngamba oli liywi. 3 Honi name naloela, nene naniifotishisha shemwa yoihe kutatekela kuma tatekelo,kukun'olela mundandwe wei iamba, mwana mukulu Teofile, 4 eci olimukele shemwa enu ei nakufundisha. 5 Mumayuwa a fumu Heroda omu Judea kwa kalile mupulisita yumweya oli thzina lya Zakalia okuma pulisita a Abia; munu wenji Elizabeta neli wa shikuta sha Aruni. 6 Wahe neli anu owawa palupala lwa Nyambi, aendile kokukana kushomololiwa mwilaa no milao thza Fumu. 7 Unone kawanine kakeke mukonda Elizabeta neli kanaeleka, kalo wahe hime akulupalile. 8 Honi okwakwamahalile kenge Zakalia koli palupala lwa Nyambi, kokwama shikwama sho upulisita kokwimanena shikwata shenji. 9 Kuthza ko shithzo mokuhangulela eci elye oyu kwama, wamuhangulile eci engene mutempele thza Fumu eci akatumekele insense. 10 Ongi wanuhime alombelile pola omo mu shikati ko tumekela insense. 11 Oni lingeloi lya Fumu lya limonahalishile kukwenji koli nemana ku shilyo sho katala koinsense. 12 Ou honi Zakalia alimonine, watukile mucima, no wowa wamukeyelile. 13 Unone lingeloi olya muambelile eci, ''Wayapa, Zakalia, nene kulomba koye kuna yuviwa. Munu woe Elizabeta henge akukwelekela mwana o mukwelume.Oyu wa kuta lithzina lya Joani. 14 Henge wakukala no thsinyanyu no kuloela, no anu owangi kenge akunyanyukela kwelekiwa kwenji. 15 Henge akukala omukulu pa meho a Fumu. Kakunwa waine nji shinwa shoshilulu,kalo henge akuyala mupepo oukenu koli mulila lya njina. 16 Ongi wana Isilaele henge akupilukela kwa Fumu Nyambi wo. 17 Henge akuthza palupala lwa Fumu mumupepo no okolowa Elia, kuhusha micima thza tata wanu kwano nawa akalikamba ku unyanyami wanu owawawa-kuloishela Fumu mbunga thzenji.'' 18 Zakalia watawile lingeloi eci, ''Ngepi na kulimuka? Amepo no kakulukathzi no mumnu wange naye ona kulupala.'' 19 Lingeloi lya mutawile no kumuambela eci, ''Yame Gabiliele, oyu nemananga palupala lwa Nyambi. Hime nanitumiwa kukoe,kukuletela eamba yoiwa. 20 Uno honi! henge wa kukala shiamba,kowa kutwesha kuamba, shime eli liyuwa ei inu ou yakukwamahala. Inene mukonda kowa tawile maywi ange, akuyalisheleliwa ko shikati shina loela.'' 21 Honi anu hime atatelelile Zakalia. Hime akomokile ei yamuthziamishile shikati sho shile mutempele. 22 Unone ou apuninemo, katweshile kuamba no. Anangulile eci hime anamono shimona koli mutempele. Wawa monishile komoko no ku tutwala. 23 Ou apwile mayuwa eikwama, wahukile ku njiyo. 24 Kokunapiti mayuwa ahatu, munu wenji nElizabeta wa thzile polemu kalo wa liholekile maonda o mutanu. Wambile, 25 ''Eyi yananikwamena Fumu ou ananitanekela ko shiemo eci atundishe honyi thzange kwanu.'' 26 Mungonda thzo mushitanu nathzofoci, lingeloi Gabiliele wa litumine Nyambi ku mbongi thzo mu Galilea thzishiwa ci Nazareta, 27 Kwa mumbanda ou aungekethzile mukwelume oyu lithzina lyenji neli Josefa,oshikuta sha Davida,ne uyu mumbanda lithzina lyenji neli Maria. 28 Lyakeile kukwenji no kuamba eci, ''shangwe owe oshifuyauthzi thzo shokulu! Fumu oli noe.'' 29 Unone watukile nene mucima ko maywi alyo kalo wakomokile ci muvumeneno ongepi ou. 30 Lingeloi po limuambela ci, ''Wayapa, Maria,ona wana shiemo kwa Nyambi. 31 Mona, henge wakuthza polemu wa kushamuluke mwana o mukwelume. Oyu wa kuta lithzina ci 'Jesu.' 32 Henge akwikala omukulu kalo henge akwishiwa eci mwana oyu Nathzinama nene. Fumu Nyambi henge akumupa shipula sho O fumu wa Tata wenji Davida. 33 Henge akuendisha njiyo thza Jakovo koliyele, kalo o fumu wenji kawa kupwa.'' 34 Maria waipulile lingeloi, ''Ngeci ya kukwamahala eyo, amepo kanilimuka mukwelume?'' 35 Lingeloi o lyamutawile no kumuambela eci, ''mupepo oukenu henge wakukeya kukoe, nokolo woyu nathzinama nene henge wakukeya kukoe. Eci o mukenu elekiwe oyu wakwishiwa eci mwana Nyambi. 36 Mona,mwapoe Elizabeta ona wana mwana o mukwelume muukulukathzi wenji.Ethzino po ngonda thzenji thzovutanu nathzo foci, hime na mwishanga eci mfumi. 37 Kwithsa shoshikalu kwa Nyambi,'' 38 Maria wa ambile, ''mona, amepo no mbuyama ongamba wa Fumu. Ku kwamahale kukwange ko monaambela.'' Honi lingeloi olya mushiila. 39 Honi Maria wakatukile omo mumayuwa nokuthza wanguwangu ku matunga oku mikinya, ku mbongi thzo mu Judea. 40 Wathzile mu njiyo thza Zakaria no kuvumenena Elizabeta. 41 Ngou yakwamahalile eci Elizabeta ou ayuvile kuvumenena kwa Maria,mwana o mulila lyenji waleyaleile, ne Elizabeta wayalile mupepo oukenu. 42 Ngou ayelulile ku liywi no kuamba nene, ''ona fiyauthziwa mukaci ko mbuyama, no mwana oli mulila lyoe ona fiyauthziwa. 43 Ngepi kunakwamahala kukwange eci mama wa Fumu wange akeye kukwange? 44 Ngomone, ou liywi lyoe lyo kunivumenena ino lingena mumatwi ange, no mwana oyulimulila lyange alealea ko shinyanyu. 45 Ona fuyauliwa oyu natawa eci iyalisheleliwe eyi ambile Fumu.'' 46 Maria wa ambile, ''moyo wange washangala Fumu, 47 no mupepo wange waloela Nyambi muyoishi wange. 48 Onanitaneka ameno mupikenjiokushi.Mumone, kutunda pano mikuta thzothzihe henge thza kunisha na fuyauliwa. 49 Oyuli nokolo nani kwamena enu yo shokulu,no lithzina lyenji likenu. 50 Shiemo shenji ashipa kutunda ku mikuta kuthza kumikuta thza wa namuyapa. 51 Ona monisha okolo wenjiko lyoko lyenji; ona shandaula awa analiyuvishishela maayalo omicima thzo. 52 Ona shulukisha pashi ana mafumu no kuwa tundisha pe kalo yoshi fumu kalo nayelula awa likushi. 53 One kutisha akwathzala nemuyoiwa, unone afumanyi ona wahusha mokomoka pohuma. 54 Ona kwathsa Isilaele ngamba wenji, eci avuluke kumonithsa shihemo 55 (eci eli ambelile atata wetu) Abrahama no kuthsikuta thsenji koliyele." 56 Maria wakalile na Elizabeta maonda ahatu kalo honi wa ahukile kunjiyo thzenji. 57 Honi ou shakwanine shikati sho ku shamuluka kambu kenji wa pakile panyala mukwelume. 58 Awa tungile no na apenji ayuvile eci Fumu na mumonisha shihemo thsosho kulu, anyamukile nenji. 59 Ou honi akwanine mayuwa omutanu na ahatu watwalile kambu kumukanda. Hime aloelile kumwita eci "Zakaria, kutunda kulithzina lya tata wenji. 60 Unone njina watawile no kuamba eci, "Liombo. Henge akwishiwa Johani." 61 Wa muambelile eci, "Kwisha mushikuta thsoe oyu ethsangile keli lithzina." 62 Ngapa amonishile shimonisha kwa tata wenji eci awatongwele lithzina eli afotile kumwita. 63 Tata wenji ngapa alombile po kun'ola no kun'ola eci, "Lithzina lyenji po Johani. Wahe aikomokile. 64 Popo mwene kanwa kenji akopo kayahama no lulimi lwenji lopo luputuka. Wa ambile no kushangala Nyambi. 65 Wahe awa atungile no ayapile. Yakalile e ambaula yo mumikinya thzo matunga a Judea momuhe. 66 Wahe awa iyuvile aitulekile mumicima thzo, kwa amba, "Ngepi akukala oyu mwanuke?" Lyokolya Fumu nenji lya kalile. 67 Tata wenji Zakaria wa yalile mupepo no kupolofita, wa ambile eci, 68 "Ashangaliwe Fumu, Nyambi wa Isilaele, inene na keye kuna kwasha no kuna yoisha anu enji. 69 Ona pitundula linyia lyo kutuyoisha mujiyo thza ngamba wenji Davida 70 (Eci eli ambile komilomo thzo mapolofita owakenu okukale). 71 Kutu amwena kwa kwethzimbo yetu no mumoko awa natuthzimbi wahe. 72 Henge aakuikwama kumonisha shihemo kowa tata wetu no kuayala kuliyuwa kwenji kokukenu, 73 kuliango okualyangile na Abrahama tata wetu. 74 Wa liethzile eci, pokutu amwena mumoko akwethzimbo, twaku mukwamena kokupila yo kuyapa 75 kokenu no wawa mumayuwa etu oahe. 76 Ee, nowe, mwanuke, henge wakushiwa mupolofita woyu nathzinama nene, inene henge wakuenda palupala lwa Fumu kumuloishela likun'wa, kumu loishela anu koku keya kwenji. 77 Kulimukisha kuyoishiwa kwa anu enjikokuteteliwa omango wo. 78 Eyi henge yaku kwamahala mukonda oshihemo sha Nyambi wetu, inene liyuwa eli liva omumuwilu henge lya kukeya kuna tukwathsa, 79 kumunyikela awanakala mumilema no mumuthzimbimbi okufa. henge akuikwama kuendisha maulu etu mu likun'wa lyo kuliyala." 80 Honi mwana wakulile no kolo mumupepo, wakakalile mumulundu katele ma liyuwa eli aci monahalishile ku mbunga thza Isilaele.