Ku mukulu waku ba kemba. Ilumbo lyakwa Davidi. 1 Lesa uyo ndumbanya, mwiba tondolo, 2 pantu bansansa ababifi elo na babufi; bambepesha ubufi. 3 Balinshingulukile elo balanda ifya lupato pali nebo, elo bansansa apakubula umulandu. 4 Mukumbwesesha ukutemwa kwandi bantunganya, lelo nkobapepelako. 5 Bambwesesha ubufi pa bune, elo bapata icitemwiko candi. 6 Sonteni umwaume imbifi pa balwani ngaba bantu; sonteni uwakushinina atalame ku kuboko kwakwe ukwa ku kulyo. 7 Uluntu apingulwa, lekeni asangwe no mulandu; lekeni ipepo lyakwe lishimbulwe ilya lu bembu. 8 Inshiku shakwe shili cepele; umbi na bule icifulo cakwe. 9 Abana bakwe babe abakubulwa ba wishi, umukashi wakwe abe mukamfwilwa. 10 Abana bakwe balekupitanafye elo bakalomba lomba, abakutamfiwa ulo bafuma mu mayanda yabo ayakonaika. 11 Lekeni uyo akongolako asende fyonse ifyo akwata; na beni bamusendele ifyo anonka. 12 Kwiba nangu umo uwakumumfwila uluse; nangula umo uwakumumfwila ubulanda abana bakwe abakubula wishi. 13 Abana bakwe baputulweko; ishina lyabo likabamo munkulo iikokonkapo. 14 Lekeni imembu shafikolwe fyakwe shishimbulwe kuli Yahweh; lekeni imembu shakwa nyina shikalabwa. 15 Lekeni ukulufyanya kwabo lyonse kulekuba kuli Yahweh; lekeni Yahweh aputuleko ukubebusha pano calo. 16 Lekeni Yahweh acite ici pantu uyu mwaume talikusakamana ukulanga icipangano ca cishinka, lelo alikucusha abalanda, abakubulwa, elo no wakutompoka umutima ku kwipaya. 17 Alitemenwe ukutiipa, na fimubwelulukile. Alipatile ipalo; lekeni ipalo peba nagula limo pali ye. 18 Alikuifwika umwine ifitipu kubati e cakufwala, kubati mafuta mu mafupa yakwe. 19 Lekeni icitipu cakwe cibe kubati fyakufwala aifwika umwine, kubati mushipi afwala lyonse. 20 Lekeni ifi fibe cilambu kuba mbepesha kuli Yahweh, kuli bo abalanda ifya bubi pali ne bo. 21 Yahweh mwe mfumu yandi, mbombeleni ifya bune pamulandu we shina lyenu. Pantu icipangano ca cishinka cenu ca bune, mpususheni. 22 Pantu ndimupina kabili uwakubulwa, elo umutima wandi ulicenenwe munda. 23 Nkoya nkopwa kubati cinshingwa ca cungulo; ndisunkene kubati ni makanta. 24 Amakufi yandi yalinakile mukufunga; ndifumine mukwina ndyondele. 25 Ndisebene ku banshinina; uluntu ba mbona, balapukumya imitwe. 26 Ngafweni, Yahweh Lesa wandi; mpususheni ku cipangano ca cishinka cenu. 27 Lekeini beshibe ukwebati uku kubomba kwenu, ukwebati mwebo, mwe Yahweh, mulicitile ifi. 28 Nangula bengantipa, napapata mpaleni; uluntu bansansa, lekeni bomfwe insoni, lelo lekeni umubomfi wenu asansamuke. 29 Lekeni abalwani bandi bafwikwe insoni; lekeni bafwale insoni kubati mu kansu. 30 Ku kanwa kadni nkopela ukutasha kuli Yahweh; nkomulumbanya mukati ka mabumba. 31 Pantu akatalama ku kuboko kwa kukulyo ukwa uyo uukobulwa, ukumupudusha kuli bo abalikumupingula.