Ulwimbo, ulumbo lyakwa Davidi. ¹ Washikimana umutima wandi mwe Lesa; nkoimba, ee, nkemba ukulumbanya no kucindama kwa mutima wandi. ² Talama, we ng'omba elo nobe we musakai; nkoishibusha amaca. ³ Nkopela ukutasha kuli webo, Yahweh, Mukati ka bantu na bantu; nkoimba kuli webo ukukulumbanya mukati kamishobo. ⁴ Pantu icipangano ca cishinka cobe cakula ukucila imyulu; elo ne kucetekela kwa cine cobe kwafika na mumakumbi. ⁵ Sumbulweni, mwe Lesa, ukucila imyulu, elo ubukata bwenu busumbulwe icalo conse. ⁶ Pakwebati abo watemwa bapusushiwe, tupususheni ku kuboko kwenu ukwa kulyo elo ngasukeni ⁷ Lesa alilandile muli bumushilo bwakwe; ''Nkasansamuka; nkabanya Shekemu elo nko pima no mukonko wa Sukoti. ⁸ Gileadi yandi, elo Manase yandi; Efraimu nayo cisote candi; Yuda ni nkonto yandi. ⁹ Moabu cakowelapo candi; napali Edomu epo nkoposa insapato shandi; nkapunda mukucimfya pamulandu wakwa Pilistia. ¹⁰ Nani akandeta mu musumba wa kukosa? Nani aka nondola ku Edomu?'' ¹¹ Mwe Lesa, bushe tamwatusala? Tamuya nafwebo ku nkondo na bashilika besu. ¹² Tupeni ukwafwa ne cilwani, pantu ukwafwa kwa muntu kwa fye. ¹³ Tukacimfya mukwafwa kwakwa Lesa; akabanyanta panshi abalwani besu.