¹ Yahweh alandile kuli Mose, atile, ² "Landa kubantu aba mu Israele nokulanda kuli bena, 'nga umo alaya icilayo kuli Yahweh, mubomfye ngefi. ³ Umwaume uuli pakati kamyaka amakumi yabili nokufika pamwaka amakumi mutanda indalama shili nokuba amashekele amakumi yasano isha Silva, amashekele ukulingana necipimo camuncende ya mushilo. ⁴ Kumukashana uwa myaka imo ine kumulinganyafye kundalama amashekele yatatu. ⁵ Ukufuma pabamyaka isano ukufika paba myaka amakumi yabili icipimo cabaume mashekele ayali amakumi yabili, naku banakashi bena amashekele ikumi limo. ⁶ Ukufuma paba mwenshi umo ukufika paba myaka isano icipimo ica mwaume ma shekele yasano aya Silva, lelo abanakashi bena mashekele yatatu aya Silva. ⁷ Ukufuma pamyaka amakumi mutanda nokuya pa mulu umwaume icipimo mashekele ikumi limo naisano, umwanakashi ena mashekele ayali ikumi limo. ⁸ Lelo nga cakuti umuntu alaya icilayo elyo afilwa ukufisha pacipendo cabikwa, lyena kuti aimanina umuntu kuli shimapepo, nashimapepo ali nokubika umutengo ukulingana ifyo uwalaile icilayo ali nokulipila. ⁹ Nga cakutila umo alimukufwaya ukupela ilambo lya nama kuli Yahweh, na Yahweh nga asumuminisha ico, lyena ninshi iyo nama yaba iyamushilo. ¹⁰ Uyo muntu tafwile ukukabusha nangu ukupeelelamo inama imbi awe, iisuma ne iibi nangu ibi ne isuma. Nga cakutila acinja inama naimbi, lyena ninshi iyo iyacinjishiwa neyo bacinjishe shonse shaba ishamushilo. ¹¹ Nangula, nga umuntu alaya ukupela Yahweh icintu icakowela, ico cingakana ukusuminishiwa kuli Yahweh, lyena uyo umuntu afwile atwala iyo nama kuli shimapepo. ¹² Shimapepo euli nokupima ukumona nga isuma nangu ibi, umutengo onse shimapepo engabika panama iyo, uyo emutengo ingashitilwamo. ¹³ Nga cakuti umwine alefwaya ukuilubula. Iyi nama, ena ali nokulundapo shisano pamutengo ali nokulubwilamo. ¹⁴ Nga umuntu apeela ing'anda yakwe kuli Yahweh mukuba uya mushilo, lyena shimapepo ali nokumona nga cakuti isuma nangu ubi. Ifyofine shimapepo alebika umutengo, ifyo fine efyo cibe. ¹⁵ Nomba ngacakuti umwine wa ng'anda afwaya ukuti abule ing'anda yakwe, ali nokulunda pa cisano pacendo ali nokulubwilapo ing'anda, lyena kuti yaba yakwe. ¹⁶ Nga muntu umo apelako iciputulwa campanga yakwe, iyo mpanga ili nokumonwa umutengo elyo nembuto shingabyalwamo- emukuti indalama amashekele amakumi yasano isha Silva pali Homeri. ¹⁷ Ngacakuti apela ibala mumwaka wakusefya, umutengo waili ibala uli nokuba ifyo fine. ¹⁸ Nomba ngacakuti apela ibala panuma yamwaka wakusefya. Lyena shimapepo ali nokupingula umutengo ukulingana nemyaka yashalako mpaka umwaka wakusefya ukafike, kabili ali nokucefyako umutengo. ¹⁹ Lelo umuntu uwapeela ibala nga alefwaya ukulibwesha, lyena ali nokulundapo fisano pamutengo uwabikilwe, kabili nokuba ilyakwe. ²⁰ Nga cakuti uwashitishe ilibala talilubwile, nangu ashitisha ilyo ibala kumuntu umbi, ninshi capwa talyakabweshiwe. ²¹ Icilingile, ilyo ibala, ukulilekelako mumwaka uwakusefya, cikaba icabupe icamushilo kuli Yahweh, nga ibala ilyapwililika ilya pelwa kuli Yahweh likaba lyakwa shimapepo. ²² Ngacakuti umuntu apeela ibala ilyo ashitile nomba ilishili libala lya mumpanga yalupwa, ²³ shimapepo ali nokubika umutengo waili bala ukufika namumwaka wakusefya, noyo muntu ali nokupela isho indalama mu bushiku bwine bwamushilo ngo bupe kuli Yahweh. ²⁴ Mumwaka wine uwakusefya, ibala lili nokubwekela kumuntu ukufuma kuli ulya uwashitile, kumwine wampanga. ²⁵ Imitengo yonse ilingile ukubange mitengo yamashekele yamuncende ya mushilo. Amagera amakumi yabili mukuba ishekele limo. ²⁶ Takuli nangu umo uwakupeela ibeli ilya nama muli mwebo, pantu amabeli yena yakwa Yahweh; ²⁷ nangula fingaba ni ng'ombe nangu impanga, fyena fyakwa Yahweh. Nga cakuti ninama iyakowela, lyena umwine ali nokuishita mumutengo ulingile, nokulundapo indalama imo muli cila shisano nga cakuti inama iyo taibweseshiwe, lyena ili nokushitishiwa pamutengo uwabikwa. ²⁸ Takuli icintu nangu cimo pafyo umuntu akwata nangu ico apeela kuli Yahweh, pali fyonse akwata, cibe muntu nangu ninama, nangu impanga ya lupwa lyakwe, iyashitilwe nokubwesha. Icintu conse icapeelwa kuli Yahweh cili ica mushilo. ²⁹ Takuli umuntu nangu umo uwapeelwa mukonaulwa, uyo muntu ena wakuipayafye. ³⁰ Icapekumi conse ica mumpanga, cibe nimbuto shamu mushili nangu fisabo fyaku fimuti, fyonse fyakwa Yahweh kabili fyamushilo kuli Yahweh. ³¹ Ngacakuti umuntu abwesha icapekumi ena ali nokulundapo fisano pamutengo uwasuminishawa. ³² Kabili icapekumi conse pa mukuni wa ng'ombe nangu impanga, conse icapita mwisamba lyankoto yamucemi, naconse icalenga ikumi cakwa Yahweh. ³³ Kacema tali nakulekanya ifitekwa ifisuma fyeka nangu ifibi nangu ukucinjanya naimo iibi naimbi. Nga cakuti caba ifyo, lelo fyonse fibili ifyacingishiwe fyaba ifyamushilo. Taili nakubweshiwa."' ³⁴ Ifi fyonse emafunde ayo Yahweh apeele Mose pa lupili lwa pakuti ebe abantu bamu Israele.