¹ Eau vei mae,la golugolu tomi te tamala ea te latula, laimala ale guliliki soku baisi, ea vai sauru mae egite la valua la igogolu bu lau moli,ea bomuli la golugolu tomi. ² Ea la moli eage lotalo moli tegite ale vaibomuli me giteu la valalua ale bomuli la golugolu tetala kara tela logo e tamala ilevia ge guvi vola. ³ Mae moli ale, la imamala ale etato soku baisi, etatou pou la kilisi ila vulovulo bakisi mela gabutala tela maututula. ⁴ Ea lamoli, mae la imamala ge guvi, la Uru bataro e latula, la tavile isa ge pigoa lotalo tela vai putumuli la. ⁵ La Uru igoa mae eia ga abi taro egite ale pou la kilisi, eage abi etatou tomi mae eia ge la tula sesele. ⁶ Me lavula etatou e latola, la Uru vaipou lakalulu le la Tula oilo la tia gatou ale tatola,''Uma,Uma.'' ⁷ Eme kati la talo bulau, ouka eme la tula, mae em latula talo la gologolo tomi tetamamu ge taume. ⁸ Eala moli mae eme kama rovi la Uru,la valalua ale la isaisa otalo la magasa egiteu vea eme la talo bulau mae egiteu la valalua ale kama rovi la Uru. ⁹ Ea la moli igoe amuto roviti la Uru, ka eau ge vei mae la Uru roviti amuto, mave amuto veage beu rivu tavu lou la gabutalala mela vulovulo la magasa ale la vagarila ilali ouka ka amutou masaga ge pou lou tela kilisi? ¹⁰ Eme ilo tomiti la rova alea sibitala kabili tela logo mela taio vakapo la laveala tomi! ¹¹ eau taolea la tilagaa, soio tamutou , tale la igogolu eau igoa soio tamutou ea lagu mae, eau igolu bulau moli , lailali ea ouka. ¹² Eau kaka amuto tabarabaragu, amuto ge mae iau, tale eau tai ge mae amutou: Amuto ge umala ge abiagu la itikumula. ¹³ Ea la moli amutou rovia, ale la ilea isasa sibitalatela vovogu ea lamoli, eau veipaplala vakarala te la Uru soio tamutou. ¹⁴ Eala moli la ilea omai la vovogu, ea abia mutou la itikumula, amuto kama igobara eau, ka poke taro eau. amuto abi eau mae la Angelo isasa ka mae Iesu Karisito eia to. ¹⁵ La vai balavala tamutou igoe ea iove? tale eau vei sesele amutou, mae la gauru oio, amutou ge abilele la matamutou ma ge abiagu. ¹⁶ Igoe, eau la gima tamutou la vula eau vea amutou la seselela. ¹⁷ Egiteu gabutala barabara moli veage abi eme soio tegiteu, ala moli kama tela vula ale tartigi. Egiteu masaga ge kapi robo moli eme sogala vea eme sokuma ge kabutala bara egiteu. ¹⁸ Ea tartigi ge gabutala muli moli la golugolu ale tartigi kama ile ale eme omai igoe. ¹⁹ Amutou e la tatugu baisisi, eau gabuti la iligiligi mae egiteu tavile ale popigo, kara e Iesu ge mauli oilo taume. ²⁰ Eau masaga sesele ge pou vaikapopo tomi eme igoe ma la vuvulo la ilolo la vakarakarala taku, la vula eau ilo buruko sesele ile me. ²¹ Veagu ,eme eremasagage pou olotalo tela vaiputu mulila, vea eme kama ge lolo la vaiputu mulila? ²² Tale la vaikarala mae e Abaram taola elatula ilua, elatula isasa tela tavile la igogolu tetala isasa ea sibitala te rutula sesele. ²³ Isasa la tavile la igogolu pigoa tilimuli moli la vulovulo la vovo, ala moli ale isasa la tavile ale maramara pigoa tilimuli la vaiputu mulila. ²⁴ Egite la golugolu tomi ale, etatou iloa mae la alulula moli, egira tavile ilua ale magiri lairovilala ile la vaivumatala. Isasa tegira ea loio la gove e Sinai mae eia pigo ale isasa la talo bubu moli. Eia e Haga. ²⁵ Igoe e Haga magiri lairovilala mae la gove e Sinai oilo e Arabia; ma eia magiri lairovilala tai Ierusalem, eia oilo la kilisi vaikapopo e latatula. ²⁶ Eala moli e Ierusalem ale oata ea maramara, ea e tila gatou tomi. ²⁷ Tale egiteu kekesia, "Momoge, eme la tavile ale kama popigo; Tali vagari tola mela momogela, eme ale kama popigo, eme tai ale gaugabu la iligiligi la piligo;latatula tavile ale aruala ritaroa eausu eala moli earuala oio kama usu.'' ²⁸ Ealamoli,tabaragu,eme mae Aesak, amutou latula vaiputumulila. ²⁹ La imamala ale egoe aleisasa pigo tela vovo eaigo barabara ale pigoa oilo tela kalulu vaisauru moli mae igoe. ³⁰ Ealamoli lavakarala te la uru vei mave? pitaro lele taro egira tau melatu ela tula tavile ale isale eakamage taola latilaulau loio tela tilau lau tela tavile ale maramara. ³¹ Mae le tabarabaragu ,etato kati elatula tavile bu lau moli, ouka etatou,elatula tavile, ale maramara.