¹ Amuto la valalua e Galatia amoto umala ge vauta! Ere tau la vakarala maligoma oio tamutou? Tela mata mutou Iesu Karisito kuli matagaga sesele oata tela tauvalauto. ² Ale papaga isa moli,eau masaga ge rovia: Mave amutou tautaulailo tela kalulu la marokala tela igogolu la vaiputumulila ka tela vaikarala ale amutou loloa? ³ Soge amutou paua? Amutou soko laigogolu ale vaikapopo mela kalulu vaimaroka,me Igor amutou vaikaluvu lai gogolu tela vagagari la vovo? ⁴ Soge amuto abibubu, ausu lailgiligi mela itikumula ea tartigi sesele mae ge amuto abi bubu la iligiligi mela itkumula. ⁵ Soge la talo abia amuto la kalulu la Uru, mela vailoilo kabili tamutou, oilo tela igogolu la vaiputumulila, ka tela ilolo la vakarala mela tautaulailo? ⁶ mae moli e Abaram "ea tautaulailo tela Uru mae eia abi laisasa mae la talo la maroka." ⁷ Tela gauru moli alele, amutou ge rovi matgaga mae,egiteu ale tautaulailo,egiteu sibitala mae latatu le Abaram. ⁸ La vaikarala tela la Uru,ea sibitala mamuga mae,la Uru ge valaba egiteu la valalua e Gentael. Tela tautaulailo, la vaikarala sibitala lou te Abaram mae,"loio taume la valalua tomi tela maututula ge balava." ⁹ mae, egiteu ale tautaulailo egiteu ge momoge vaikapopo me Abaram, ea la talo la tautaulailo. ¹⁰ Egiteu la valalua ale tau la tia giteu mela gabutala la tegiteu oilo tela igogolu la vaiputumulila, egiteu ge pou lotalo la itikumula mae moli la vakarala tela Uru veia, la itikumula ea ge pou tela valalua tomi ale kama tilimuli la papaga tomi ale egiteu kekesitia oilo la buk la vaiputumulila. ¹¹ Igoe ea matagaga mae, la talo isasa kama maroka tela mata la Uru,oilo tela vulovulo la vaitilimulila mela vaiputumulila,la vula egiteu la vlaluala egiteu ge pou oilo te la vulovulo la tautaulailo. ¹² Ea la moli, la vaiputumuliea kama la vulovulo la tautaulailo ,ouka, la talo igo la igogolu te la vaiputumulila,ea ge pou vaikapopo me egiteu. ¹³ Karisito abi rivu e tatou loio tela itikumula vaiputumulila. tela imamala ale ea abi la itikumula te gatou tomi. La vakarala tela Uru vei mae," la itikumula ea tela valalua tomi ale kuli oata tela tauvalautu)"_ ¹⁴ Mae moli, la vaibalavala te Abaram eage gomai tela valalua isapolo oilo te karisito Iesu,ma tela vulovulola tautaulailo moli,e tatou ge abi la vabila tela Uru,lakalulu la maroka. ¹⁵ Amuto tabarabaragu, piligi eau ge vakarakara ila vulovulo la talo tela vumatala,la talo isasa kama koramuli ge abilele,ka tau la vakarala tetala, tela i mamala ale la vaiputumulila egiteu vaivagagaritia. ¹⁶ Igoe la vaikarala vaibalavala gomai te Abaram me tutubula, akama veia, vea egiteu tutubule Abaram tomi,ouka, ea vaisesele la vaikarala te tubula isamoli, e Karisito. ¹⁷ Igoe la rova eau masagage vea mutou, ea mae, la vaiputumulila gomai te Mosesvamuli te laveala salatu vaa savulu tolu ea kama koramuli ge abilele la vaiputumulila ale la Uru veia palati. ¹⁸ Maege la talo lovati la papaga soio te latula, tilimuli la vaiputumulila, ea sesele ale kama la vaibalava. tale la Uru vabi soio te Abaram tilimuli la vaikarala vaibalava te tala oto. ¹⁹ Mave igoe, ea la vula gabutalala te la vaiputumulila? mae moli, tela vulovulo la vakarala egiteu tau la vaiputumulila kora muli egite tutubu le Abaram ale sautola la vaibalava eage sibitala sesele. la vaiputumulila eage sibitala vagari tela igogolu tela angelo, tela talo isasa kabiliele. ²⁰ Igoe la talo kabili ea la irovilala ile la taloi sasa, la talo ale ea la Uru oata. ²¹ Soge la vaiputumulila ea kama tia vaikapopo mela vaikarala,la vaibalavala te la Uru?ouka sesele, maege la vaiputumulila palati ge vaisibitala la maulila, age sesele tela vulovulo ale maroka oilo tela vaiputumulila ea veia ²² Ala moli la vaikarala tela Uru ea kisi la papaga tomi lotalo te la iruru. la Uru vaisele la vakarala tetala ge abirivu e tato tela tautaulailo oilo te Iesu Karisito age abia giteu ale tautau lailo. ²³ Igoe, mamuga tela tautau lailo ea gomai, etato pou oilo tela kilisi tela vaiputumulila, kara la tautau lailo ea sibitala matagaga. ²⁴ Mae moli la vaiputumulila eage la galiau tegatou kara Karisito ea gomai, ilage etatou maroka tela tataulailo ²⁵ Igoe la tataulailo ea gomaiti, etatou kati oilo tela vagagari la vaiputumulila. ²⁶ Amutou tomi sibitala mae latatu la Uru tela tautau lailo oilo te Iesu Karisito ²⁷ Tale ausu tamutou abi la vului soilo te Karisito amuto vaitokoromo amutou oto vaikapopo me Karisito. ²⁸ Eage Jew Grik eage la talo la igogolu, ka talo bulau moli, age tamale ka ge tavile amutou tomi isa molioilo te Iesu Karisito. ²⁹ Mae amutou te Karisito amutou tai e tutubule Abaram.