¹ Eme ge rovia: oilo tela kaluvu la logo, la imamala ea ge vagari sesele. ² Tale la valalua egiteu ge masage sesele egiteu oto, la masasagala wati eage auru,egiteu ge tei bakara egiteu, vei tatao egiteu ge vile bara e tabaragiteu, kamage lolo e tama giteu me tila giteu, egiteu ge kamage masaga la marokala. ³ Egiteu kamage taola la vulovulo ale tartigi, kamage masaga la vai matatala, e giteu la tahalo la bili peo la valalua, egiteu vaururur la mauli la tegiteu, egiteu vai gototolo, vai kapopo me giteu la valalua, egiteu kama masaga la maulila ale tartigi. ⁴ Egiteu la tahalo la vasigolola, la maulila tegiteu ea marapa, egiteu vaururu la isa giteu, la masasagala tavulovulo la maututula ea auru sesele, ale egiteu poke taro la Uru. ⁵ Egiteu mauli oilo la miau la Uru ea la moli egiteu tai taro la vagagarila. Poke taro egiteu la valalua ale mae. ⁶ Isari e giteu la valalua goilo la luma, egiteu vurorobo egiteu tavivile ale paua. Egiteu tavivile ale volu ila tavulovulo ale kamakokora, ea vaituga lele ti egiteu tela mauli ale tartigi. ⁷ Egiteu tavivile ale egiteu vaimari la sesela vaikarala, eala moli egiteu kama tilimuli la gabutatalala ale maroka. ⁸ La gauru moli ale Jannes me Jambres egirua taitaro e Moses,e giteu la tahalo la tilovo ale poke taro la seselela. La valalua ale gabutatala giteu ea tabuli marapa eala oilo tela gauru la tautaulailo e giteu kama magiri vagari oio vola. ⁹ La tuluga te giteu ea kama ge malau, tale la gabutala marapala tegiteu eage pou moli mae alele vaisauru moli mae egiteu la valalua ale paua. ¹⁰ Eala moli eme, tilimuli la tilovolovo ale eme abi tia olo mai taku mae,la tavulovulo la igogolu, la tautaulailo, lagilabu la iligiligi, la gilogo mela pulou makoukovula. ¹¹ La vailigiligila, mela itikumula ea sibitala tavu eau oio e Antioch,Iconium oio tai e Lystra. Eau tao talu la vailigiligila. Ea la, la Uru vai mauli eau. ¹² E giteu ale mauli ila seselela oilo te Iesu karisito, e giteu ge poga la vailigiligila. ¹³ Egiteu la valua la gima ge hiliti loio tela kamakokorala, ge vaituga lele e giteu la valalua malau taro la taroumila. ¹⁴ Ea la moli eme, magiri vagari tela tilovo ale eme rovitia, ma eme tautaulailoti oio vola. Eme rovi tai ti la vai mari ale eme abi tia. ¹⁵ Eme rovi tia tela baisimu, eme matagaga sesele ti oio vola ila Vaikarala tela Uru.Ale ge vaimatagaga eme ila sesele la gauru la tautaulailo ile Iesu Karisito. ¹⁶ La vaikarala tomi ea loio tela Uru. Ea la sesele la vaikarala ale ge abi rivu etatou, ea ge vai matata e tatou, ea ge tovo e tatou ila sesele la tavulovulo ale tartigi. ¹⁷ Ea la mae la talo tela Uru ea ge magiri vagari, ea ge volu ila kalulu la marokala raragi tela igogolu ale tartigi.