¹ Eme moli e latugu, ge vagari oilo la gilogo ale oilo te Iesu Karisito. ² La papaga eme loloa lomai taku, kabili tegiteu la valua la valolo, vaivagari e giteu tavu egiteu la valua la tautau lailo, ale koramuli ge vaimari egiteu. ³ Abi la itikumula mae eau abia mae la talo la vaikuela te Iesu Karisito. ⁴ la talo la vaikuela kama raragi oilo te la maulila ale vea eia ge vaimomoge la Uru tetala. ⁵ Mae, isasa ge vaikaluvu la vai pepela mae la talo ale tetete, eia ge kama ge tau la sapepe mae eia ge vaekaluvu la lo la tilete. ⁶ Ea mae ale isasa maege igogolu wagari ea ge abi palala la vavua la ilali tetala. ⁷ Gabutala muli larova eau veia la Uru eage abiamu la gabutatalala papaga tomi. ⁸ Gabutala Iesu Karisito, e tubule Davit, ale ea iliti taro la pileo. ale ea tilimuli la valolo ale tartigi, ⁹ Tale eau savelea tela bah ale ea kisi eau mae la talo la bilili. Eala moli la vakarala te la Uru ea kama sibitala imi. ¹⁰ Mae eau ge vagari tela papaga tomi, ile giteu ale ilevi egiteu, vea egiteu tai ge abi la vai maulila, ale oilo te Iesu Karisito,vai kapopopo mela marasala. ¹¹ Ale la sesele la vakarala: ''Mae tatou peoti vaikapopo me Iesu, e tatou ge mauli vaikapopo meia. ¹² Mae tatou ge vagari ,tatou tai ge pou vaikapopo me eia. mae tatou taitaroa, ea ge taitaro e tatou. ¹³ Mae tatou kama tautaulailo, eia magiri oilo tela tautaulaio, tale eia kama koramuli ge taitaro eia.'' ¹⁴ Vaigabutatala egiteu ila papaga aleie. Veia giteu tela mata la Uru vea u malage vai gototolo muli la vakarala; la tikumula ouka, eala moli eia ge igo bara moli egiteu ale tilimuli la vulovulo alele. ¹⁵ Eme ge vagari sesele ge taupolo eme soio tela Uru mae la talo ale giteu ilevitia, la talo la igogolu ea kama la talo la kiloli vea ea ge maela, eia vaimari sesele la vakarala seselela. ¹⁶ Ele taro la makorala mela mera bubula, ale muga e tatou tavu la taua la magasa. ¹⁷ La vakarala tegiteu eage bubura mae la are kakali. Kabili tegiteu Imenaus me Filitus, ¹⁸ Egirua tuga malau taro la seselela. Egiteu veia la ilitila ea sibitalati, maele egiteu igo barati la tautaulaio tegiteu isari. ¹⁹ Mae ale, la vagagari la vutola tela Uru ea magiriti . La vakarala ea mae; ''La Uru ea rovi egiteu ale tetala''mae ''Egiteu ale vei pala la isa la Uru ge ele taro la iruru tomi." ²⁰ Oilo la mautu la vulitila ea kama la tilaulau moli la goul me la silva. Oio tai vola ea la tilaulau la obu me la magasa la pilika. Isari tegiteu tela igogolu la tilogo, mae isarie teale kama ge togoa. ²¹ Mae isasa ea vai matagaga eia taro la igogolu la tilogo vola ouka, eia ge la tilaulau la gilogo. Eia ge pou gale ge igogolu tatao te lauru tetala, eia ge raragi tavu la igogolu ale tartigi. ²² Ele taro la momogela mela masagala tubu alabala, abi la tavulovulo ale alaba, la tautaulailo, la gilogo me la vaimalumalu, vaikapopo me giteu ale tola tavu la Uru mela ate ale alaba. ²³ Taitaro la tilailai ale kama kokora. Eme rovia mae egiteu vai sibitala la vai gototola. ²⁴ La bilala te la Uru ea kama ge vai gototolo. ealamoli ea ge vai baisisi eia tavu egiteu, eage vaimari, ea ge pou makovu. ²⁵ Ea ge vai mari tatao e giteu ale taitaroa. La Uru eage abia giteu la vuvulo la ile la magaala ile la seselela vakarala. ²⁶ Egiteu ge tartigi lou, mai egiteu ge ere taro la mai tela gima, ale ea sautola egiteu veage tilimuli la masagala tetala.