¹ Pol, ea Bilala te Iesu Karisito oilo tela masasagala tela Uru, Tilimuli la masasagala ile la maulila oilo te Iesu Karisito, ² Tavu e Timoti, e Latula sesele: Lagilogo, mela vimalmalu, loio tela Uru tamagatou me Iesu Karisito la Uru tegatou. ³ Eau vaisale la Uru, ale eau tilimulia loio te Baogu, vaikapopo mela gabutala ale alaba, mae eau gabutala eme oilo tela kilaka, telalogo mela aharo tomi. ⁴ Mae eau gabutala la masalimu, eau masaga ge ilo eme, eau ge volu mela momogela. ⁵ Eau gabutala rivu lou la tautau lailo ale matata taume, ale ea mauli pala oio te tubumu e Lois etilamu e Iunis, mae eau rovi seselea vea eia pou tamai oilo taume. ⁶ Ale la vula eau vai gabutala eme mae sulaga lou la vabila tela Uru ale oilo taume, mae eau ge tau lalimagu oata taume. ⁷ Mae la Uru kama abiagatou lakalulu la mataula, ala moli la vagari la gilogo me la vaimatatala. ⁸ Umala ge maelaela tela tavulovulo la Uru tegatou me eau, Pol, ea oilo la kapirobo. Eala moli, ea bole la iligi tela vakarala ale tartigi tilimuli la vagagari la Uru. ⁹ Ea la Uru moli ea vaimauli e tatou me ea tatola e tatou tela tilola le maroka sesele. ea igo la paga ale kama soio tela igogolu tegatou, ala moli soio tela vaiputu mulila tetala oata mela gilogo. Ea abia gatou la papaga ale oilo te Iesu Karisito vamuli la imala sibitala. ¹⁰ Ala moli la abirivula tela Uru ea veipala la guluvi te Iesu Karisito la vaimauli tegatou. E karisito moli ea vaitapasi la pileo, me ea abirivu la maulila mela kalulu la matagagala loio la vakarala tela Uru. ¹¹ La vula moli ale, egiteu ilevi eau ge sibitala la talo la bilalaha, la talo lavalolo mela talo la vaimari. ¹² La vula moli ale eau tamai ligiti oilo la igogolu ale. Ouka eau kama maela ma eau rovi ere eau tautau lailo oilo tetala. Eau gabu selea mae eia karamuli ge sautola la rova ale ea abiagu tela logo alele. ¹³ Sautola la tilovo la seselela vakarakara ale eme loloa lomai taku, vakapopo mela tautau lailo, mela gilogo ale oilo te Iesu karisito. ¹⁴ La tartigila auru ea sugutaro tia soio taume, mela vaibomulila tela kalulu la marokala, ale mauli oilo tegatou. ¹⁵ Eme rovitia, egite ale mou oilo Aisia egite poke taroti eau. Oilo la vaikapopola ale Figelis me Hemokinis. ¹⁶ Piligia la Uru ea ge abiamu la vaimaulila soio la luma te Onesferis, ma eia vahalaba e eau ma eau kama maela tela kilisi taku. ¹⁷ Ala moli, la imala ale eia oio e Rom, eia masaga eau ge igogolu vagari ma eia ge pamuli eau. ¹⁸ Akora, Lahuru ge abiala latia malmalula tela logo alele.Tela gauru ale Onesferis suli eau oilo Epesis, eme rovi umi tao eau.