¹ Nio Yems, nanggang ki Anutu ma Beve Yesu Kirisi, nio angbede ro taingi ila kizin wal lamuru ru ki Israel ta timbot pa tono pakana ta bozomen, mi angkam aigule pa niom ta bozomen. ² Niom tongmatizing, niom irau pe kakaivai niom alokalok pa lono ta niom kendenge zin patana. ³ Niom kewete taki zin tomboana tana pe ikam urlana tchom ma imbol kat. ⁴ Niom irau pe kemender mbolana mi kokuara zin patana, pe kombol kat, mi niom ko karau pe kotop pa mbulu ki Anutu sa som. ⁵ Sope tchom sa lelene pa ngar ambaiana zem ini iwi Anutu. Anutu ko ikam lene korong bozo mi ini ko irau pe ingongo pa tomtom sa ta iwi som. ⁶ Tamen tomtom ta iwi Anutu na ini irau pe iurla mbolana mi kopono ruru pa korong sa pe. Sope tomtom sa kopono ruru na ini taki tai ta isana mi miri ipiri la imar. ⁷ Tomtom tana ikam ngar taki ini ko ikam korong sa pa Beve pe. ⁸ Tomtom takena na ini lene ngar ru, mi ini itokto so sua ta ini iso som. ⁹ Zin tomtom urlangan ta timbot sorok tikaivai zin, la Anutu matana pa zin len zan beve. ¹⁰ Mi tomtom ta le pat ana irau pe kaivai pa lono ta Anutu iur zana ma isula, paso zin korong ta bozomen kini ko imap mi ini ko imete taki zin garas pono. ¹¹ Zong longa mi iyara ma beve kat mi ipunmete zin garas ma zin ponpon titop, mi aigau kizin imbirizi. Takena tape tomtom ta le pat ana ko imete mi ezem zin urta ki bisnis kini. ¹² Anutu longa mi ikam ambaiana pa so tomtom ta imender mbolana pa zin tomboana. Sope ini imender mbolana ma imolo tomboana, na ini ko ikam mbotiana imbot ambai alok ma alok ta Anutu iso pe ikam pa zin so tomtom ta lelen pini. ¹³ Lono ta sope tomboana ipet pa tomtom sa na ini iso, "Anutu itombo nio" pe paso Anutu ikamam mbulu sanana som, mi ini longa mi itombo zin tomtom pe tikam mbulu sanana som. ¹⁴ Tamen lelende sanana ki tomtom tatangan tun lelen ta itombo zin, mi iyaru zin ma ila mi mi ipankam zin. ¹⁵ Lono ta lelen sanana tana iwe beve, ini ipiyoto sanana, mi lono ta sanana iwe beve, na ini ipiyoto meteana. ¹⁶ Niom irau pe kezem tomtom sa mi ipakam niom pe, zin tongmatizing tcho ambainguem. ¹⁷ Korong ambaimbaingan ta bozomen mi zalngan longa mi imar pa Anutu. Korong ambaiana taingi isu pa azunga Tamana. Anutu itortoroi taki koinundu ta ise mi ilane som. ¹⁸ Anutu iro indi pe ikam lende mbotiana ambaiana sope indi tuurla pa sua kini ngonngono. takena tape indi ko tewe taki pikin mungamunga pa korong ta bozomen ta ini ikama. ¹⁹ Niom irau pe kewete, niom tongmatizing tcho ambainguem, tomtom ta bozomen teleng kat sua, zin tisosua karau pe mi keten malmal karau pe. ²⁰ Paso tomtom ta ketene malmal ko irau pe ikam korong zalana ta Anutu lelene pini pe ikam som. ²¹ Takena tape niom kezem mbulu sananngan ki sanana. ²² Niom kulul tuem mi kakam sua ki Anutu ta ini iur la liliem, mi tana ko irau pe iulu niom. Niom koto sua ki Anutu mi liem mbulu ki leng sua ana men pe, mi sope niom keleng men na niom kapakam tuem. ²³ Sope tomtom sa ileng sua men mi ito som, na ini taki tomtom ta ire tunu matana ila ngalas. ²⁴ Tomtom tana ire kat pa tunu mi kaimer to ila ma izem ngar pa tunu matana. ²⁵ Tamen tomtom ta irere kat pa tutu zalana longa mi ikam tomtom ma ipet mat mi sope ini ila men ma ikam takena mi ileng men som mi matana mbelel, ambai Anutu ko ikam ambaiana pa tomtom tana pa sokori ta ini ikamam. ²⁶ Sope tomtom sa ikam ngar taki ini tomtom ki sungana tamen ini imboro kat kono som, ambai ini ipakam tunu lelene, mi sungana kini na korong sorokana. ²⁷ Mbulu ki sungana kat la Tamanda Aunutu matana na takei, mbulu ki tuulu zin pikin ta taman ma nan somngan mi zin mori ta kusin bizin timete kek mi timbot la patana. Mi niom kombot potomana pa mbulu sananngan ki tono.