¹ bwakae bowa banu ba bakachi, mwike mose mwe baibinu, bobo inde kwe batasi kocheba ikomo, baolele mokuimenya kwe kobootwa ne bikete binu. bakaimenye kosaolelwa ikomo; ² bwakae bowa batamoe mwecho winu we too ne we koseka KAKUA. ³ kwipamba kwinu kuungwaya kwe anje, bwakae: kwe kooka soke, kuipamba kwe byendo bye momateke. ⁴ ne kwe kobwa ngubo chachi. inde kuipamba kwinu kuungwe kwe mondo we monda we motema; kwe kochacha kotasi kotooneka, we motema we kuika ne kutulia. kochacha kwe bobo ne we kenyemu koeta komba kwa KAKUA. ⁵ kobobo inde baikamba ba bakachi baama too be kale, bavaea KAKUA ne kungwa be kuikya kobaome babo. ⁶ bwakae boowa Sara na komotena ibake Iburaimu, na kumuitana ibane. baanu leno ne totombe twake sara ingwa moketa bya chacha bila kotena bise bye kotenesa. ⁷ kobobo banu ba baome muchikane ne bakachi binu kwe kobakoa lokwa, mwemokocheba ite abo ne baeeya ne kobobo mobaeche bo nyemu, kobobo abo ne bayani amosa nabo we lokwa lwe mwecho. mokete bobo ne kwe kuiyaya kwinu kuchibelewaya. ⁸ kobo, banu base muungwe ne lokani lomosa, muungwane lokwa, mokondane bwe babotwa, muungwe ne metema ye lokwa ne ye kuikwa. ⁹ mootosaya bobe kwe bobe, wala ketonde kwe ketonde; kobobo mwechane kokomoa ite lele na litanewe baanu na KAKUA mopate koyana bwachi. ¹⁰ kobobo, mondo otokonda kememo kye mwecho, ne otokonda komoa masu maachi, inde uchiboe loeme lwake koocha mabea ne mwemo chake koocha manu. ¹¹ mondo ona ochoke bwabea, ne okee maachi, oenge nya ne komoeya koeta. ¹² kobobo miiso ma KAKUA matoyaka kwebene sambo, ne makotwe make matuingwecha iyaya lyabo. kobobo KAKUA otobaecha ngomo kobatoketa bya bea. ¹³ kobobo, ne nani otabasongoche ingwa mwemukuocha mokoketa maachi ? ¹⁴ kobobo baanu motasongoke kokoketa sambo motakonje. motenaya biteneswa byabo wala muungwaya ne kyangaa. ¹⁵ kobobo metema yiinu moseke KRISTO bwana. kila kesako muungwe mwema kosaolea mondo ose otababoche koengana ko bae kwe monda nwinu. kobobo mokete bobo kwe koola ne kwe kuikya. ¹⁶ mabae minu maungwe too inde mootondobwa, ao batotonda mwendechi wiinu mwachi monda mwa KRISTO, bamoe masoni. ¹⁷ kobobo ne bwachi kokonja makomo kwe bikete byachi ingwe bobo ne kokonda kwa KAKUA; kuliko kosongoka kwe bikete bibee. ¹⁸ nabo KRISTO naawe na kokwa komosa mukiunda kese, we sambo kokomoa kokoengana na batsi sambo, kobobo otobese kwa KAKUA. lokoba lwake na kuchiibwa nalwo na koketwa mwecho monda mwe motema wake ¹⁹ naawe okee mokemotema na koyaka kwa fakoche metema chafungewe momoyoo. ²⁰ metema chichi kale nde chaimenya, masu maalya KAKUA na koendecha kesako Noa na koyenga kyombolwa, bando ba chinini, nabo bando moanda, na kololibwa moolya monembo we maache. ²¹ maache mama ne keeyibwa ke kuinibwa mbuu inde leno eso baolola baanu, bisi kwe koocha ikoya ko ngoba chinu, inde bwe kemo kye kuungwa ne motema mwachi kwa KAKUA. kwengana ne kochekoka kwa YESU KRISTO. ²² awe osoya kuiyoo, ne usu chikana mbanga ye kolea kwa KAKUA amosa ne ba malaika, boombe bwake ne mwecho bise ngungwa mose mwake.