¹ kotoka kwa petelo motomwa wa YESU KRISTO koba soboebwa na KAKUA basambokana batuchikaa boeni poponto, Galatia kapodokia asia ne bethania ² baanu basoboewa komba na KAKUA isito ne kosokolwa ne ibae mumuimenye YESU KRISTO ne kuitelwa masi make natobaengea lokwa ne nyaa ya bua. ³ osebwe KAKUA mwaame wito YESU KRISTO kwe lokwa lwake lo koo lotokeya bae toboteke bayabaya kwe kokonja kobaeea kwe mwecho kwe kochooka kwa isito wiito kotoka ko bakwe; ⁴ tokonjee boyani otasi bokaoneeke ptasi otobota ne kooma kwe boa olya wa bekewa kuiyoo. ⁵ baanu kwe kuimenya mookengwa ne bokete bwa KAKUA ne botaole ebo molochi we komooswe ko masu mabongee. ⁶ meema bya bua kubia nabo kokesako kekeeke ne bwachi mokonje miteba ndunga na ndunga. ⁷ mayombe matabekete baanu komaimenya kwinu etaongwe ne bonyemu kweta byendo ne oro kiungwe kwelekebwa kiine bwa bwe oro ye bwe keemo ketooneka ketoekwa kotoya kotasekewe baanu ne boombe ne bonyemu lusu lwa YESU KRISTO ataboolwe awee. ⁸ nane munamomoa, momokonda ne botasi munamomoa, nebotasi munamwimenya, komocheba kwe kememo ke boombe ketasi keochibwa. ⁹ komoa mokonja boolochi mabae minu. chabaa ye kuimenya kwinu. ¹⁰ ndomwa che koocha ko byebokata. byaikichi baanu koechibwa byengo kiine kwe lokani ilongo le kooloka kwinu ¹¹ baeleka koenga kocheba nenai, ao ne kesako keni kye kusingechwa ne motema wabechaya mokocha monda mwabo bataoche kuusu mayombe ma KRISTO ne boombe bota moyee. ¹² waimwesa komemo itayaabo mokoketa ndeyabe kofaida yabo ne kofaida yiinu kwekomoa waocha niinu komakomo mama mausia koochibwa na baa ndenji ye enjili kwe mocho we motema we too watomwa kotoka kuiyoo ata ndomwa cha KAKUA batoenga kocheba makomo mamama ¹³ kobobo sangya ngani chinu muungwe ne kuichibea mobeke kobaea kwinu kose ko bye bokata ko bia bita ichibwe bwame kesako kea YESU KRISTO otamooke. ¹⁴ bwe baana be kuimenya muimenyaya konyaibwa ne saki ya bea ebe ninu kesako kye kuchikaa ko bwebe. ¹⁵ boa bwewe wabaitana na banu muungwe be too komwendechi wiinu. ¹⁶ nabo kukuyiewe abo mobe baama too kwekomoa mee ne wa toka. ¹⁷ kwe komoa tutumuitana isito awe otoecha kila mondo sambo ku bikete bye kila mondo kwe bila kokondela muchikae ne mwecho winu kono komosenge bwe mwenyi kwe kotena KAKUA. ¹⁸ kokomoa bobo motocheba ite mwaololwa kwe koola ko byabea mwecho we mosenge otasi bwachi we boyane baanu byekotoka bo baisinu ndemwaololwa ko byaoneka bwe tombamba ne oro. ¹⁹ komoa twaoololwa kwe mwecho ne bonyemu bwa KRISTO mwana we mokoko otasi ne keema ne matonji. ²⁰ awee wasoboewa komba kwe mosenge kobekwa otamoeswe komasu ma ano me komongo kwajili yaake. ²¹ kwe baanu musi bwimenye KAKUA wa mocheowa kotoka koba kwe ne komoecha bombe ne kwe bobo kuimenya kwinu ne kobaeya kwinu kwe kwa KAKUA. ²² kwekomoa musia kuisolwa kwe kumuimenya eelya kiine kobakonda kobabotwa ninu kiine mokonde kwe motema oose. ²³ kuite mwaboteka boyaboya ndekokamuka kwe kooneka, ndekokamuka katasi kooneka kuikomo lya KAKUA bwe mwecho ne kuchikaa komeombo. ²⁴ bwe munakando base ne bwesooni ne boombe nwabo ne bwe tososo twe chaani; soni chitooma tososo totokea ²⁵ nabo ikomo lya KAKUA lituchikaa meombo