¹ Anati yini, Bomnaketfu (ngoba ngikhuluma nebantfu labawatiko lomtsetfo), lokutsi lomtsetfo ucondzisa umuntfu nakasaphila. ² Ngoba umfati loshadile umbophele lomtsetfo endvodzeni isaphila, kodvwa nangabe lendvodza seyifile, sowukhululekile ngalomtsetfo wemshado. ³ Ngake- ke, njengobe indvodza yakhe isaphila, nangabe aphila nalenye indvodza, utawubitwa njenge siphingi. kepha nangabe lendvodza ifa, uyakhululwa kulomtsetfo, ngako akasiso siphingi nangabe sophila nalenye indvodza. ⁴ Ngake-ke, bomnaketfu, nentiwa nafa kulomtsetfo ngemtimba waKristu. Loku kungukutsi wena ungahlanganiswa kulomunye, lokusho kutsi, kuye lowavuswa ekufeni, kuze kutsi singaveta titselo taNkhulunkulu. ⁵ Ngoba sisesenyameni, lokutsandza kona, kwaba nemkhuba ngalomtsetfo, bewusemsebentini etitfweni tetfu temtimba kuze kutsele sitselo sekufa. ⁶ Kodvwa nyalo sesikhululiwe kulo mtsetfo. Sesifile kuloku besibanjwe kuko. Loku kwentelwe kutsi sito landzela letinsha takamoya, futsi hhayi ngekuguga kwencwadzi. ⁷ Sitawutsini-ke? Ngabe lomtsetfo ngekwawo usono? Makungenteki. Kodvwa-ke, bengingeke ngisati sono, kube bekungasiwo lomtsetfo. Ngoba bengingeke ngati kufisa ngaphandle lomtsetfo asho, "Ungafisi." ⁸ Kodvwa sono sitsatsa litfumba ngekutjelwa futsi kuletsa inkhanuko kimi. Ngoba ngaphandle kwalomtsetfo, sono sifile. ⁹ Ngalesinye sikhatsi ngangiphila ngaphandle kwalomtsetfo, kodvwa nakufika umyalo, sono satfola kabusha imphilo, ngase ngiyafa. ¹⁰ Lemiyalo lebekumele iletse imphilo yakugcuka yaba kufa kimi. ¹¹ Ngoba sona sitsatsa litfuba ngekuyalwa bese siyangikhohlisa. Ngekuyalwa siyangibulala. ¹² Ngako lomtsetfo ungcwele, futsi kuyalwa kungcwele, kulungile, phindze kukahle. ¹³ Ngako loku lokuhle sekube kufa kimi? Akungabi kanjalo. Kodvwa sono, kute sibonakale kutsi sisono, asivete kufa kimi ngaloku lebekukuhle, Phindze ngalo myalo sono asibe sinengiso ngalokwecile. ¹⁴ Ngoba siyati kutsi lomtsetfo ungumoya, kodvwa ngingekwenyama. Sengitsengisiwe ngaphansi kwebugcila besono. ¹⁵ Kepha lengikwentako, angikucondzisisi. Kepha lengifuna kukwenta, angikwenti, futsiloko lengikunyanyako, ngiyakwenta. ¹⁶ Kodvwa nangenta loku lengingakufuni, Ngiyavumelana nalomtsetfo kutsi lomtsetfo muhle. ¹⁷ Kodvwa nyalo akusasiko lengakwenta, Kodvwa lesono lesipha kimi. ¹⁸ Ngoba ngiyati kutsi kimi, leyo ngeyami inyama, kuphila intfo lembi. Ngoba kufisa lokuhle kunami, kodvwa angikhoni kukwenta. ¹⁹ Ngoba lolokuhle lengikufunako, angikwenti, kodvwa busathane lengingabufuni, lobo ngiyabenta. ²⁰ Nyalo nangabe ngenta lengingafuni kukwenta, lapho akusakiko mine lengikwentako, kodvwa ngulesono lesiphila kimi. ²¹ Ngako, ngitfola lomtsetfo: nangifunakwenta lokuhle, busathane buba khona kimi. ²² Ngako ngiyajabula kulomtsetfo ngelingekhatsi lendvodza. ²³ Kodvwa ngibona lowehlukile umtsetfo emalungeni ami emtimba. Tilwa nalomtsetfo lomusha engcondvweni yami. Kungitsatsa njengesigcila ngalomtsetfo wesono losemalungeni emtimba. ²⁴ Ngiyindvodza lenelusizi! Ngubani lotangetfula kulomtimba wekufa? ²⁵ Kodvwa ludvumo kuNkhulunkulu ngaJesu Kristu umhlengi wetfu! Ngako-ke, mine lucobolwami ngitawulandzela lomtsetfo waNkhulunkulu ngeyami ingcondvo. Kodvwa-ke, ngekwenyama ngilandzela umtsetfo wesono.