¹ Manje-ke sitawutsini? Sikhubeke yini esonweni kuze umusa andze?. ² Makungenteki. Tsine lesafa ngesono, singaphila njani naso? ³ Awati yini kwekutsi njengebunyenti balabo lababhabhatiswa kuJesu Kristu babhajatiselwa ekufeni kwakhe? ⁴ Sagcwatjwa, njalo, naye ngekubhajatiswa ekufeni. Loku kwenteka kuze kutsi njengobe Kristu wavuswa kulabafile ngeludvumo lwababe, kanjalo singayiphila imphilo lensha. ⁵ Ngoba kube sabayimbumbe naye ekufeni kwakhe, sitawuphindze sibe munye ekuvusweni kwakhe. ⁶ Ngengobe sati loku, kutsi indvodza yetfu lendzala yabetselwa naye kute kutsi umtimba wesono abulalwe. Loku kwenteka kute kutsi singaphindzi sentiwe tigcili tesono. ⁷ Lona lowafa wamenyetelwa kutsi umsulwa esonweni. ⁸ Kodvwa kube safa naKristu, siyakholwa kwekutsi sitawuphindze siphile kanye naye. ⁹ Siyati kutsi njengoba Kristu wavuswa kulabafile, angeke aphindze afe; kufa sekute legunya etukwakhe. ¹⁰ Endzabeni yekufa kutsi wafela kona, wafa likanye, kodvwa-ke, lemphilo layiphila, wayiphilela Nkulunkulu. ¹¹ Ngaleyo ndlela, nawe titsatse njengalofile esonweni, kodwa uphilile kuNkulunkulu ngaKristu Jesu. ¹² Ngako-ke ningavumeli kutsi sono sibuse emtimbeni yenu lebhubhako kute ninake tinkhanuko tawo. ¹³ Ninganikeli ngetitfo temtimba wenu esonweni, kutsi tibe tikhali letisetjenteniswa kulokungaka lungi.Kodvwa tinikeleni lucobo lwenu kuNkulunkulu njengalabo labavusiwe ekufeni baphila, bese ninikela ngetitfo tenu temtimba kuNkulunkulu njetikhali letisebentiswa ensweni. Ungavumeli sono sikubuse. ¹⁴ Ngoba awukho phansi kwalomtsefto, kodvwa phansi kwemusa. ¹⁵ Leni-ke? Sone yini ngoba asikho ngephasi kwalomtsetfo, kepha ngaphansi kwemusa? Akungenteki. ¹⁶ Anati yini kutsi nanitinikela njengetigcili, nitigcili taloyo lenimutfobelako? Nitigcila tesono, letitakuholela ekufeni, noma nitigcila tekulalela, letitaniholela kulokulungile. ¹⁷ Kodvwa ludvumo alube kuNkulunkulu! Ngoba benitigcila tesono, kodvwa kodvwa nasenilandzela ngekwenhlitiyo indlela yemfundziso lenanikwa yona. ¹⁸ Senetiwe nabamsulwa esonweni, naphindza nentiwa tigcila temusa. ¹⁹ Ngikhuluma njengendvodza ngenca yebutsakatsaka benyama yenu. Njengoba senikele ngetitfo tenu temtimba nje ngetigcila ekungcoleni nasebubini, ngalokufanako, nyalo nikelani ngetitfo tenu temtimba njenge tigcila tekulunga kube kungcweliswa. ²⁰ Ngoba nanitigcila tesono, nanikhululiwe kulokulungile. ²¹ Ngaleso sikhatsi, ngusiphi leso sitselo lenenisaso ngaletintfo tekutsi nyalo ninemahloni ngato? Ngoba umvuzo waleto tintfo kufa. ²² Kodvwa nyalo ngoba senikhululiwe esonweni phindze senitigcila taNkulunkulu, seninesitselo sekungcweliswa. Umphumela kuphila lokunguna phakandze. ²³ Ngoba inkhokhelo yesono kufa, kodwa lesipho saNkulunkulu siyimphilo yaphakadze ngaKristu Jesu iNkhosi yetfu.