¹ Naka inyanga ye Abib, phindze ugcine liphasika ku Simakadze Nkulunkulu wenu, ngoba enyangeni ya Abib Simakadze Nkulunkulun wakho wanikhipha e Gibhithe ebusuku. ² Utawenta umhlatjelo weliphasika ku Simakadze Nkulunkulu wenu ngencenye yemhlambi wetinkhomo nange timvu kulendzawo lapho Simakadze atayikhetsa kubeka libito lakhe. ³ Nitawudla sinkhwa lesinganambiliso kiso; emalanga lasikhombisa ungadli sinkhwa lesinganambiliso kuso, lesinkhwa senkhumbuto yebuhlungu; ngoba naphuma eveni lase Gibhithe ngekushesha. Yentani loku onkhe emalanga ekuphila kwenu khona nitokhumbula lelolanga lapho naphuma khona eveni lase Gibhithe. ⁴ Kute imvubelo lekumele ibonakale kini kuyoyonkhe imincele ngalesikhatsi semalanga lasikhombisa; noma ngabe nguyiphi inyama leniyente umhlatjelo ebusuku elangeni lekucala iyasala kuze kube sekuseni. ⁵ Ningeke nente umhlatjelo weliphasika kunoma nguliphi lemadolobha enu leninikwa wona ngu Simakadze Nkulunkulu wenu. ⁶ Kepha, yentani umhlatjelo endzaweni lapho Simakadze Nkulunkulu wenu ayikhetse khona kubeka libito lakhe. Lapho niyawenta lomhlatjelo weliphasika entsambama nasekuyoshona lilanga, ngesikhatsi semnyaka lapho naphuma khona e Gibhithe. ⁷ Niyose phindze niyidle endzaweni lapho Simakadze Nkulunkulu wenu latayikhetsa; ekuseni nitawugucuka nihambe niye emathendeni enu. ⁸ Emalanga lasitfupha nitawudla sinkhwa lesingana mbiliso; elangeni lesikhombisa kutaba nemhlangano wa Simakadze Nkulunkulu wenu; ngalelo langa ningasebenti. ⁹ Nitawutibalela emaviki lasikhombisa; su kela ngaleso sikhatsi nicala kubeka lisikela embileni lomile kumele nicale nibale emaviki lasikhombisa. ¹⁰ Nibogcina umcimbi wemaviki a Simakadze Nkulunkulu wenu ngekupha umnikelo wenkhululeko losuka etandleni tenu lenitawuniketa, njengoba Simakadze Nkulunkulu wenu anibusisile. ¹¹ Nitojabula phambi kwa Simakadze Nkulunkulu wenu-nine, madvodzana enu, madvodzakati enu, tisebenti tenu letindvuna, tisebenti tenu letinsikati, ema Levi lasekungeneni kwemadolobha enu, phindze netihambi, labete bobabe, phindze nebafelokati labasemkhatsini wenu, endzaweni lapho Simakadze Nkulunkulu wenu latayikhetsa kubeka libito lakhe. ¹² Nitokhumbula kutsi benitigcili e Gibhithe; nakani phidze nente lemiyalo. ¹³ Nibogcina umcimbi wesivuno emalanga lasikhombisa emvakwekutsi nihlanyanyele ekuvuneni kwabo fulawa phindze naku leliwayini. ¹⁴ Nitojabula kulomcimbi wenu-nine, madvodzana enu, madvodzakati enu, tisebenti tenu letindvuna, tisebenti tenu letinsikati, ema Levi, phindze netihambi, labete bobabe kanye nebafelokati labasemadolobheni enu. ¹⁵ Emalanga lasikhombisa nibonaka umcimbi wa Simakadze Nkulunkulu wenu kulendzawo latayikhetsa, ngoba Simakadze Nkulunkulu wenu utanibusisa kutotonkhe tivuno tenu phindze nakuwowonkhe umsebenti wetandla tenu, phindze nigcwaliseke ngenjabulo. ¹⁶ Katsatfu ngemnyaka bonkhe labadvuna kumele bavele phambi kwa Simakadze Nkulunkulu wenu endzaweni latayikhetsa: kulomcimbi wesinkhwa lesingana mbiliso, umcimbini wemaviki, phindze emcimbini wetivuno. Kute lotovela phambi kwa Simakadze alengisa tandla; ¹⁷ kepha, wonkhe umuntfu utawuniketa ngalakukhonako, kutsi wati letibusiso Simakadze Nkulunkulu wenu lani nike tona. ¹⁸ Nibowenta bahluleli ne bemtsetfo emadolobheni enu leniniketwa wona ngu Simakadze Nkulunkulu wenu; batotsatfwa kuyinye yemindeni yenu, bese bahlulela labantfu ngekwehlulela lokulungile. ¹⁹ Ningatsatsi kulunga ngenkhani; ningatjengisi luvelo noma nitsatse lokungakalungi, ngoba lokungakalungi kuyawavala emehlo esihlakaniphi phindze ente emagama alolungile abe ngulangakalungi. ²⁰ Nilandzele kulunga, kulunga kodvwa, khona nitophila phindze nibe yindlalifa yalendzawo Simakadze Nkulunkulu wenu lataninika yona. ²¹ Ningatilungiseli nine i Asherah, noma ngutiphi tigodvo letimfisha, ngaphandle kweli Althari la Simakadze Nkulunkulu wenu lenitatentela nine. ²² Futsi ningatimiseli nine tithico temapoli, loku Simakadze Nkulunkulu wenu akunyanya.