¹ Eni vana vetu ononokeni kuva kuluntu veni muli Muene muomu mukemo mua chili. ² Thingimika yisho na vanoko [likelyo lijui lya lishiko lya kulivanga lya kuli tavathana]. ³ Linga ukale mua chili, na ku kala ntcimbu yalaha hano hantci. ⁴ Neni lalo va yishe, keti mushangumune vana veni vuno valekeni na ku valongetha na ku vamamuna muli Muene. ⁵ Vindungo ononokeni kuli vimyene vyeni kutuala kuntcitu na kathingimiko kakama na ku ngangama, navuchili ua mumbunge yeni. ⁶ Kaleni vaka kuononoka keti lika muye mu vamitalela, linga kupangela kumesho ng kuvua yetha vimbunge vya vantu , kuahi kuvanga ngohoni vantuama lutue vakilistu na kupanga chidhango cha Kalunga ya mbunge yove. ⁷ Pangeni nachidhango cha chili kuli kalunga keti kuvantu. ⁸ Muomu tuna dhivuka nguetu chimantu choshe chachili cha panga muntu uoshe, mukemuo lalo muaka tambula kuli Muene nambe muna ndungo ndi muka kuvutuka. ⁹ Vimyene, pangetheni vangamba mungila ya chili. Keti muva yandethe. munadhivuka ngueni ngechiye voshe Muene na uye ueni ali muilu,na yikeye keku hangula. ¹⁰ Muku manuthula koletheni ko muli Muene, nandhili ya vukama vuendi. ¹¹ Lilemekeni vitua vyoshe vya Kalunga linga muhathe kuvyana kukola cha Satana. ¹² Muomu kulua chetu keti na vuntcitu ndi na maninga, vuno na vusuana, namvukama nava kua kusuana vahano hantci vaka muthithi uno. Navimbunge vya muthithimba vya kuvihya vya kuilu. ¹³ Ngocho vene tambuleni vitua vyoshe vya Kalunga linga muhathe kuvyana kuli tangua lyakuvihya, keho muku manethula, kuimana nandhili. ¹⁴ Ngocho vene yimaneni navuchili muna vuvitika muvimbunda vyeni muiva. vuvyuke muna vuhaka ntelo ya kuntulo. ¹⁵ Keho kumahindi eni munadhala na kuli vua yetha namu vimbunge ua chili vya chivovo. ¹⁶ Kulyevi tambuleni ntelo yakutcelela yimuatha kudhima na yomikili yoshe ya tuhya yiye yamu kaku vihya. ¹⁷ Keho tambuleni likoli lya kuovoka na mukuale ua Mpundhi ukeuo lijui lya Kalunga. ¹⁸ Hamo nakulomba kuoshe naku kandelela choshe muku lomba ntcimbu yoshe mu Mpundhi. Keho taleleni nandhili yoshe na mukukaluua choshe ngue muye kulomba muomu vantu vaKalunga voshe vayela. ¹⁹ Nange vene linga vanji hane lijui muye munja shama kanua kange, njilangulule lihungu lya mudhimbu ua chili na kuthimpa. ²⁰ Muli kelyo nji kanganda mumikole nga chiye chinji handeke na ku thimpa, ngue munji yongola kukuanya. ²¹ Vuno muka dhivuka vyuma vyange muachili, Tikiko mukuetu yitua yongola yikeye lalo muka vipanga vya ku tcilikinya muli Muene, yikeye aka milanguilila vyuma vyoshe. ²² Njina tumu kulyeni mukemuo vene, linga mu dhivuke motuli keho alembedheke vimbunge vyeni. ²³ chivovo chikale na vakuetu na chidhango hamo na kutcelela, vya kuli Kalunga yishe na Muene Yesu Kilistu. ²⁴ Kavumbi kakale na voshe va yongola Muene uetu Yesu Kilistu na chidhango kache kua luluka.