¹ Paulu, ka postolu ua Kilistu Yesu kuchiyongola cha mashiko aKalunga Muovole uetu na Kilistu Yesu kutcelela kuetu, ² kuli Timoteu, munange yinja yongola mu ku tcelela: Kavumbi, ngodhi na chivovo kuli Kalunga Yishe na Kilistu Yesu Muene uetu. ³ Ngue nji shangala kuli Kalunga, u nje kupangela muye munja tundile ku Macendoniya, kukala mu Efeso linga uathe ku tumina vantu vamo keti kulongetha mashiko aku likalela. ⁴ Omo nji thinganyeka mishodhi yove nji li na vuthiua na kumona. Evi vye ku vuedhelela ku vithimona ku tuvakana liyango lya Kalunga, vuye vua kutcelela. ⁵ Omo nji vuluka kutcelela, chiye ko cha kele na chivembulu chuna kele nacho chikecho cha kele cha chili na ku tcelela. ⁶ mukemuo vene nji ku vulukitha linga ushelelethe vuana vuye vua Kalunga vuli muli yove ha kukambeka mavoko ange. ⁷ Muomu Kalunga ka tu hanene muthithimba ua lyova vuno ku ndhili na liyango na ku likehetha. ⁸ Vuno tuna dhivuka viye vya lishiko lya chili nga umo ua lipangethele. ⁹ Muna dhivuka evi, lishiko liye kova lihakele mu muhela muomu lyala uaku vuaha, vuno muomu vantu va ku vihya na kuyeneka lishiko, muomu vantu vakuyeneka kushuama kalunga na mulonga, muomu voshe vaye va kuyeneka kuyela na ku thana, muomu voshe vaye vatcihile yishe na yina yavo, muomu vaka kutcihya. ¹⁰ Vuno mualolo cha yomboloka ha kuinja cha Muovole uetu Kilistu Yesu yikeye ua manethele kutca keho ha vipanga vya chili ua nehele kumutanya muono na chiye ko cha kele na kutca. ¹¹ Kukekuo ku vanji shovuele ku kala muka kuambulula na kapostolo na mulongithi. ¹² Nji mushangala Kilistu Yesu Muene uetu. Endi ua nji kolethele, muomu yikeye ua njiyonguele muka kutcelela, na ku nji shovola yange kukala muka vipanga. ¹³ nambe nga yange nja kele laya muka ku shaula Kalunga na muka kuyandetha na muka viyitha, vuno nja muene ngodhi muomu nja vipangele kundhimba nolo kanda nji tcelele. ¹⁴ Na kavumbi ka Muene uetu ka shule muakama na kutcelela na liyangoliye lili muli Kilistu Yesu. ¹⁵ Lya chili lijui eli keho voshe vana pande kuli tambula likelyo eli Kilistu Yesu uedhile hano hantci mukuovola mulonga ha kati kavo yange nja tuvakana. ¹⁶ Vuno muomu evi nja muene ngodhi, linga muli yange ngue uye, ua tuvakana, Kilistu Yesu aka yombolole lukakateya luendi luoshe lua ngodhi ngue chimuetho kuli vaye vaka kutcelela kutunda haye mu ka tambula muono ku ue kuhua. ¹⁷ Mualolo kuli Muene uye ke kuhua ua yaye kakele na kutca, ka tuatha ku mu mona, yikeye lika Kalunga, kuli yikeye kukale kathingimiko na vungulu ku myaka na myaka. Amen. ¹⁸ Lishiko eli nji kundika kulyove munange Timoteo, ngue omo ku vupolofeto vuye vua ku ku tumbula yove laya, linga vukevuo uka lua ndhita ya chili, ¹⁹ mu ku kakateya ku tcelela na chishoti cha kuvuaha. Vikevyo vamo mu ku vyumbila kuako va hona ku kutcelela. ²⁰ Ha kati kavo kuli Himeneu na Alesandele, vakevo va nja kundikile kuli Satana linga valilongethe keti vashaule Kalunga.