¹ Upendano wa rongo na urame. ² Kana uribali kwayangatuya ageni kwa mwanja ndera yeno yenge atikuwakaribisha maraika bila tanga. ³ Mwakombokibo abatubirwe na bembebo atabirwa pamope na bembe nabo bababonerekwa kwa nyo mwenga na mwenga chamire katika yega. ⁴ Ndoa naichimuue na bandu bote na magonjo gabe manogau na mwanja barupoyanga na azizi Nnongu are cherwa makocho. ⁵ Kana mube na kipili chopenda hela mube radhi na irebe. Yabire nayo kwo panga ywembe mwene atibaya mbara kukupongwa ri wara nikwekari.'' ⁶ Ata twanda paya rongera, ''Ngwana na ywembe anyangatiye; nyongipa ri mwanadamu apala kunipanga namani?'' ⁷ Mwakomboki baro bababire kabaongoza bababire kababakiya likowe rya Nnongu kaye, twachunguza muno mwisho wo yenda kwabe mujige ubereya kwabe. ⁸ Yesu Kristo ni ywembe yoro lichona reno na ata machoba gote. ⁹ Kana mupotwerelwe na mayegano gaina yenge na yakigeni kwamwanjani uongau wa moyo upangirwe munomuno kwa ngongo ila kwa yakulyari ambayo bembe babayei nayo papatikeri yongea. ¹⁰ Tuna mazabau ambayo baro babayangatiya yero ema mtopo lihusa lya irebe yake. ¹¹ kwa mwanja inyama baro ambao damu yabe reterwa nyumba yapaperetau na mkorongwa mkoro mwanja ya zambi lwirirwui yabe yaopangirwa mkoro mtopo panja ya kambi. ¹² Kwa mwanja nyo Yesu na ywembe ilagurwe bandu kwa miyai yake mwene atibonerelwa panja ya litanga. ¹³ Bai na tuboke tunenderi panja ya kambi katupotwa lawama yake. ¹⁴ Mwanja apa mtopo mmema waurama ila tunda kupara gori wauicha. ¹⁵ Bai kwandela yake ywembe natumpei Mnongo zabihu yaurembereko kila luchaba kwa mwanja litunda lya mikano yairumbana lina lyake. ¹⁶ Lakini kana mulibali panga magoroli na rumbana mwanja chadaka kati yeno na yembe ngaimpuluisha Nnongu. ¹⁷ Mwayoe bere kuwaongoza na kuwaheshimu kwa mwanja bembe bandakeleka kwa mwanja ya roho yinu kati bandu babapia ubarangirwo ili panga bapange nyo kwa pulaika wala kwa ubabulari mwanja itikilwa faikari mwenga. ¹⁸ Muturobi mwanja twandaobereyari panga tunamakusudi manogau mwene tupalike na nyendo ngorou katika makowe gote. ¹⁹ Nanyi nindakuwakongondya muno sana panga abo ili ni buyanginwe kuunu kiyombeya. ²⁰ Bai Nnongu ywo yoangana ywammetike kaye boka wafu mchungaji mkolo wa ngondolo kwa miai ya muyeke tyano lya machoba gote ywembe gwana witu Yesu, ²¹ Apangange mutenga panga mwaperetau katika kila likowe linogau rigorou muweche kugapanga mapuraikiyo gake na ywembe kapanga mkati yitu lya linogererya mnonge yake kwa Yesu krisro, uperetau una ywembe machoba gote na ibe nyo. ²² Kwa mwanja nanda kuwaakangonderya arongo mpotwane na likawe leno yene makanikiyo kwa mwanja kuwalembya kwa makowe machene. ²³ Mtange yo panga Mnongo witu Timotheo ayomwile yoyore kwa na ywembe mwene aichere kiyombeya na kwembana na mwenga pamope na ywembe. ²⁴ Mwasalimie bote bene kwa ongosha na peretau bote. Abo babaire Itaria banda kuwasalimu. ²⁵ Ngongo naibe na mwenga na mwabote.