¹ Bai natwenga na yembe kwa panga tunda tindikirwa na maunde makolo gababweni namna yeno na tubeke pambwenga kigombo kitopau na zambi yero yatubiringiya kwa upesi na tukombwe rubero wa zaburi katika gara mashindano gagabekilwe mngonge yitu. ² Mwene tumningite Yesu mwene ywa tumbwire na mwene yomoryo obereya kwitu na ywembe kwa mwanja kwa furaika yaibekilwe mngonge yake atikustaimili msalaba na kuucharawa oni na ywembe atitama muruboko rwa malujo wakiteo cha enzi cha Nnongu. ³ Kwa nyo mumfikiri emuno ywembe aliyestahimili makanikio makolo kwa nyo ya babapanga dhambi kunani ya nafsi yabe kana muche choka no induka mu mioyo yinu. ⁴ Munapangali ngando atajitanika miyai kanshindano na dhambi. ⁵ Kaye mutigalibalya garo makanikiyo gagabaya murenga kati baga na bana mwana wangu kana liwachakwe makweleko ga Ngwana wala kana uinduke moyo mwene ubendirwe na ywembe.'' ⁶ Kwa nyo ywembe na ywembe Ngwana andakumpukaikya kumkweleko na ywembe kumkombwa kila mwana amnyeketi. ⁷ Kwa mwanja yo kweleka mwastahili. Nnongu awapangi kati mwa bano mwanja ni mwana ywako ywakwelekuule na tate bake? ⁸ Bai mwene itei ibire mtopo kwelekerwa na ryembe niritundo lya bote na ywembe mpangite mwa bana baramu mwenga wala bana binu baharali. ⁹ Na pamope na ago twabile na tatibitu wakiyega babatukwelike na twenga twatikuwayoa bai ni bara muno kuyea paye yatate walo yitu no rama? ¹⁰ Kwa mwanja ningayembe abo kwamachoba machene batitukweleka kati chababoni nnagerelya bene ila ywembe kwo pata kwitu ili tushilini uperetau wake. ¹¹ Kira libonero kwa wakati wake ubonekanari panga kirebe cho upuraika ila chopataoni lakini bahadaye kwaletya bembe babayoberilwe na ago matunda ya muno gene amani. ¹² Kwa nyo mugagorwe maboko gagaregelike na mayua gagatengiwte; ¹³ mukaipangi magoro ginu ndera ya inyokite ira kila kirebe kindyeka kana kikongerwe bai bora kiponenerwe. ¹⁴ Mupate kwa bidihi bana yoangana na bandu bote na wo upaetau na wembe mtopo mundu ijwapakumwona Ngwana bila bana go kamurolanga muno mundu. ¹⁵ Kana apunjirwe nema ya Nnongu kitepo cho babakana lweche ipuka na kwa nokwa na bandu baingi kaba yeyerwa ukinyara kwa lyo. ¹⁶ Kana abe mwene rupoyango wala gangalikumnomba NNongu kati Esau, ywapemie urithi wake wa ubeleka wa tambwa kwa mwanja ya chakurya chimo. ¹⁷ Kwa mwanja mutangite panga atapapalike bahadaye urithi wake baraka atikanirwa kwa mwanja abonili mbenyo yo tubu atamwene ibire itipotto muno kwa mori. ¹⁸ Kwa mwanja awachikeri kitambe cha kiwecha tombolelwa kwo uyakite moto wala liunderipili na rubendo na fani. ¹⁹ Na lirobe lyabaragumu na rilobe lamakowe ambapo bara babatowine batibaya kana bapeyerwe bonerekwa kwa likowe ryoryote renge. ²⁰ Kwa mwanja bawechikeri kustahimili likowe relyo lyalibakilwe ata kinyama mwene kunyuire acho kitombe aparakombrelwa kwa mariwe.'' ²¹ Na hago gagabonekine na nya chagabire go yogoya ata Musa nya baya, ''Hikamirwa no yogopa no rendema.'' ²² Bai mwenga mutikuwacha kitombe Sayuni namji wa Nnongu ywabire mkoto Yerusalemu wa kunani na majeshi ya maraika elfu ya mbone. ²³ Mkwembano mkoro na kanisa la waberekwa wa tumbwa babarembirwe kunani na NNongu mwamuzi wa bandu bote naroho ya bandu bene uperetau bababire aperetau. ²⁴ Na Yesu mtumirwa wa nlangano ryayambe na miai ya michikirwa yairongera manogau kuriko yero yabere. ²⁵ Lolange kanamunkane ywembe ywarongera kwa mwanja abire bakochopolirwe ri balo baba mkani ywembe ywapaite kunani ya mnema na nya muno tukochopolerweri twenga twene tukwepite na ywembe ywatukweleka boka kunani. ²⁶ Na ywembe rilobe lyake yatirendemea mirima wa kati goro. Lakini ambeyambeno atibaya kabaya mara jimo kaye mbala rendemea si mchibai bali na kunani na yembe.'' ²⁷ Lakini likowe relo, ''Mara jimo kaye, ''Natirangirikwa kwarangililya yero yawecha rendemerwa kati irebe yayumbire irebe yangari ulecha rendemenua kitame. ²⁸ Bai kwa nyo twandapokeya ukorongwa wangali wecha rendemerwa na mube na ngongo na yembe kwa yo tumpikiye NNongu urumbo wokumpulaikya pamopope no nyenyekea na kicho, ²⁹ kwa mwanja Nnongu witu ni mwoto wo lya.