¹ Kepha wena, khuluma lokufanele imiyalo leyetsembekile. ² Fundzisa emadvodza lamadzala kutitsiba, azitse, acine ekukholweni, elutsandvweni, nasekubeketeleni. ³ Kanjalo ufundzise bomake labadzala kutsi bahlonipheke ngesimilo, bangabi tigcili nome tigcili tekudzakwa, kepha babe bafundzisi balokulungile, ⁴ futsi ceceshani bomake labancane kutsandza bayeni babo nekutsandza bantfwababo, ⁵ babe ngulabacondzile, labahlantekile, babe bagcinitindlu labalungile, futsi batsembeke kubayeni babo, khona livi laNkulunkulu ngeke lihlambalatwe. ⁶ Ngendlela lefanako, khutsatani emadvodza lamancane kutsi asebentise imizwa lelungile. ⁷ Kuto tonkhe tindlela tetfuleni nibe sibonelo semisebenti lelungile. Ekufundziseni kwenu, khombisani bucotfo, nesitfunti, ⁸ nemlayeto longuwo longetulu kwekwenyanyekiswa, khona ke noma ngubani lomelana nani ahlazeke ngoba bete lokubi labangakusho ngatsi. ⁹ Fundzisa tisebenti kutsi tilalele baphatsi babo kukokonkhe, tingaphikisani nabo kepha nibajabulise, ¹⁰ kungebi kubo, kepha esikhundleni, kutjengisa lonkhe lukholo lolungile, khona endleleni yonkhe babuyise inzuzo kulesifundziso nga Nkulunkulu uMsindzisi wetfu. ¹¹ Ngenca yemusa waNkulunkulu wensindziso yabo bonkhe bantfu sewubonakalisiwe. ¹² Kuyasicecesha kutsi sikudzele kungakholwa netinshisekelo telive, bese siphila ngekuzitsa, sime sicondze, nasemphilweni yebunkulunkulu kulomhlaba, ¹³ sisabuke phambili kwemukela litsemba lelibusisekile letfu, kubonakala kwenkhatimulo kwaNkulunkulu wetfu lomkhulu neMsindzisi Jesu Khristu. ¹⁴ Jesu watinikela kuze tsine sihlengwe ebubini nekutsi simentele bantfu labamcoka labahlantekile labanenshisekelo yekwenta imisebenti lelungile. ¹⁵ Khulumani ngaletinfo leti, khutsatani bantfu kutsi batente, futsi nibanike tilungiso ngawo onkhe emagunya. Akungabi namunye lokubukela phasi.