¹ BaFarisi nebaSadusi beta kuJesu bamlinga ngekumbuta kutsi abatjengise sibonakaliso lesivela esibhakabhakeni. ² Kodvwa wabaphendvula watsi, "Nakushona lilanga, nitsi, 'litawubalela, ngobe sibhakabhaka sinemafu.' ³ Nasekusile, nitsi, 'litakuna, njengobe sibhakabhaka sinemafu phindze sibhejile.' Uyakwati kuchaza simo sesibhakabhaka, kepha awukwati kuchaza tibonakaliso tesikhatsi. ⁴ Situkulwane lesibi nalesiphingako sifuna sibonakaliso, kepha kute sibonakaliso labatasitfola ngaphandle kwesibonakaliso saJona." Wase Jesu uyahamba uyabashiya. ⁵ Ngesikhatsi bafundzi sebawelele ngesheya, bebakhohlwe kutsatsa sinkhwa. ⁶ Jesu watsi kibo, ''Nibocaphela yimibiliso yebaFarisi kanye nebaSadusi.'' ⁷ Bafundzi basebakhuluma bodvwana batsi, '' kungobe asikasiphatsi sinkhwa.'' ⁸ Jesu abekwati loko watsi kibo, ''Ninelukholo loluncane, netiwa yini kutsi nikhulumisane nodvwana ngekutsi anikasitsatsi sinkhwa? ⁹ Anesabi yini nobe anikhumbuli mhlazana ngihlephula tinkhwa letisihlanu, letenela bantfu labangu 5000, nekutsi nagcwalisa emabhasikidi lamangakhi? ¹⁰ Nobe letinkhwa letisikhombisa letesutsisa bantfu labangu 4000, nagcwalisa emabhasikidi lamangakhi? ¹¹ Kwentiwa yini kutsi ningacondzi kutsi bengingakhuluminani ngesinkhwa? Kepha caphelani imibilisi yebaFarisi kanye nebaSadusi.'' ¹² Base bayabona kutsi abengasho yona imbiliso yesinkhwa, kepha bacaphele timfundziso tebaFarisi nebaSadusi ¹³ Nyalo ngesikhatsi Jesu afika eveni lelisedvute neKhesariya Filiphi, wabuta bafundzi bakhe, watsi, ''Bantfu batsi indvodzana yeMuntfu ingubani? ¹⁴ Batsi, ''Labanye batsi nguJohane uMbhabhatisi; labanye, Elija; phindze labanye, Jeremaya nobe munye webaphrofetsi.'' ¹⁵ Watsi kibo, Kepha nine nitsi ngingubani? ¹⁶ Simoni Phetro waphendvula watsi, ''unguKhristu, indvodzana yaNkulunkulu lophilako.'' ¹⁷ Jesu wamphendvula wase sewutsi kuye, ''Ubusisiwe wenaSimoni waJona, ngoba inyama nengati isengakakuveti loku kuwe, kepha nguBabe losezulwini. ¹⁸ Nami ngitsi unguPhetro, etikwalelidvwala ngitawakha libandla. Nemandla ekufa angeke alehlule. ¹⁹ Nitokuniketa tikhiya tembuso welizulu. Noma ngayini lotakubopha lapha emhlabeni kuyawube kuboshiwe nasezulwini, nako konkhe lotakukhulula lapha emhlabeni kuyawube kukhululiwe nasezulwini.'' ²⁰ Wase Jesu uyabayalisisa bafundzi bakhe kutsi bangatjeli muntfu kutsi unguKhritsu ²¹ Kusukela ngaleso sikhatsi Jesu wacala watjela bafundzi bakhe kutsi kufane aye eJerusalema, niyewuhlushwa tibondza telibandla kanye nebaphristi labakhulu kanye nabafundzisi bemtsetfo, ngitawubulawa, phindze ngifuswe ngelilanga lesitsatfu. ²² Wasephetro umdvonsela eceleni wamkhuta, atsi, ''Sengatsi loku kungaba khashane nawe, Nkulunkulu, sengatsi kungete kwenteka kuwe.'' ²³ Kepha Jesu wagucuka watsi kuPhetro, ''Buya emvakwami, Satsane! Usitsikameti kimi, ngobe awungenelani netintfo taNkulunkulu, kodvwa ubvona kwebantfu.'' ²⁴ Jesu wase utsi kubafundzi bakhe, ''uma kukhona lofuna kungilandzela, akatidzele yena, etjatse siphambano sakhe, angilandzele. ²⁵ Lofuna kusindzisa imphilo yakhe uyawulahlekelwa ngiyo, kepha lolahlekelwa yimphilo yakhe ngelibito lami uyawuyitfola. ²⁶ Ngoba kuyawumsita ngani umuntfu kutfola live lonkhe kepha alahlekelwe ngumphefumulo? Imgabe angakhiphani umuntfu kuhlenga umphefumulo wakhe? ²⁷ Ngoba indvodzana yemuntfu iyawufika ngenkhatimulo yeYise ikanye netingelozi tayo. Ngulapho ke iyawukhokhela umuntfu njenge kwenta kwakhe. ²⁸ Ngicinisile ngitsi kini, kukhona labanye la emkhatsini wenu labangeyukufa badzimate bayibone iNdvodzana yeMuntfu ita embusweni wayo.''