¹ Kwaba nguleso sikhatsi lapho inkhosi Herodi, eva umbiko ngaJesu. ² Watsi etisebentini takhe;''lona nguJohane uMbhabhatisi, sewuvukile ekufeni. Ngako lamandla nje asebenta kuye. ³ Ngobe phela Herodi abebambe Johane, wamfaka ejele ngenca yaHerodiyasi, umkaFiliphu, umnakabo. ⁴ Ngoba Johane abemtjele kutsi ''kwakungekho emtsetfweni kutsi Herodi amtsatse''. ⁵ Ngako-ke, Herodi abefuna kumbulala kodvwa wesaba bantfu ngobe, bebati kutsi Johane ngumprofethi. ⁶ Kwatsi ngelilanga lekutalwa kwaHerodi indvodzakati yaHerodiyasi yeta yagidza embikwetivakashi tonkhe Herodi wajabula. ⁷ Kangangekutsi wayetsembisa wafunga kutsi Utayinika noma ngayini layidzingako. ⁸ Yona seyitjelwe ngunina watsi;''Ngiphe inhloko yaJohane uMbhabhatisi ,ibekwe emgcwembeni.'' ⁹ Inkhosi yadzabuka kakhulu kepha ngenca yesifungo lebeseyisentile embikwabo bonkhe lebeyihleti nabo ekudleni,yayaleta kutsi inikwe njengekufisa kwayo. ¹⁰ Ngako-ke kwatfunyelwa,Johane wajutjwa inhloko ejele. ¹¹ Inhloko yakhe yaletfwa ngemgcwembe,yanikwa intfombatana,yona yase imikisa kunina. ¹² Bafundzi baJohane beta basitsatsa sidvumbu sakhe, basingcwaba;base bayahamba bayawubikeka Jesu. ¹³ Kwatsi kube Jesu ayive leyo ndzaba wasuka kuleyo ndzawo wagibela esikebheni, wawelela endzaweni lete bantfu afuna kuba yedvwa. Bantfu batsi kube kube bakuve loko baphuma emitini yabo bamlandzela ngetinyawo. ¹⁴ Jesu watsi uyehla esikebheni wabona sicumbi lesikhulu sebantfu, waba nesihawu nabo. Wabapilisa bonkhe labebagula. ¹⁵ Entsambama bafundzi bakhe beta kuye batsi;''Selishonile lilanga kantsi nala kuilihlane.Sale ubahambisa labantfu baye emadolobheni bayoyifunela labangakudla.'' ¹⁶ Kepha Jesu watsi kubo; ''Asikho sidzingo sekutsi bahambe, bapheni nine kudla, badle. ¹⁷ ''Batsi kuye; ''Asinalutfo lapha ngphandle kwetinkhwa kwetinkwa letisihlanu netinhlati letimbili.'' ¹⁸ Jesu watsi, ''tiletseni lapha kimi.''