¹ Kwase kuphuma livi watsi Jesu Christu uma acedza kunika bafundzi bakhe labalishumi nakubili imilayeto, wahamba kusuka lapho waya kuyokufundzisa neku shumayela emadolobheni abo. ² Watsi kube eve Jona asejele ngemisebenti yaChristu, wase umtfumelela umlayeto ngeba fundzi bakhe wase ³ utsi kuye ''kungabe nguwe lona lotako noma kumele sifune lomunye?''. ⁴ Jesu wabaphendvula watsi, ''Hambo uyobikela Jona ngalokubonile nalokuvile. ⁵ Labangaboni sebayabona,tishosha setiyahamba,labanebulepelu bayaphiliswa,labangeva sebayeva,labafilile bayavuswa ekufeni baphile, nelivangeli liyashumayelwa kulabamphofu. ⁶ Ubusisiwe longakhubeki ngami.'' ⁷ Nakasa jika lamadvodza,Jesu wakhuluma nesicuku ngaJona, ''Niphumele kuyobona ini ehlane-umhlanga unyakatiswa ngumoya? ⁸ Kodwva niphumele kuyobona ini vele-indvodza yembetse timphahla letinhle? Sibili,labo lebembetse timphahla letinhle bahlala etindlini temakhosi. ⁹ Kodwva naniphumele kuyobonani vele-umprofethi? Yebo,ngitsi kini,lokukhulu kunemprofethi. ¹⁰ Nguye lona bekubhalwe ngaye,bukani la, ngitfumela sitfunywa sami phambi kwenu, loyo lotawunilungiselela indle. ¹¹ Ngicinisile ngitsi kini,kulabo labatelwe nguwesivazane kute lomkhulu kuna Johane umbhabhatisi.Kodwva umuntfu lowedzelelekile embusweni wezulu mkhulu kunaloku langiko. ¹² Kusukela ngemalanga aJohane umbhabhatisi kuze kube nyalo,umbuso wezulu uhluswa ludlame, nemadvodza eludlame awutsatsa ngenkhani. ¹³ Ngoba bonkhe baprofethi nemtsetfo besoloku kuprofetha kuze kufike Johane; ¹⁴ nabe ke uyafuna kutemukela,bekungu Elisha lebekumele ete. ¹⁵ Loyo lonato tindlebe tekuva,akeve. ¹⁶ Ngingasilinganisa nani kepha lesitukulwane sanamuhla? sifana nebantfwana nabadlala emakethe,labahlala bamemetana ¹⁷ batsi,' sanishayela tigubhu,azange nigidze. sanililisa kepha azange nikhale.' ¹⁸ Ngoba Johane akafikanga adla sinkhwa noma anatsa,batsi, 'unelidimoni.' ¹⁹ Indvodzana yemuntfu yefika yadla yanatsa batsi, 'Buka,usidli sendvodza futsi usidzakwa,ungumngani webatselisi netoni!' Kodwva kuhlakanipha kuhlengwa yimisebenti yako.'' ²⁰ Jseu wabese ucala usola emasontfo lebekente kuwo imisebenti yakhe lemihle,ngoba bebangaka phendvuki. ²¹ ''Nako kuwe,Chorazin! nako kuwe,Bethsaida! nangabe lemisebenti lemihle leyenteke kuwe beyenteka eTyre nase Sidon,ngabe kudzala baphendvuka bembatsa timpahla temasaka batitsela ngemlotsa. ²² kodwva kuyawuba ncono kuyo iTyre ne Sidon kunani ngelilanga lekwahlulelwa. ²³ Wena,Capernaum,ucabanga kutsi utawuphakanyiswa yin ezulwini? Cha,uyowehliselwa endzaweni yalafile. Ngoba kube lemisebenti lemihle leyenteka kuwe beyenteka eSodoma,ngabe solo isele kuze kube kunamuhla. ²⁴ Kodwva ngitsi kuwe kuyawuba lula eveni lase Sodoma nelilanga lekwahlulela kuna kuwe. ²⁵ Ngaleso sikhatsi Jesu watsi, ''Ngiyabonga,Babe,Nkhosi yase zulwini nase mhlabeni, ngoba ukufihlile loku kulabahlakaniohile nalaba nekucondza wakwembula ebantfwaneni labancane. ²⁶ Yebo,Babe,ngoba loku bekukwenetisa emehlweni akho. ²⁷ Tonkhe tintfo ngitinikwe nguBabe; futsi kute loyatiko iNdvodzana ngaphandle kweYise,kantsi futsi kute lowati uYise ngaphandle kweNdvodzana nalowo iNdvodzana lekhetsa kumembulela. ²⁸ Wotani kimi,nine nonkhe lenikhatsele nalenisindvwa yimitfwala,ngitaniphumuta. ²⁹ Bekani lijoko lami kini nifundze kimi, ngoba ngimnene ngitfobekile ngenhlitiyo,futsi nitawutfola kuphumula kemiphefumulo yenu. ³⁰ Ngoba lijoko lami lilula nemtfwalo wami awusindzi.''