¹ Batsandzekayo, ningabokholwa ngibo bonkhe bomoya. Esikhundleni saloko, hlolani bomoya nibone kutsi bavela kuNkulunkulu yini, ngobe baphrofethi bemanga labanyenti baphumele emhlabeni. ² Naku lenitawubona ngako Moya waNkulunkulu - wonkhe umoya lovuma kutsi Jesu Khristu ufikile enyameni uvela kuNkulunkulu, ³ naye wonkhe umoya longamvumi Jesu awuveli kuNkulunkulu. Loyo ngumoya wemphikakhristu, leneva ngaye futsi sewuvele usemhlabeni. ( wonkhe umoya longamemukeli Jesu awuveli kuNkulunkulu. loyo ngumoya wamphikakhristu, leneva kutsi uyeta, nyalo sewuvele usemhlabeni). ⁴ Nine nivela kuNkulunkulu, bantfwana, futsi nibancobile, ngobe lona lokini mkhulu kunalona losemhlabeni. ⁵ Bavela emhlabeni bona ; ngako-ke labakushoko kukwasemhlabeni, nemhlaba uyabalalela. ⁶ Tsine sivela kuNkulunkulu. Nobe ngubani lowati Nkulunkulunku uyasilalela. Umuntfu longaveli kuNkulunkulu akasilaleli. Simati ngaloko moya weliciniso namoya wekweduka. ⁷ Batsandzekayo, asitsandzaneni, ngobe lutsandvo luvela kuNkulunkulu, futsi wonkhe lonelutsandvo utelwe nguNkulunkulu futsi uyamati Nkulunkulu. ⁸ Umuntfu longenalo lutsandvo akamati Nkulunkulu, ngobe Nkulunkulu ulutsandvo. ⁹ Ngenca yaloko lutsandvo lwaNkulunkulu lwembulwa kitsi, kutsi Nkulunkulu utfumele indvodzana yakhe lekukuphela kwayo emhlabeni kute kutsi siphile ngenca yayo. ¹⁰ Kuloko ke lutsandvo, hhayi kutsi tsine satsandza Nkulunkulu, kodvwa kutsi wasitsandza, nekutsi watfumela indvodzana yakhe kutsi ibe yintsetselelo yetono tetfu. ¹¹ Batsandzekayo, nangabe Nkulunkulu asitsandza kangaka, natsi kufanele sitsandzane. ¹² Kute umuntfu loke wabona Nkulunkulu. Uma sitsandzana , Nkulunkulu uhlala kitsi, nelutsandvo lwakhe lwentiwe lwaphelela kitsi. ¹³ Ngaloko siyati kutsi sihlala kuYe naye kitsi ngobe usiphile kwaMoya wakhe. ¹⁴ Futsi, sibonile sase siyafakaza kutsi uYise utfumele iNdvodzana kutsi ibe nguMsindzisi welive. ¹⁵ Noma ngubani lovuma kutsi Jesu uyindvodzana yaNkulunkulu, Nkulunkulu uhlala kuye naye kuNkulunkulu. ¹⁶ Futsi, satile saphindze salukholwa lolutsandvo lanalo Nkulunkulu ngatsi.Nkulunkulu ulutsandvo, loyo lohlala kulolutsandvo uhlala kuNkulunkulu, naNkulunkulu uhlala kuye. ¹⁷ Ngenca yaloku, lolutsandvo selwentiwe lwapheleliswa emkhatsini wetfu, kute kutsi sibe nesibindzi ngelilanga lekwehlulela, ngoba njengoba anjalo, natsi sinjalo kulomhlaba. ¹⁸ Kute kwesaba elutsandvweni. Esikhundleni saloko, lutsandvo loluphelele lukulahlela ngaphandle kwesaba, ngoba kwesaba kuhambelana nesijeziso. Kodvwa loyo lowesabako usengakapheleliswa elutsandvweni. ¹⁹ Sitsandza ngobe Nkulunkulu wasitsandza kucala. ²⁰ Nangabe lomunye atsi, "Ngiyamtsandza Nkulunkulu" kodvwa atondza umzalwane wakhe, ungumcambi manga. Ngobe nangabe umuntfu angamtsandzi umzalwane wakhe, lambonako, angete amtsandza Nkulunkulu, langambonanga. ²¹ kanjalo, sinalomyalo lesawemukela kuYe: Lotsandza Nkulunkulu ufanele atsandze nemzalwane wakhe.