¹ Bonani kutsi nhlobo yini yelutsandvo Nkulunkulu lasinikete lona, ukute sibitwe ngekutsi sibanntfwana bankulunkulu, vele singabo. Ngaleso sizatfu live alisati, ngoba lingamatanga yena. ² Batsandzekako sesibantfwana baNkulunkul, noko sisengakambulwa lelesiyawuba nguko. Siyati kutsi mhla Jesu abonakaliswa, siyawubanjengaye, ngoba siyawumbona bunguye bakhe . ³ Wonkhe lonelitsemba uyatihlambulula njengoba naye angcwele. ⁴ Wonkhe lowonako wenta tento tekungabi namtsetfo,ngoba sono asinamutsetfo. ⁵ Niyati kutsi Krestu wabonakaliswa ngekutsi kususwe tono, futsi kuye kute sono. ⁶ Kute namunye lohlala kuye lotawuchubeka one. Akekho lochubeka nesono lambonile nobe amatile. ⁷ Bantfwana, ningavumi lomunye anidukise. Loyo lowenta kulunga ulungile, njengobe naKrestu ulungile. ⁸ Loyo lowenta sono ubuya kusathane,ngobasathane wona kwasekucaleni ngalesosizatfu iNdvodzana yaNkulunkulu yembula, kute kutsi abhubhise imisebenti yasathane. ⁹ Wonkhe lotelwe nguNkulunkulu akachubeki one, ngoba inhlanyelo yaNkulunkulu ikuye.Angeke achubeke one ngoba asatelwe nguNkulnkulu. ¹⁰ Kuloku bantfwana baNkulunkulu nebantfwana basathane bambuliwe: Lowo longenti lokulungile akaveli kuNkulunkulu, akasiye nalotsandza umnakabo. ¹¹ Ngokuba nangu umbiko lowawuva kusukela ekucaleni: Asitsandzananeni. ¹² Asingafanani naKhayini, lobekabuya kulomubi lowaphindze wabulala umnakabo. Wamubulale lani? Ngoba imisebenti yakhe mibi nekulunga kwemunakabo. ¹³ Ningamangali, bomnaketfu, nangabe live linenyanya. ¹⁴ Siyati kutsi sendlulile ekufeni sisekuphileni, ngobe sitsandza bomnaketfu. Wonkhe longatsandzi uhleli ekufeni. ¹⁵ Wonkhe lonyanya umnakabo. Uyati kutsi kute umbulali lonekuphila lokuphakadze kuye. ¹⁶ Ngaloko siyalwati lutsandvo, ngoba Krestu wabeka imphilo yakhe ngenca yetfu. Natsi sifanele kubeka phansi timphilo tabo ngenca yabomnaketfu. ¹⁷ Kepha lone tento telive letinhle, abona umnakabo adzingile, aphindze avale inhlitiyo yeluvelo kuye, lungahlala kanjani lutsandvo lwa Nkulunkulu kuye? ¹⁸ Bantfwabami, asingatsandzani ngelivi nobe ngelulwimi, kepha ngetento nangeliciniso. ¹⁹ Kungakaloku lokutsi sati kutsi sisuka ecinisile, sibuye sibe nesiciniseko enhlitiweni tetfu kuye. ²⁰ Nangabe tinhlitiyo tetfu tisehlulela, Nkulunkulu mukhulu kunetinhlitiyo tetfu, uphindze atikonkhe yena. ²¹ Batsandzekayo, nangabe tinhlitiyo tetfu tingasehluleli, sinesiciniseko ngaNkulunkulu. ²² Konkhe lesikucelako sitakutfola kuye, ngoba sigcina imiyalo yakhe sibuye sente tintfo letijabulisako phambi kwakhe. ²³ Nangu ke umyalo wakhe: kute sikholwe egameni leNdvodzana yakhe Jesu Krestu sibuye sitsandzane lomunye nalomunye, njengoba asinika lomyalo. ²⁴ Loyo logcina imiyalo yaNkulunkulu uhlala kuye .Ngaloku siyati kutsi uhlala kuye, ngaMoya lasinika wona.