¹ Sombi Saulo , ili alukulabila ifya kuchinya ne kwipaya aba sambile baba shikulu alile kumu papatilishi umukulu ² ne kulomba kuli ye nkalata isha kuya ku Damasiko, kuma sinagoge ukwebati kani nkasange abali bonse abali munshila nangu balalume nangu banakashi nkabalete ne kuba kaka nu Yelusalemi. ³ Ili ali kwenda ifya bunekele pa kufika pepi na Damasiko, penka ukutuba ukufuma mwiulu kwali mungulukile; ⁴ Kabili aliponene panshi ne ku mfwe shiwi ili lilabila kuliye , '' Saulo , Saulo mbanido uluku kyushisha ? '' ⁵ Na Saulo kaasuka ati , ''Nimweba nani Shikulu ?'' Eli Shikulu ati , '' Ninebo Yesu , uyo uli pensha ; ⁶ lomba ima , ingila mumushi , kabili bakukweba ifyo ufwile ukukita.'' ⁷ Balya balalume abalikwenda na Saulo balimakene fye kelele, kabali kumfwa fye shiwi , ukwa kubula ukubonapo nangu umo. ⁸ Kabili Saulo kaima panshi , kaisula menso akwe tabwenepo nangu kamo; eli bamutangilile kumaboko ne ku muleta ku Damasiko . ⁹ Panshiku shitatu takwetepo amenso , kabili talukulya nangu ukunwa. ¹⁰ Lomba kwali umusambile umo mu Damasiko uweshina lya Ananiya . Penka ba Shikulu kabalabila mukiloto ,''Ananiya !'' Naye ati , ''Bona , jipano , Shikulu .'' ¹¹ Bashikulu kabalabila kuli Ye ati , '' Ima kabili nkoye munshila iyo beta ati iyako loloka , kabili ku nanda ya Yuda wipushe umuntu uwa fuma ku Tasasa uwitwa Saulo , ye alikutembela. ¹² Alibwene mukiloto umuntu uweshina lya Ananiya alukwingila mukachi ne kulukubika amaboko paliye ukwebati engabona libili.'' ¹³ Eli Ananiya asukile ati, '' Shikulu , noumfwa kubengi palwa uyu muntu , nefibipile ifi alukuchita kubantu benu abaswetele mu Yelusami. ¹⁴ Aline maka ukufuma ku ba papatilishi abakulu ubwa kuba kaka bonse abalukulilila penshina lyenu.'' ¹⁵ Kabili ba Shikulu kabalabila kuli ye ati , '' Kabiye pantu ye ninongo isalulwile kuli nimo, mukupinta ishina lyangi ku menso abena fyalo ne mfumu na kubana ba isuleli; ¹⁶ Nkamubwenesha ifyo ali no kupenga pakuti peshina lyangi.'' ¹⁷ Penka Ananiya kafumamo , ne kwingila munanda . Ili babukile amaboko paliye , ali labile Yesu, uwabonekele kuli webo munshila ili wali kwisa , chituma kuli webo ati apoke amenso ne kwisushi ne Mupashi uswetele.'' ¹⁸ Penka ifintu fyabonekele kwati mabamba fyaliponene kufuma mumenso yakwe , kabili ali pokelele amenso ; alimine ne kubatishiwa; ¹⁹ Alilile ne kumukoselesha . Alikele pamo neba sambishi mu Damasiko panshiku ishingi. ²⁰ Apo penka alitulise palwa kwa Yesu muma shinagoge , ili alabila ati mwana wakwa Lesa. ²¹ Na bonse abamufwile balipapile ne kulabila ati , '' Kanshi uyu muntu tewalikwipaya abali mu Yelusalemi abachile palilishina ? Aisa kuno mukubasenda mukuba kaka ne kuba twala kuba papatilishi abakulu.'' ²² Eli Saulo alililemo amakosa ne kuba kankamusha aba Yuda abaikele mu Damasiko ,mukuba langisha ati Yesu eba Klistu. ²³ Ili papatile nshiku shingi aba Yuda kabalanguluka pamo ifya kumwipaya. ²⁴ Lomba ukulanguluka kwabo kakwishibikwa kuli Saulo bali kukebelesha pa milyango akasuba ne bushiku pakuti benga mwipaya. ²⁵ Lomba abasambile bakwe kabamu pinta ubushiku, nekumufumishila mukibumba , kabali kumwikisha eli ekele mukitumbe. ²⁶ Ili aishile ku Yelusalemi , Saulo alifwaishe ukulibika pabasambile , lomba bonse balibele no mwenso naye , mukubula kusumina ati ali musambile . ²⁷ Pakuti Banabasa kamupinta ne ku mutwala ku ntangishi , ne kusabula ifyo Saulo abwene bashikulu mu nshila kabili ati ba Shikulu kabalabila kuli Ye , kabili ili Saulo alabila makosa ku Damasiku mwishina lya kwa Yesu . ²⁸ Ali naba mukwingila namukufuma mu Yelusalemi . Kalabila makosa mwishina lyaba Shikulu Yesu . ²⁹ Kabili ali kuli patika nabo aba Gelili ababele ba Yuda ; lomba baluku fwaisha fye ati benga mwipaya. ³⁰ Ili ababyebo baishibile fi , balimuletele ku kaisaliya ne kumutuma ku Taso. ³¹ Penka nalyo kelesha ilyali mu kyalo kyonse ikya ba Yuda , na mu Galili , na mu Samaliya balikele no mutende kabili alikalilile ; kabili bakwenda mukulu kuchina ba Shikulu Yesu namu kusangalala kwa mupashi uswetele ne kilonganino kyalikulile mu mpendwa. ³² Kyalimonekele ati , ili Petulo aile mukupitana monse , kaisa naye kubantu ba kwa Lesa aba swetele abalukwikala mu Lida. ³³ Kulya alisangile umuntu uwe shina lya Ainea , uwali pamu bulo bwakwe pa myaka isanu na itatu , pantu ali ne bulebe. ³⁴ Penka Petulo kalabila kuli ye ati , '' Ainea , Yesu Kilishitu akuposha . Ima wanshike ubulo bobe, '' Kabili penka alibukile. ³⁵ Kabili abaikele mu Lida naku shaloni bali mumwene umuntu kabili kabalulukila kuli ba Shikulu . ³⁶ Sombi kwabele mu Yopa , umusambishi uweshina lya Tabita (mukupilibula ati ''Dokasi''). Uyu mwanakashi aliswilemo ne milimo iweme ne fya luse ifyo alukitiza abapengele. ³⁷ Kyalifikile muli shilye nshiku ati tampile ukulwala ne kufwa kafwa ; ilyo bamusambikile , balimu lalikile mun`anda ya peulu. ³⁸ Pakuti Lida yalya pepi na Yopa , kabili ne basambile kabomfwa ati petelo ali kwenka , kabatuma abalalume babili kuli ye , ne kumupapatila ye ati , '' Mwikokola ukwisa kuli fwebo.'' ³⁹ Penka Petulo kaima ne kuya nabo pamo. Ili afikile , kabamutwala pan'anda ya peulu , naba mukamfwilwe bonse kabona ne kulila , ili balangisha mingila ne fya kufwala ifyo Dokasi abapangile ili ali nabo. ⁴⁰ Sombi Petulo kabafumya bonse mun'anda , alifukamine , ne kulomba ; ili alulukile kumubili uwafwile, kalabila ati , '' Tabita , buka .'' Naye kaisula menso akwe , kabili ili abwene Petulo kaikala. ⁴¹ Penka Petulo alitambikile ukuboko kwakwe ne kumwimya ; Kabili ilyo aichile abantu bakwa Lesa abaswetele nabamuka mfwilwa , alibapele umulabi. ⁴² Ili lyashi lyalyumfwanikile konse mu Yopa , nabantu bengi balitabile ba ba Shikulu. ⁴³ Popele apo Petulo alikele nshiku shingi mu Yopa no muntu uweshina lya Saimoni , umunyukishi.