¹ Lomba intajishi ne ba byesu abali mu Yuda balyumfwile ati abena fyalo balipokelele shiwi lya ba Lesa ² .Ili Petulo aishile ku Yelusalemi, balya abali mwibumba lya ba kukopolwa kabatachika ukumutumfya; ³ Balilabile ati , '' Walingile mubantu abakubulo kukopolwa nangula ukulya naba.'' ⁴ Kabili Petulo alitalilile ukubabulishisha , ati, ⁵ ''Nalikulomba mumushi wa Yopa kabili nali ne kumonwa ikya kumona kipe kilukufuma mwiulu kwati ninsalu ikulu iyo balekelekela ko kufuma mwiulu mufifutu fine. Kyali kiile kwisa kuli nebo . ⁶ Ili na kimweneshe kabili nali kilangulukile . Nalibwene inama panshi ishenda ne moolu ane , inama shampanga , inama ishikala ba panshi , kabili ne fyoni ifya mwiulu. ⁷ Eli naufwile shiwi lyalelabila kuli nemo ati , ' imakana , Petulo ; ipaya ne kulya !' ⁸ Nalilabile ati , ' Tali nififyo , shikulu ; pantu takulipo ifinangwa nangu ifya kubula kusangulilwa ifi ngengila mukanwa kangi.' ⁹ Kabili ishiwi lyaliufwanikile ukufuma mwiulu ati , ''Ifi Lesa asangulula , teti ufiite ifikowelele .' ¹⁰ Iki kyalikitikilwe pampindi itatu kabili penka fyonse fyalibwelele kwiulu libili. ¹¹ ''Moneni , apo penka kwalishile ababalume batatu kabemakene kuntashi ya n'anda uko twaliji bali batumine ukufuma ku kasaliya kwisa kuli nemo. ¹² Eli Umupashi ankambishe ukuya nabo , wiba ne kusalulula kuchi bo . Aba babyangi basanu naumo balike nanemo , kabili twalile mun'anda ya mwalalume umo. ¹³ Ali twebele ifi abwene nkalamba a kaimakene mun'anda yangi ne kulabila ati , ' Tuma bantu ku Yopa ne kuleta Simone uwitwa Petulo. ¹⁴ Ali no kulabila kuli mwebo amashiwi aakumilengeni ukupusuka - mwebo naba mun'anda yenu bonse.' ¹⁵ Ili natendekele ukulabila kuli bo , Umupashi uswetele kaisa palibo , kwati fyenka ali palifwebo pakutanga. ¹⁶ Ili nalangulukile amashiwi aba Shikulu elyo alabile ati , ' Yoane ikine alukubatisha na menda ; pakuti bakakubatisha mu Mupashi uswetele .' ¹⁷ Nga kya kwebati Lesa alibapele mpense kwati nififyo atupele ili twaketekele ba Shikulu Yesu Kilishitu , nali nani uwa kule ngulula ba Lesa ?'' ¹⁸ Ili baufwile ifi fintu taba asukilepo ifili fyonse , pakuti kabale mya ba Lesa ne kulabila ati, kashi nabena fyalo Lesa alibapele ukwalulukila ku mweo.'' ¹⁹ Popele apo balya abapalanene konse konse pakuba pensha ukwa tendekele na Sitefano kwali fikile waku Fonisha , naku Pilo naku Antioke , ili balabila fye kuba Yuda benka . ²⁰ Pakuti bambi muli bo , abalalume abafumine ku Pilo na ku Kuleni , balishile ukufuma ku Antioke ne kulabila nabo kuba Giliki , ili balukutulisha amashiwi aya weme palwa kwa Shikulu Yesu . ²¹ Ne kuboko kwaba Shikulu kwali nabo ; ne bumba ilya kuti bwingi kaba ketekela ne kwalulukila kuli ba Shikulu . ²² Penka impupo shaba shalifikile mumatwi abamwi kelesha mu Yelusalemi kabili kabatuma Banaba ati afikeku Antioke . ²³ Ili aishile ne kubona uluse lwa ba Lesa , alisangalele ne kuba kosesha bonse ukushala naba Shikulu ne mitima yabo yonse . ²⁴ Pakuti ali muntu uweme kbili uwiswilemo ne Mupashi uswetele nelwa kiketekelo , na bantu abengi balililundileko kuli ba Shikulu . ²⁵ Sombi Banaba alile ku Tasasa mu kufwaya Saulo . ²⁶ Ili amusangile , ali muletele ku Antioke . Kyalimonekele ati , pamwaka umutuntulu balukungana pamo ne abengi . Penka abasambishi balitilwe abena Kilishitu pa muku wa kutanga mu Antioke. ²⁷ Mulishilye shinku abakutulisha kabesa ukufuma ku Yelusalemi ukuya ku Antioke . Ifi fyali kichikilwe munshiku shakwa Clodia. ²⁸ Na umo muli bo , uweshina lya Agabase , alimine ne kusontwa ne Mupashi ati ikipowe kya nsala kikesa mu kyalo kyonse. ²⁹ Penka abasambishi kwati fyenka umo ali ne kuchita , kabasala ukutuma ifyo basonkele mukofwako abana bankashi mu Yuda . ³⁰ Kaba kite ki; kaba tuma amaboni kuba kulu kupichila muli Banaba na Saulo.