¹ Ukukulabila kwakuketekela: Nga umo kafwaya ukuba umupwingishi, pakuti afwaya ikinto iyiweme. ² Penka umwembeshi tali wakuba nomusebanya. Alilingile wamukanshi umo. Wamulinganya, nakalango, inkoka, nekyufwila. Alilingile ukuba umusambishi. ³ Talingile ukuba u-wakatete, u-wakupendwa, lomba pamupunda, ukutekanya, u-wamutende. tali wakutemwa indalama. ⁴ U-wakulama iñanda yakwe bwino, alilingile ukusunga bwino abana nokukindikwa mushila ali wonse. ⁵ Nga muntu tasungile bwino iñanda yakwe, kani engasunga shani itepuli lya baShikulu? ⁶ Talingile ukuba umusumina wabukumo, pakuti kuli waba wabwitote kabili engaponena mukushatishiwa nomulwine. ⁷ Alilingile ukuba nendabililo alingile kubamushingulukile, pakwebati taponena mukusebana namutwa ndotwamulwani. ⁸ Namushila imo lukoso, Dikoni alingile ukuba u-wakulikindika, tali wandimishibili. Tabalingile ukunwa umwangashi neli ukutunama. ⁹ Balilingile ukulama bwino ulwitabilo nakalango akaweme. ¹⁰ Balilingile ukusuminishiwa intanshi, eli benga pyunga pamulandu tabali nakakowesha. ¹¹ Namushila imo lukoso abakanshi babo balilingile abakulikindika, talindilishibili, lomba ukutekanya mulwitabilo muli fyonse. ¹² Dikoni alingile ukuba wamukanshi umo nokulama bwino abana ne iñanda yakwe. ¹³ Balya bapyunga bwino balalifwaila ubwikanshi ubu-weme mukwimakana ne kiketekelo ikikulu mulwitabilo muli ba Shikulu Kilishitu Kilishitu Yesu. ¹⁴ Fyenka nalemba ifi fintu kuli mwebo, naketekela ukwisa kuli mwebo bukumo. ¹⁵ Lomba ngana kokola, ndukulemba ukwebati mwishibe ukulikindika mwitepuli lya baShikulu, elili litepuli lyaba Shikulu abomi, elili lishiku nakafwa wakishika. ¹⁶ Twasumina bonse ikipifwa kyaba Shikulu kikulu: ''Alisolwelwe mumunofu, ali sotelwe nomupanshi nokumonekela kukalamba, alituulishiwe mufyalo, balimusumine mu kyalo, nokutwalwa mwiulu mulukumo.''