¹ Penka, ikyatanshi pali fyonse, namikambisha nokwipusha, ukutembela, nokushikilwa nokupana fipelwe kuli bonse abantu, ² pakuti infumu nabonse abali nesambu, pakwebati twikale mutende na kishishi mubumi muli buLesa nomukinshi. ³ Ifi kiweme nokwita kuli baShikulu aba kupulusha. ⁴ Alukufwaya bonse abantu ukupuluka nokuba mukalango akakishika. ⁵ Pano kuli baShikulu, bamo nabapinginshi bamo kuli baShikulu umuntu wakwa Kilishitu Yesu. ⁶ Alilipele umwine pabengi bonse, ukuba ubulondoloshi pakapindi akaweme. ⁷ Pakuti palififi nalisontelwe umupyungishi nobutumwa-Ndukumyebeni ikishika,nshi nkobepa kabili umusambishi u-waba nseshi mulwitabilo nabakishika. ⁸ Penka ndukufwa abantu bonse mumishi yonse ukutembela nokwimya amaboko nomushilo ukwakubulo kuli somesha neliukupacika. ⁹ Mushilaimo imo lukoso, abanakanshi balilingile ukufwala bwino nesalu inshiweme, inshilingile kabili nokulikanya, tali nemishishi shakuposa nangu nigolide neli misango yafyakufwala fyamutengo umukulu, ¹⁰ lomba ifili bwino pali u-mwanakanshi u-utulisha baShikulu mukupwinga bwino. ¹¹ Umwanakanshi alilingile ukufunda ukwikala ikishishi nokulikefya. ¹² Shisuminishepo umwanakanshi ukuba umusambishi nangu ukupwinga isambu ishingi ukukila pabalalume lomba ukwikala kishishi. Pakuti Adama wali lengelwe umutanshi, eli Efa. ¹³ Pakuti Adama wali lengelwe umutanshi, eli Efa. ¹⁴ Adam taatumpaikilwe , sombi umwanakanshi watumpaikilwe nokuba ibifi. ¹⁵ Fyenkafyo, ali nokupuluka ukupicila mukufyala abana, nga batwalilila mulwitabilo nokutemwa nokulipelesha ukufikapo mukalango.