¹ Amados, esta é a segunda carta que vos escrebo, nas que deperto en vós o voso sinceiro entendimento como recordatorio, ² Para que lembredes as palabras que dixeron de antemán os santos profetas, e o mandamento do Señor e Salvador manifestado polos vosos apóstolos ³ Antes de nada, tede presente isto: que nos derradeiros días virán burladores que coa sua retranca, e seguindo as suas proprias paixóns, ⁴ dirán: Onde está a promesa da sua venida? Porque desde que morreron os pais, todo segue tal e coma estaba ao principio da creación. ⁵ E cando din isto, non se dan de conta de que os ceos xa existían desde moito antes, e tamén a terra saída da auga e establecida entre as augas pola palabra de Deus, ⁶ polo que o mundo de entón desapareceu inundado pola auga; ⁷ mais os ceos e a terra actuais están reservados pola sua palabra para o lume, gardados para o dia do xuizo e da destrucción dos impios. ⁸ Amados, non ignoredes isto: que para o Señor un día é como mil anos e mil anos coma un día. ⁹ O Señor non tarda en cumprir a sua promesa, segundo alguns teñen por tardanza, senon que é paciente convósco, porque non quere que ninguén pereza, senon que todos veñan ao arrepentimento. ¹⁰ Mais o día do Señor virá como ladrón, no que os ceos pasará con grande estrondo, e os elementos serán destruidos con lume intenso, e a terra e as obras que nela hai arderán. ¹¹ Xa que todas estas cousas será destruidas deste xeito, que clase de persoas non seredes vós en santa conducta e en piedade!, ¹² esperando e suspirando pola vinda do día do Señor, na que os ceos serán destruidos por lume e os elementos derreterán polo grande calor! ¹³ Mais segundo a sua promesa, nos esperamos novos ceos e nova terra, nos cais habita a xustiza ¹⁴ Pos iso, irmáns, mentres agardades estas cousas, procurade con presteza que El vos ache en paz, sen mancha e irreprensibles, ¹⁵ e considerade a paciencia do noso Señor como sanvación, tal e como vos escribiu o noso amado Paulo, segundo a sabiduría que se lle deu. ¹⁶ Así mesmo, fala disto nas suas cartas, nas que hai cousas difíciles de entender, que os ignorantes e inestables torcen - como tamén torcen o resto das escrituras - para a sua propria perdición. ¹⁷ Polo tanto, amados, coñecendo estas cousas de antemán, estade atentos non sexa que caiades da vosa firmeza arrastrados polo erro da xente sen conciencia; ¹⁸ mais ben, crecede na gracia e no coñecemento do noso Señor e Salvador Xesús Cristo. A El sexa a gloria agora e ata o día da eternidade. Amén.