¹ Mu amuele oyu fokola mu tumelo, ku pita ku mu atula mu likan'i. ² O mweya na tumelo thaye mu kulya sinu, o mukwaye oyu no kufokola alya ambu miloho. ³ Oyu no kulya o inu yoshe ka na nyatha oyu no mbula kulya, kame oyu no mbula kulya o inu yoshe ka na atula oyu no mbula kulya o inu yoshe. Kakuli Mulimu ona mwamweele. ⁴ Owe ani, o atula o mupika wa munu wawo? Ku pitela o mulena waye amone ngao ona tisethe kapa angwa. Kono mwa mu tiisa ngaa emane, kakuli Mulena atwesa ku mutiisa. ⁵ Omweya a mona ngao liiwa li mweya lya pita o maiwa ma mweya. O mukwaye a mona ngao o maiwa oshe a kwelela. Muteneke munu na muu etae ei a kengela mu minaano thaye. ⁶ Oyu mamela o liiwa, a limamela baken'isa Mulena, mi oyulya, alya baken'isa Mulena, kakuli a kutumela ku Mulimu. Oyu kana kulya, a kana kulya baken'isa Mulena; kame naye a kutumela ku Mulimu. ⁷ Njeko oyu ku yoisa yo foti, njeko oyu kwiipa yo foti. ⁸ Ndi twa yoya, twa yoya baken'isa Mulena, ndi twaa fa, twaafa baken'isa Mulena. Keo ndi twa yoya kapa twaa fa, twaa na Mulena. ⁹ Mu libaka eli Kelesite mo na fa na kuyoya kame, ngaa a piluke Mulena wa aanafu naa shiyoya. ¹⁰ Keo oweni, wa atulela ikeni mapoye? Owe, sike esi nyathetha mapoye? Kakuli twoshe mbo tu kemana poso no sipula sa Mulena no katulo. ¹¹ Kakuli ku na n'oliwa ngao, "Pano ni yoya," Mulena amba ngao, "O kwange omanwi oshe mwaa ni kubamela na malimi oshe mwa ni tataetha." ¹² Keo munu na munu mbo ka ku tonola ei a na tende ku Mulimu. ¹³ Keo, ko tu na ku atula, kono twaambe ngao ko ku neekala munu oyu mbo tenda mapaye sinu sa ku mungwisa kapa sa ku mukwangisa. ¹⁴ Na limuka na ku pinzamekiwa ku Mulena ngao njeko osinu esi no mathilo so n'ene. Ku na ku thingi o kwaye omunu oyo mona eso sinu ngao sa mathilo, o kwaye sa mathilo. ¹⁵ Apo o swabisa mapoye pa silya keo ko enda mu ku ku wapela kao. kona ipaisa munu mu ilya yoye oyo anafele Kelesite. ¹⁶ Keo ko na etana esi o mona ngao siwa ngao a sitoye ngao sinyangunyu. ¹⁷ Kakuli o mubuso wa Mulimu kaa kulya ka kunwa kao kono ku luka, kotho, na kuwapela mu Moya o Ukenu. ¹⁸ Munu oyu o belekela Kelesite mo u mukwa ou o na amueliwa ku Mulimu na anu a na muitanethe. ¹⁹ Keo, tu tende einu ileta o kotho ne inu i umba munu na mukwaye munu. ²⁰ Ko na sinya o musebetni wa Mulimu mu silya. O inu yoshe ikenu, kono kufosa, munu kulya sinu esi sileta ngaa mukwaye angwe. ²¹ Kuwaa munu ku kana kulya nyama, kapa kunwa waine, kapa kutenda sinu ngao a ngwise mukwaye. ²² O tumelo o kwite o thikwate ku Mulimu. A kwata fuyawethi o yu kana ku ku nyatha yo foti mu inu a wapela. ²³ Oyu kwata o pilaelo mo no nali, ko situnda mu tumelo kao. Keo esi si kana ku tunda mu tumelo sibi.