¹ Namuambela ngao,omwe hapange,mumukechima wa Mulimu,mumupe amalutu enuu apiluke itabelo yakuyoya,ikenu,hethithi itaniwa kwa Mulimu.Theniko osebeletho thi miswanela. ² Kame komuna shengwena holitunga,kono mupiluke mukushemuniwa na mukuyubithitha kwenu. Mutende eeii mulimuka ngao iwa,kuitana,eyoina petahala kwa Mulimu. ³ Mulibaka no thishemo neni piwa naamba kwa munu na munu okwenu;ngao komuna kengela mofothi kukupahamitha kupita homumuswanehela,kono,mukengele naminahano,kulikanyetha mutumelo hana mipu Mulimu. ⁴ Kakuli twakwata ilama ingi palutu lumweya,kono kailama yoshe ibeleka musebethi umweya kao. ⁵ Muthila thikufeka,othwe twangi mulutu lumweya na Jesu,kame twaikala naku kushatana shutana. ⁶ Twakwata mampo akukushutana kutha na thishemo notupiwa. Haiba omweya ompo thae tha upolofita,hipiluke kukuhelela nomu na pelwe mutumelo thae. ⁷ Haiba omweya empo thae tha sebeletho,asebethe ngeo. Haiba akwata mpo tha kuluta,keo alute. ⁸ Haiba mpo thaku susuetha,keo asusuethe. haiba empo thae tha kupa,atende ngeyo kana yumena.Haiba empo thae ueteleli atende na tukufalelo. Haiba empo thae tha kumonitha ñeke atende na tabo. ⁹ Helilato kolinekala na huitati.Mukane oo unyangunyu; mukwatehele kuiwa. ¹⁰ Kukuhelela na mulilato la munu na minaee, mukuyube.Mukupe na likute. ¹¹ Kwei,nozuho,komu na fokola. Kwechi no mepo,mukwatetukufalelo. Kwehi ya Mulimu,mumubelekele. ¹² Mutabe musepo,mukutihithe mumanyando,muhikale na tumelo mukulapela. ¹³ Mukutapele einu athaela Mulimu. Muthaele mikwa thingi tho kumonitha sishemo. ¹⁴ Mufuyawethe aa minyanditha; Mufuyawethe ko muna kuta. ¹⁵ Mutabe naa ataba;Mulile naa alila. ¹⁶ Muikale na muhupulo umweea na kwa kwenu. komuna kungela mumikwa thouikuhumutho,kono muamuhele anu akana kukuwaena. Komuna kumona utali,muminahano thenu. ¹⁷ Komuna kuhuthetha unyangunyu.Mutende iiwa mumeoo aanu oshe. ¹⁸ Haiba kwa konahala,kukuthinga okwenu,muyoye mukotho naanu oshe. ¹⁹ Komuna kuhusetha unyangunyu,halatiwa kono muteneke ouhali kwa Mulimu. Kakuli kunañoliwa, ''Kuhusuluka kwange; ome enyiko mboniiika,kwaamba Mulena.'' ²⁰ Kono''haiba othila thoye thinafu nthala othipe yakulya. Haiba onafu liwila, omupe yakunwa.kakuli apo tenda ngeyo,keo waungeka makala amulilo pa mutwi waye.'' ²¹ Kona shimbiwa kuhinyangunyu,kono oyomboke unyangunyu na kutenda uuwa.