¹ Namba ngao, ndi Mulimu nokkana anu aye? Koi natendahala. Kakuli name no Muisilaela, ku lusika lwa Apulahama, na mushobo wa Benjamine. ² Mulimu no himwa ku kana anu aye, aa na tanga limuka. Ko limuka ei man'olo amba pa Elia, mo na a lilelela ngepi Isilaele kwa Mulimu? ³ Mulena, ana epaa a polofita oye, ana cholaula kungwithetha pashi o tutala toye. Ome aambu no foti inasiyala, mi athaela oupilo wange." ⁴ Kono e kalabo tha Mulimu okwaye tha amba ngepi? "Ina kupakele alume akuma pa alule makumi mutaanu na meeli aa nakana kunyongamena na kufungwamena Baale." ⁵ Shiwangeyo, pazino nako kuiili aa no mamaneno mu libaka no kukuta no sishemo. ⁶ Kono ndi na sishemo, keo ka ka misebethi kao. ⁷ Keo ike eni? Inu na thaela Isilaele, no imwa ku wana, kono aa na ketiwa na i wana, kono angi mwa na tiisa e icima. ⁸ Endi omu na n'olela: "Mulimu o napu mepo tha uthithi, ngao o meo o kana mona, na matwi ngao ka na yuba, kweli liiwa shemwa." ⁹ Keo Davida omba, "Tafule thoo zi piluke lilaba na kashaka, na sipemukiso na mulandu unalukele. ¹⁰ Muteneke a meo oo fofoale nga ka namona, na ku petitha myongo thoo kutha ku ile. ¹¹ Keo na amba kame, "Kana mwa na tanuka nga a ngwe?"Kombo ku na tendaala ngeyo. Kono, mu kungwa koo, ku yoyithiwa ku neyi ku machaba, ngao ku ingule mepo tha muna okwoo. ¹² Keo ndi kungwa kwoo ko ku fuma kwa litnga, kapa o kulwa koo ko ku fuma ko Maliaba, keo mu wikalo ngepi oukulu no ku kwanena uwu? ¹³ Kono ngeno na amba okwenu mwa licaba pomone ngao no mu apositola kwa Alicaba, Na ku kuhumusa mu musebethi. ¹⁴ Ngao mwendi kwaa no nyama thange a lwe lifupa. Mwendi mo tuyyoyitha shiwa omweya. ¹⁵ Kakuli ndi kukaniwa koo kwa leta ku uthetha litunga, keo o kwitana koo mbo ku ikala ngepi kono ku tunda ku lifu? ¹⁶ Haiba ndi mutamu oyuuyanu ukenu, keo ilya muungi wayo ikenu. Haiba ndio muthithi ukenu, keo na mitai thoshe thikenu. ¹⁷ Kono haiba ndi mitai thimweya no thi coka, ndi owe, o mutai wa olive tha mu muthitu, ndi mo na ulamithiwa okoo, mi mono tapela ku unon'i no mithithi tho sitondo so olive, ¹⁸ kona ku yubithithetha etho mitai. Kono ndi wa ku yubithitha, kowe o tiisa mithithi kao, kono e mithithi thothi kutiisa. ¹⁹ Mwendi mo amba ngao, "E mitai thi temiwe ngao ni pakiwe mu sibak sa tho." ²⁰ E tho niti. Kakuli neli ku kana ku lumela koo no kwa letela ngao a temewe, kono owe we mana onatiyi baken'isa tumelo thoye. kona ku mona unene, kono oyi yape. ²¹ Po none Mulimu no kana ku yubela n'eke e sitondo tho pamunthi, nawe o imwa ku ku yubela n'eke. ²² Otopele, olemuhe, makezo no sishemo na ukalu wa Mulimu: ukalu no wilya ku Majuda no kungwa, kono sishemo tha Mulimu ku wiya okwoye, haibandi mo lwela pili mu sishemo thaye. Kwanda ngeyo nawe mo temiwa. ²³ Kakuli nao, mona teneka ku kana ku lumela koo, mwa thi lameka. Kakuli Mulimu atwesa kame ku thi lameka kame. ²⁴ Kakuli haibandi mo no owe no patuliwa kuna ku lamekiwa ku sitondo no olive tho mu munzi, mu kushutana sitondo tha olive tha lamekiwa ku siwa-siwa, kandi keo, e mitai no mu munzi, muthi utheliwela kui tondo zayo? ²⁵ Koni thaela ngao o ikale wa nambula ku limuka kao, akwange, ye thi ku nutu, ngao ko mu na ku mona utali mungana thenu: Ku tiya ku ne ngeene Isilaele ku pitela e palo thingi zo alicaba thi nengene. ²⁶ Mi a Maisilaele oshe mba yoyi thiwa, shina nomu ku na n'oleliwa: "Muyoyisi mwa tundeela mu Sioni. Mwa tunditha ukana kwikala munu wa Mulimu kwa Jakobo, ²⁷ mi owu wonyi wange noo, amba mbo nitunditha sibi okwoo. ²⁸ Kutha o muthiambela Evangeli, ila mu libaka lyo ye. Kono kutha muiketelo, a ku katithiwa libaka lya kanyakulyoo. ²⁹ Kakuli e mpo na pitho tha Mulimu ka tha chinca kao. ³⁰ Kakuli ku ma taetelo no mushemwa ku yuba Mulimu, kono pano mu amuhele man'eke mu ku kana kuyuba koo. ³¹ Munzila thi mweya, pano aa Majuda ana pilutka aku kana ku yuba. O mafelelezo ngao o man'eke ana monithiwa okoye ngao nao atwese ku wana man'eke. ³² Kakuli Mulimu ona shokele anu oshe mu ku kana ku lumela ngao a shemupe oshe. ³³ O, utungi wa thifumu na utali na ku zibo za Mulimu! O ma katulo aye ma kalu ngepi kwaa batisisa, na manzila aye kwa awana! ³⁴ "Kakuli oyu nalimuka o muhupulo wa Mulimu ani kapa ku pi luka muelezi waye? ^{35 36} Kamba oyu no tanga kupa Mulimu thinu weli weli ani, ngao Mulimu a muike?" Kakuli kutundeela okwaye na omwaye oye inu yoshe no itendiwa. Okwaye kuikale kanya tha kutha nambula kupwa. Amen.