¹ Paulusi,O mupika wa Jesu Kresite,no isaniwa ngao apiluke mwapositola oyu noketelwa okwamba oebangeli tha Mulimu. ² Etho na sepisisa kale kwa apositola aae mu mañolo o makenu, ³ Kuamana na mwanae uyu no wiya mulusika lwa Davida mu nyama. ⁴ Kutha mu Mepo thikenu mwanapiwa maata akupiluka mwana wa Mulume wa Mulimu mukumwingukisa kwa afu, Jesu Kelesite Mulena wetu. ⁵ Omwaye tuna piwa sishemo nau apositola muku yuba mutumelo mu mishobo thoshe, mulibaka lya lizina lyaye. ⁶ Mukachi ko mishobo those, munethaniwa kwikala kwa Jesu Kelesite. ⁷ Kwao oshe ali mu Roma aawapeliwa kwa Mulimu na kuithaniwa ngao apiluke anu akenu aye: Sishemo sikale nenu na kozo thitunde kwa Mulimu o Iwetu na Mulena Jesu Kelesite. ⁸ Mukutateka, Na kutumela kwa Mulimu mwa Jesu Kelesite omwenu mwoshe, kakuli e tumelo thenu muku hasanya koshe-koshe mulitunga. ⁹ Kakuli Mulimu yo paki wange, oyu ni sebezela mu mepo mu ulumiwa wa Mwanaye, omuni kwateela ku mitoyaula. ¹⁰ Mu nako thoshe na lombanga mu ma tapelo ange ngao munzi thoshe ni twese kuzwelapili na mutato tha Mulimu ni wiye okwenu. ¹¹ Kakuli na wapela ku mimona,ngao nitwese kumipa ompo no Mepo Thikenu,ngao muwane kutiisiwa. ¹² Yonyiko eyo, natabela ngao niwane susumetho mukachi kenu,kutha mutumelo tha munu na munu,othenu ethi thange. ¹³ Koni thaela ngao mukane ku kwata zibo, mwakwange, ngao naithaelanga kuwiya okwenu(kono ina kwangisiwa na ngeno), ngao niweye kukutula mukachi kenu, shinani omu no nitendela kwa anu ambu. ¹⁴ Ni kwite sikoloti kwa Magerike na anu no kutunda kwako, kwa no utali na no kukuzizilika. ¹⁵ Keo, kuneku zange, ina kutukisa ku kutaza ulumiwa okwenu muli mu Jerusalema. ¹⁶ Kakuli koni yubela lishamwa o evangeli,kakuli onyiko amata a Mulimu oku yoisa munu na munu yoshe oyu itana oma Juda weli na ma Magerike. ¹⁷ Kakuli omo kuna monisiwa okuluka kwa Mulimu kutunda ku tumelo kutha mutumelo,shinani umu kuna ñoleliwa, ''Alumeli mbayoya mutumelo.'' ¹⁸ Ouungu no Mulimu una monisiwa kutundeela ku wilu kulwisa anombula oulumeli na nukana okuluka na uyi wo anu oshe a ausetha oniti tha Mulimu munyima. ¹⁹ Kakuli eyi ulimukiwa ya Mulimu ya monahalela okoo. Kakuli Mulimu ona amonisa eyi inu. ²⁰ Kakuli omwikaelo waye wo kwa monahala, shinani o maata aye onambula kwaapa na muikaelo waye wo umulimu, inamonahala pakenu-kenu, kutundeela ku matatekelo no litunga, muinu na panga. Keo njeko kukananela. ²¹ Eyi baken'isa ngao, shiwangawo na limuka Mulimu, na shemwa kumu lumbangeza ngao yo Mulimu, kapa ngao aku tumele okwaye. Kono, napiluka itoto mumi nahano thoo, na micima thoo tho mbula ngana nozi laula. ²² Mwana kupapata ngao akwite utali, kono mwana piluka itoto. ²³ Na shutanisa o kanya za Mulimu nokwa afa kumufekisa na sibupiwa sa munu no kufa, kapa iyunyi, iyamana ya maulu mane, naiya inu nokukokala pashi. ²⁴ Bakeñisa sowo mulandu, Mulimu onateneke ngao acikale na matakatho ambula kukena mumichima tho,ngao omalutu woo kana kutekiwa mukachi koo. ²⁵ Onyiko na pilula oniti tha Mulimu kupiluka mukuonga,awo nakubamela na ku sebeletha asibupiwa kupita omubupi,oyu ona fuyawethiwa mupilo wae oshe. Amen. ²⁶ Bakeñisa ngeo,Mulimu onateneke kuikala na takatho oku swabisa,mane ambiyama woo anapilula omu naelekiliwelamkuikala omo akana kuswanelela. ²⁷ Bakeñisa ngao, na alume nao ana teneke kuikala na akathi omo naelekilewela ana tumbekiwa mu ku kulakatha mukachi koo. Aa onyiko alume a natenda yo kuipa na alume akoo na ku amuhela omilandu no thiaswanela mu milandu thoo. ²⁸ Mi kakuli nashemwa ku tokomela kubuluka othibo tha Mulimu,Mulimu ona apu mu mata o mepo thokwipa mumi chima thoo,ngao, atende ainu yokana kuswanela. ²⁹ Anaumbisiwa naku kana kuluka,na matalu,na kusaela kufuma,na uyi; akwite muna kuipaa,likañi,woyi,na sithimbo,na ku opa akoo. ³⁰ Ma lata,anokuthimba Mulimu,anyefuli,no kukanyisa, no mbulasishemo,a atateka nga yo kwipa; Njeku kuteka ashemi. ³¹ Ka kwite ngana kao,nje kusepahala,ku thaluka na kulwa oñeke. ³² A yubisisa mataelo a Mulimu, ngao awo atenda eyo aswanela kufa. kame katenda ambu eyi inu kao, kono kame atoya okwoo aitenda.