¹ Keo nitopeela kumona ngunyana yo lamuna liswayo limweya kwaa no mutaanu na meili,mi keo niyuba omweya noibupiwa ipila yaamba na lii lya kuyubaala nani mulumo wa mushisha ''owiye''. ² Kame nitopela mono kuikala mbii mukenu. Oyu muendisa mwana kwata katoo mi mwanapiwa mushukwe mwa wiya kuikala mukomi ngao akome. ³ Apa ongunyana yo fekula oliswayo no wiili,keo ni yuba osibupiwa esiyoya na wiili siamba ngao ''owiye.'' ⁴ Keo ombii mukwaye muku opana oyo nomu enditha mwana piwa laluwe tha kutundisa kotho mu kaye ngao anu akuipaye. Keo nona piwa sabule thikulu. ⁵ Apa ongunyana yofekula oliswayo nowatu, keo niyuba usibupiwa siyoya na watu siamba ngao, ''owiye''. Keo ni mona ombii mwiilu,oyo no mu endisa mwana piwa ikelu iili mulikaa. ⁶ Keo niyuba einei yubaala shinani lii pakachi noibupiwa ine iyoya yamba, tikinyo thiatu tho makonga thaula six pence. Kono konasinya mathi na waine. ⁷ Apa ongunyana nafekula oliswayo noune,keo ni yuba olii noibupiwa ine iyoyo yamba ngao, ''owiye''. ⁸ Keo ni mona mbii mushefu,oyonomuendisa mana piwa lithina lya lifu,keo lihele Munelimukoñela.Keo nonapiwa ngao aipaye siemba simweya no kaye na sabule,nthala,namatuku,na kuiyamana no mu musitu yamuno mukaye. ⁹ Apa ngunyana nafekula oliswayo no mutaanu,keo ni mona mushi no katala monokuikala mioyo thao naipaiwa bakeñisa olii lya Mulimu na upaki na wanamo. ¹⁰ Mwanalila lya mu wilu,kanti kamwaka,owe Omukenu,na niti ngao oatutule a yoya mukaye,naku lwela ounyinga wetu. ¹¹ Keo munu namunu okwo mwana piwa siapalo sikenu na kwaambela ngao atateele kanyonyo kendi opalo no abeleki na akwoo ao nashinga kuipaiwa,naao naipaiwa,thikwane. ¹² Apa ongunyana nafekula oliswayo mutaanu na limweya,Keo nitopeela,keo kuikala nyungano thikulu pa kaye. Oliwa noli piluka ilu shinani liina la saka, okethi kupiluka unyinga. ¹³ Omatungwethi nomu ilu mwa ngwela pakaye nani sitondo sa mukuyu esingwisa eiyuyano yaso no kukana kunva,kumona sinanyngiwa na mepo. ¹⁴ Ombyumbyulu monothi takuliwa kuwilu nani buku thafekuliwa. Malundu naioli mono itudisiwa paibaka noikala. ¹⁵ Keo omalena np mukaye naanu noutokwa aendisi nomandwa aeli naanu akwite maata naanu amweya oshe,Athike mwanakakuoleka mu malundu na mumawe. ¹⁶ Mwana ambela omalundu na mawe ngao,mutu ngele peulu! mutuoleke kulupala loyu onatooomana pa lubona na kuuhali no ngunyana. ¹⁷ Kakuli oliwa ,lyae nouhali linakumu,uyutwesa kuimana ani?