¹ Ethi sinolo tha Jesu Kilesite ethi Mulimu na mupa kumonisa apikae itamba kutenda. Mwana ilimukisa mukuituma elingeloi lyae ku mupika waee Joani. ² Joani nopaka yo lii lya Mulimu na upaki wa Jesu Kilesite,einu yoshe ei na mona. ³ Wafuyawethi oyu bala na kutisa ou upolofita naa atethetha ku mai nou upolofita na kukoñela ei ina ñoliwa mo, kakuli enako thili pepi. ⁴ Joani,kuma keleke mutanu na meeli ali mu Asia;Aga sishemo sa ikala noye na sishemo situnda koyo liko,noyu noikalako,noyu wiya,na kutunda ku mepo mutanu na thiili ethili pa lubona, ⁵ na kutunda kwa Jesu Kilesite,o paki no kusepaala,omweli kutunda kwaa nokufa,na mubusi no abusi no litunga. Koyo omweya oyu na tuwapela no tumanguna ku sibi setu na unyinga waye- ⁶ ona tutende mubuso,aprisita a Mulimu na Tate-okwae kwikale kanya na maata kame na kame Amen. ⁷ Omone,awiya na mabui; a meo oshe mwa mumona,kuwaneka na a na muyaa. Emishobo tho litunga mbo thilili mulibaka lyae. ⁸ ''Ome no Matatekelo na Mamaneno; kwamba Mulena Mulimu, ''omweya oyu liko,noyu noikalako,noyubmo wiya,oyu namaata oshe.'' ⁹ Ome no Joane-O mukulwenu noyu omweya,okutapela nenu mu manyando na mubuso na kapinda kokwa teneka angu ethili mwa Jesu-mono nikala musioli sa Patimosi mulibaka lyo lii lya Mulimu na upaki wa Jesu. ¹⁰ Mononi kala mumepe muliwa lya Mulena,Keo niyuba munyima thange lii lya ku kutaluka ina tolompita. ¹¹ Mono lyamba, ''Oñole ei mona mubuka,na kuituma ku makeleke mutanu na meeli-kwa Ephesus, kwa Smyr na,kwa Pergamum,kwa Thytira,kwa Sardis,kwa Philadephia na kwa Laudecia.'' ¹² Keo ni piluka kumona ngao lii lya ni ali lyamba okwange,kame apa ni piluka keo nimona pakwikala malambi a gauda mutanu na meeli. ¹³ Pakaci noapa no kupaka malambi mono kwikala wa kukufeka mwana munu,ona kumanga siapa sile sikuma kumaulu na likanda lwa gauda lu na thinguluka omwilii waye. ¹⁴ Omu mutwi na uki thaye mono kena shina wanda ukenu-shina litwaa-kame omeo aye shina lulimi lwa mulilo. ¹⁵ A maulu akufeka shi bronthe, shina bronthe tha kutumbekiwa mu mulilo wakwimva enene,kame elii lyae lya kufeka meyu mangi akusika. ¹⁶ Mwa kwata matungwethi mutanu na meeli mulikaa no silyo, na mukwale mulikaa no silyo,na mukwale wakutwa noku monoupana mukanwa kaye.Olupala lwa kwesa shina liiwa lya mushinonga. ¹⁷ Apa noni mumona,keo ni nguwela kumaulu ayashina munu wakufa. Keo opaka elikaa lyae no silyo opange, ''na kwamba ngao kone yapa,Ome no matelekelo na mamaneno ¹⁸ no mweya oyu no kuyoya. Mono nifa,kono otopele,na yoya kutwalela ikama nikwite akii no lifu na mbumbo. ¹⁹ Keo oñole ei namono,eyapelo,neipelo ishimba sibaka munyima nei. ²⁰ Kono etaluso thina olekiwa tho matungwethi mutanu na meeli ona mona mulikaa lyange no silyo, apa no kwikala malambi mutanu na meeli; Amatungwethi mutanu na meeli mañeloi no makeleke kame apa nokuikala malambi mutanu na meeli,makeleke mutanu na meeli.''