¹ O Mafalisi na Masaduke awiya na ku mulika ku mwipula kwa monisa sisupo tha ku tundeela ku wilu. ² Kono keo wa alaba na kwa ambela, "E singola-ngola, mwa mba, 'moku ikala siwana, kakuli kuwilu kwa kiya.' ³ A masikusiku, mwaamba, 'mo kwi kala mvula, kakuli ku wilu kwa kiya na wilu.' Mwa limuka kutoloka e mikaelo no kuwilu, kono ko mutwesa ku toloka isupo no nako. ⁴ O lusika lunyangunyu na a buki a saela eisupo, kono njeko sisupo mbo sipiwa ko kenti esisupo sa Jonasi." Keo Jesu o asiya na kukuthela. ⁵ Apa alutiwa na mana ku upukela mushambwaliya no lithiya, mwana bulama ku shimba ingwa ya isima. ⁶ Keo Jesu o ambela, "Mutokomele o umela no Mafalisi na Masadduki." ⁷ Alutiwa keo ambaula mukaci koo ngao, "Kakuli kotwa ishimba singwa kao." ⁸ Jesu no limuka ei na kwa ambaulisa na kwa ambela ngao, "Omwe no tumelo thinyonyo, ike apa mukwambaulisa mukaci kenu na kwa amba ngao kakuli kotwa ishimba singwa kao? ⁹ Ko muyubisisa kao ndi ko mu kengela ei ngwa mutanu na anu alule mutaanu, na yondo no munonapo? ¹⁰ Kapa eingwa mutaanu na iili kwa anu alule ane, na yondo no mu nonapo? ¹¹ Keo mwakana kuyubisisa ngepi ngao kona shiamba ya singwa o kwenu kao? Mumamele o umela no Mafalisi na Masadduki." ¹² Keo a yubisisa ngao ka itonwela ku mamela o mumela uli musingwa kao kono ku mamela a matuto no Mafalisi na Masadduki. ¹³ Kono apa Jesu na wiya mu ilalo no ku nyonga tha Caesarea Filipi, keo o ipula alutiwa aye, ngao, "Anu amba ngao mwana Munu wa Mulume ani?" ¹⁴ Keo amba, "Amweya amba ngawo Joani mukolobethi; Elia; a kwao, Jeremia, kapa mwendi o mweya no mapolofita." ¹⁵ Keo o ambela, "Kono omwe mwa amba ngao ome nwani?" ¹⁶ Ku mutambula, Simoni Pitolosi o amba, "Owe o Kelesite, o mwana wa Mulume wa Mulimu." ¹⁷ Keo Jesu o tambula na kwa mba okwae, "Ona fuyawethiwa, Simoni mwana Jona, ka nyama na unyinga ina kulimukisa eyinkao, kono Tate oli kuwilu. ¹⁸ Na kwa ambela kame ngao owe Pitolosi, napo peli liwe mo ni umbapo ekeleke thange. Mi eyelo no ku sibaka so lifu ihimwa kuthitwesa. ¹⁹ Mo ni kupa a makiyi o ulena wo ku wilu. Yoshe mbo manga pashi na kuwilu mbo imangiwa, mi eyi mbo manguna pashi na kuwilu moyi manguniwa." ²⁰ Keo Jesu olaela alutiwa aye ngao kana tonwela anu ngao oye yo Kelesite. ²¹ Kutunda petho nako jesu o tateka kwa ambela alutiwa aye ngao a shenyeko kutha ku Jerusalema, kuka nyanda inu ingi ku likaha no akulu no mapulisita na an'oli, ku kepaiwa, na kuingukisiwa pa liiwa lyo waatu. ²² Keo Pitolosi o mutwala ku nyonga na ku mwayutha, ngao, "Ikale kule no ye, Mulena, eyi ko mboinatendahala." ²³ Kono Jesu o mbilumuka na kwambela Pitolosi, "O tunde munyima thange, Satani! O sitanukiso sange, kakuli ko kengela einu ya Mulimu kawo, kono wa kengela ya anu." ²⁴ Keo Jesu o ambela alutiwa, "Ndi munu a saela kuni kon'ela, akutobohe, a yoyole e sifapano, ani kon'ele. ²⁵ Kakuli oyu saela kuyoyisa o moyo waye mwau yawa, kono oyu oyongisa moyo waye baken'isa pme mbouwana. ²⁶ Mo kutusa ike munu kuwana elitunga lyoshe kono yo sinyehelwa o moyo waye? Kapa sike esi atwesa ku cinca na moyo waye? ²⁷ Kakuli Mwana munu mwa wiya mukanya thaye na tha yaye na mang'eloi. Keo mwapa munu na munu kutha na misebethi thaye. ²⁸ Shemwa na myambela, apa munemana amweye mbashemwa kuyuba lifu kendi apa mba mona Mwana munu yo wiya mu ulena waye."