¹ Ngeno yo kwiya kwa Mulena wetu Jesu Kelesite na ku wanekiwa pamweya naku kekala naye, mukuthepaala twa mi lomba mwa kwetu, ² ngao komuna nyungiwa mu makengethi enu kapa ku kathiwa,shiwa mu moya kapa mu liñutha, kapa mu liñolo lyo ku monaala kutunda kuno kwetu,ku monitha nga o eliiwa lya Mulena lina kumu kale. ³ Ko muna ongiwa ku munu mu nthila thoshe. Lishemwa ku wiya kandi weli oku ngwa ku wiye,na mulume no mbula mulao a monaale omwana thinyeo. ⁴ Oyu yo nyio okanena,na ku ku paamisetha ethi thi thaniwa Mulimu kapa ethi thi lapeliwa. Pa libakeli,aikalanga mu tempele tha Mulimu na ku nanula ngao oye Mulimu. ⁵ Komuna vulama ngao onilinenu no ni mi tinweela yoshe ei inu? ⁶ Ngeno muna limuka ngao ike imindeka ngao angu amonisiwe ambu pa nako tho ku swanela. ⁷ Kakuli ekunutu tho kulwoo mulao thina tateke kale kuthebetha,feela kwali oyu na mwindeke ngeno kutwala apa atuthiwa munthila. ^{8 9} Keo oyu no mbula mulao mwa monisiwa oyo Mulena Jesu mba ipaa na mepo tho mukanwa kaye naku paka thangayangaya apa ku monalithiwa okwiya kwae. Okuwiya kwoyu nombula mulao kwa wiya bakeñitha muthebethi wa satani na machi thoshe,isupo,na ma makatho no makuli, ¹⁰ na mifuta thoshe tho unyangunyu u ongaula ao atha ku kufa kakuli na shemwa ku tambula oku wapela ko thikuma ngao ayoyithiwe. ¹¹ Pa libakeli Mulimu atumena ku onga kukulu ngao aitane ya maluthi ¹² ngao oshe apakiwenku fothaala ao na shemwa kutenethikuma kono mona yembulukela kwei yo mathilo. ¹³ Kono twa lukanela kupa mutumelo kwa Mulimu bakeñithenu mwa kwetu alatiwa a Mulena,kakuli no ni keta kwikala a mutamuno ku ku yoyithiwa kupita mu ku kenithiwa kwa Moya na kwitane thikuma. ¹⁴ Mono mwithaniwa ethi ku pitela mu evangeli thetu,ngao ngo mu amweele ekanya tha Mulena wetu Jesu Kelesite. ¹⁵ Keo eni mwa kwetu,mwi mane lungwili na machi na ku kwateela eitho no mu fundithiwa,mu mai kapa mu liñolo lyetu. ¹⁶ Pano nga Mulena wetu Jesu Kelesite oye shemwa na Mulimu Iwetu,oyu notuwapela na ku tupa ku omba ombiwa kwa nako thoshe na thepo thiwa ku pitela mu thishemo, ¹⁷ amu, omba omba na ku mipa maata mu michima mu muthebethi na lii liwa lyoshe.