¹ Paulusi,Siluvana,na Timotea, na ñolela ku keleke tha Matesalonika kwa Mulimu Ietu na Mulena Jesu Kelesite. ² Thishemo thiikale nenu na kotho thi tunda kwa Mulimu Iwetu na Mulena Jesu Kelesite. ³ Nako thoshe tupe kukutumela kwa Mulimu bakeñithauu,mwa apange no alume wendi omukuna lukanele bakeñitha tumelo thenu thi ekethea ku kula,na lilato lyenu ku omweya na mukwae lya ekethea. ⁴ Kona kuli otwe twa ku lumbaetha,pa libaka lyenu mu makeleke a Mulimu pa kungwa muchima na tumelo thenu mu manyando enu, na ñalelwa muna ku thiithethe. ⁵ Ou upaki wa Katulo tha Mulimu tho ku luka,ngao mo mushimbiwa a ku thwanela mu mubuso wa Mulimu,owo namwe mu nyandelela. ⁶ Mu thikuma,kwa mulukela Mulimu ku uthetha a manyando kwao a munyanditha, ⁷ na ku yoyelwa okwenu omwe munyanda netu,apa Mulena Jesu amonithiwa kutunda ku wilu na mañeloi aye no maata ⁸ mu malimi no mulilo,ku uthela a manyando kwao no mbula kulimuka Mulimu na kwao no mbula kuyuba evangeli tha Mulena wetu Jesu Kilesite. ⁹ Mwapiwa koto na mulandu wa ku thinyea kuya kuile kule na lupala lwa Mulena na ku kanya ko maata aye. ¹⁰ Ethi mwa thitenda apa awiya mu liiwa liya apiwa kanya pakachi ka anu aye noku kana na ku komokithiwa kao oshe anetana okwae,kakuli oupaki wetu okwenu no mu witana. ¹¹ Bakeñitha twa kwateela kumu lapelela ngao, Mulimu wetu atu mone aku swanela mu kwithaniwa kwenu namu maata aye a talelethe e mikwa thoshe thiwa na mithebethi thoshe tho tumelo. ¹² Twa lapela ngao, elithina lya Mulena Jesu nga li kanyithiwe omwenu,namwe omwae,kutha mu thishemo tha Mulimu wetu na Mulena Jesu Kelesite.