¹ Mud nde so wo kise ne Yesu akel Klistu,akel mwaan a Nziem. Mud ndeso wun wo zolo Tad,aka muzol si mwaan. ² Bun bu li yeb ne bis aka li ba zol baan ba Nziem,kio kin li kwi mu izol Nziem ani iluun ma ngil ma nde. ³ Munda kid bis aka li muzol Nziem,iswi ne bis aka li luun ma ngil ma nde.Kobun ma ngil ma nde ma kel we mpas bis mu iku ma luun. ⁴ Munda kons mwaan Nziem akel andi ngol mu ibeles manda ma bi,ma makel mu nsi ntod.Na mu likwikil li bis li kel mu ibeles manda ma bi ma makel mu nsi ntod. ⁵ Na kwi mu ibeles manda ma bi ma makel mu nsi ntod ne nde le byi? Naa wun wo kise ne Yesu akel mwaan a Nziem. ⁶ Yesu Klistu akel mud wun wo yi;mania ani makil makel bi diim bi bi swo ne Yesu bo yi.Kel we ne na mania,si mania ani makil.Manda ma mpev a santu ali liele,munda mpev a santu amo manda ma ibini. ⁷ Bis likel andi ba mbang ba tud. ⁸ Mpev a santu,mania ani makil.Imbang ikio ikel ifa imo. ⁹ Bis li kise imbang ke bad ba nkim.Si imbang i Nziem ilwid fudu kio kin mu mfun,munda kio ki ikel imbang i Nziem ke mwe nde munda mwaan a nde. ¹⁰ Ikobun mud wun wo sa mukol ku kel mwaan a Nziem,a kel andi imbang iso kin ku mukol ande, si mud wun wo wine kise Nziem,amo ne Nziem akel ani mpia,munda nde amima manda man ma mwe Nziem munda mwaan ande. ¹¹ Imbang i Nziem aki kio:Nziem ali wi mwe wo mvul ani mvul;mwe wun wu kel ku kel mwaan ande. ¹² Mud wun wo kise mwaan wun,akel andi mwe;mud wun wo win kise mwaan a Nziem akel we andi mwe ¹³ Bis ban ba lisa mbwun ku kel mwaan a Nziem,mi liswenen manda ma munda bini li yab ne likel andi mwe wu mvul andi mvul. ¹⁴ Bis likel andi inkes mu itsud ku madis ma Nziem munda,kid ne bis li luum ilo kio iso bun bu kel lizol li nde bis li yab ku ibwed ne nde akel mu iku liywil. ¹⁵ Kid bis li yab ne nde aka aywil manda ma bis mo maso ma li luumo ku kel nde li yab ne bis aka liwol manda man ma li mu luumo ku kel nde. ¹⁶ Kid mud amwen mu kuun ande akel mu isal masum,si ifeen we mu iku mutswal mu lifhu,nde afeen mu isaam Nziem,kobun Nziem le muwa mwe.Ikel andi masum mama mo ma tswala mud ku lifhu;Me mwe we ne bini li feen mu isaam Nziem munda bad ba ba sala masum ma ifa iso kin. ¹⁷ Manda ma bi mo maso makel masum,si kel ani masum ma mamo ma tswala we mud mu lifhu. ¹⁸ Bis li yeb ne mud wun akel mwaan a Nziem abud sala we masum,munda mwaan a Nziem aka ko mukeb,mud mubi amu kid we nto ilo imo. ¹⁹ Bis liyeb ne likel bad ba Nziem,si bad ba nkim ba nsi ntod yi ba kel ku makuu ma mud mubi. ²⁰ Si bis li yeb ne mwaan a Nziem bo yi ya mu nsi ntod; nde bo si lishil mayel ma iyab Nziem wo ibini.Bis li kel ibwil imo andi Nziem wo ibini munda mwaan ande Yesu Klistu.Nde wun wu kel Nziem wo ibini,nde wo wa mwe wo mvul andi mvul. ²¹ Baan ba me,likeb mu ba nziem ba bitek.