¹ Lijui lyedhile kuli Zefaniya muna Kushi ua lyala muna Ngenda liya ua lyala muna Amaliya ua lyala muna Hezekiya ua lyala, ku matangua a Yosiya muna Amone ua lyala, muene ua Yunda. ² "Ange njika nongetha vyuma vyoshe vya hantci nguendi Yehova. ³ Ange njika nongetha vantu na tuthitu; njika nongetha tudhila vamuilu na hantci vya mundonga Kalunga, kuvihitha na kuva komba vaka madhilo. Keho nkika vatula vantu helu lya hantci--Echi nguendi Yehova. ⁴ Ange njikolola livoko lyange helu lya Yunda na voshe vaka mashangembo a Yelusalema. Njika vatula visupe vyoshe vya va Mbale kutundilila kumuhela uye na lidhina lyava Chemalime vantu mukati kava Sasendote, ⁵ keho vantu vaye vashangala njivo ya muilu na muvila ua muilu, na vantu vaye vashangala naku lithinga kuli Yehova vuno nauye lalo alithinga na muene uavo. ⁶ Ange lalo njivatula vaye va tenguluka ngila yavo kutunda kukushuama Yehova, na vaye kuvehuile Yehova na vaye kuvehuile ku tuamenena kuendi." ⁷ Holoka kulu kumesho a Yehova! Muomu litangua lya Yehova hamuhyehi; Yehova ua livuahethelele chikombelo na kuhakela kusinyeli va ngendhi vendi. ⁸ Chika kala kulitangua lya chikombelo cha Yehova, Hakeho njika pupa vana va vimyene va vakentu nava va vamala navaye vaka dhala vidhala vya vangendhi. ⁹ Ku litangua olyo ange njika pupa voshe vaye va tcikamena tumponya ngue va panga nava vaka kupunda navaka kutciha kulingila nguavo vashulithe vinjivo vyavimyene dhavo nevi vya ku kuata. ¹⁰ Keho kulitangua olyo_lya kelyo lijui lya Yehova nguendi ku kakala kulila na kayando ka kama kutundilila ku chikolo cha vintci, na kulinyenga chamu chivali, na kundulunga kuakama ku mikinya. ¹¹ Lileni, eni vandambo va mihela ya malandethelo, ku vantu voshe vaka Kanana vana nongo; voshe vaye va tangukile na palata vaka va vatula. ¹² Muchi kakala ha ntcimbu oyo ange njika thetela Yelusalema navi lambi na kupupa vamala vaye vana tumama ku vuala na vaye vakuanya na dhimbunga dhavo nguavo, 'Kalunga kaka lingi navimo vyahi, ndi vyachili ndi vya kuvihya; ¹³ Keho vufuko vuavo vuka kala vana vukuata, viti vya vinyu vuno keti vya vinyu vya kunua. ¹⁴ Litangua lyakama lya Yehova hamu hyehi lili, hamuhyehi na kuendelela kuija! Lijui lya litangua lya Yehova na vaka ndhita vaka litetela muaku shasha! ¹⁵ Litangua olyo lika kala litangua lya vukalu, litangua lya kayando kakama na vuthiua, litangua lya mpundhi na kuvihitha, litangua lya kudhivala na ku layima, litangua lya mashelua na kudhivala kuakama. ¹⁶ Likelyo litangua lyo lukathika lumbendo na vingoma nkuita kumembo na avipaka navi mama vya kutuntuka. ¹⁷ Keho ange njika neha kayando ka kama ku vantu, linga vakende ngue vamala va kutca mesho kutunda hovanapanga mulonga kuli Kalunga. Maninga avo akambalumuka ngue likungu, na muinthi yavo ngue lilombo. ¹⁸ Nambe palata nambe olu yavo kuyi kavovola halitangua lya kunyengua kua Kalunga. Chifuti choshe ndi hantci hoshe haka uema na tuhya tualifuma, mukonda aka manetha, mavu oshe akalenga mua kuvya na vandambo voshe."