¹ Tiango, muka kupangela Kalunga na Muene Yesu Kilistu, kumishovo ya likumi na yivali ya lishanda; Chihindu cheni! ² Vamunanana vavamala, voshe yangulukeni momu hita mu vyetheko vya kuli thatha. ³ Muna dhivuka ngechiye kuetheka kua kutcelela kueni kuka mihana kukanyama. ⁴ Lingeni kukanyama kumanethe vipanga vyakuo keho mukale vakushula na kukanyama, keti muyeneke chimo. ⁵ Vuno nga hakati keti hali umo athetela lyano, alombe kuli Kalunga, yikeye muka kuhana vyoshe kekuvyana voshe vakumulomba, na yikeye aka muhana vyo. ⁶ Vuno yikeye alombe na kutcelela, keti na kutakanya kuahi. Muomu nga umo atakanya nafu ngue linkimba lya ndonga Kalunga lyekuenda kumpundhi lipekumuka. ⁷ Ngocho uye muntu keti athinganyeke nguendi aka uana vimo vya kutunda kuli Muene; ⁸ Yikeye muka kutakanya, vingila vyendi vyoshe ku vuaha kuahi. ⁹ Linga shongo yetu alishangale muomu vukama vuendi, ¹⁰ vuno ngavo muomu vana muhaka ku vundende, vunoni aka tca ngue nchani ya mumuila. ¹¹ Mukonda litangua lye kutumbuka na misha ya tuhya na kutcimika muila. Nchani yumbukako na kuvuaha kuayo kunalenge. Mungila yimo lika, ngavo aka lenga hakati ka vungendhi vuendi. ¹² Ua vedhuka muntu uye akanyama ku vyetheko. Ngocho kunima na hiti vyetheko, endi aka uana nkata ya muono, eyi yova tumbuithila vaye vayongola Kalunga. ¹³ Na umo uahi akuanya ambe va muetheka, "Ange na njetheka Kalunga," Muomu Kalunga koye muetheka mpundhi yaku vihya, nambe yikeye vavenya kekuetheka na umo uahi. ¹⁴ Vuno nkala muntu va muetheka ku lishungu lyendi, lyiye lyimu tuala kuako na kumukoka. ¹⁵ Kunima ya lishungu lina kulu, lithema mulonga, kunima ya mulonga unakulu, uthema kutca. ¹⁶ Keti va mikuithe va munanana. ¹⁷ Nkala vuana vua chili na nkala vuana vua kushula vutunda kuilu. Vushelela vutunda kuli Tata ua cheke. mulyendi ko muakele kutenguluka nambe chithithimba. ¹⁸ Kalunga ua hangula kutuhana kuthema na lijui lya vuchili, linga tu kale vushuka vua kulivanga vua kutanga kuendi. ¹⁹ Muna vi dhivuka evi, va munana: linga nkala muntu avyuvue vuathi, livandeke kukuanya, na kulivandeka kuhanduka. ²⁰ Muomu vukalu vua muntu ko vuatha kupuithamo vuchili vua Kalunga. ²¹ Ngocho vene theni kuvihya kuoshe na kuilana kua vyuma vya mulonga. Kuli kehetha muku tambula lijui lya kalaho, liye lyatha kuovola myono yeni. ²² Pueni vaku haka vinkanda muvipanga keti va kutolilila lika, na kuli kuitha. ²³ Muomu nga umo mu ka kuvua lijui keti muka kupanga, endi na fu ngue muntu uye ali tala ku vuaha kua chihanga cheni mukatalelo. ²⁴ Ali tala vavena keho aya oho vene evala mua na fu. ²⁵ Vuno muntu uye a tala vuino mu mashiko achili a kuvutuka, na kushuametha kuvipanga, keti apue lika muka kuvua lika uye muka kuivala, muntu ou a ka vedhuka mu vipanga vyeni. ²⁶ Nga nkala uoshe a thinganyeka ngechiye yikeye muka ku lemetha na kuyeneka kutakametha ndaka yendi, a kuitha mbunge yendi na matavelo endi a ngocho. ²⁷ Matavelo endi akushuka na kuvuaha kumesho a Kalunga na Yishe akuatha vakuyeneka va yishe yavo nava kutcitca vamala vawo , na kulinyunga ove vavenya kumadhilo amu lifuti.