¹ Ame kuna kutapa makorangedo kuvakurona mukatjikenu- Ame, nameghumwe wamukurona ntani mungambi warunyando rwaKristusi, ntani namenka shimpe ghumwe wenu natamburo ghuyerere ogho ngaghuhoroko: ² Kara muliti wandjwi daKarunga dodinakaro mulighameno lyoye, muruwani ogho anakukukengero- kapishi walye mutininiko,mara ove ghunavishana, yira momo anakushanene Karunga ghurughane- kapi vikare yira viyeromo vyakufita ntjoni mara vyakukuturamo. ³ Kapishi mukare yira anwe vaKarunga vavo mpongoli mukare vihonena vyandjwi. ⁴ Nkene mukondi wamushita ngashoroke, anwe ngamutambura ghurenga waghuyerere ogho ngaghudiro ghukashu. ⁵ Mundjira yimwe, anwe vamatighona, limburukwenu kuvakurona vavakafumu. Namuvantje, kukwatakanenu namuvantje nalikudidipito ntani kukuvatera-vatera nanaghumwenu. '' Karunga ghashwena likunenepito, mara kutapa ghufe nkenda kovo ngava kudidipito." ⁶ Mpongolishi kudidipitenu naghumwenu munda yaliwoko lyaKarunga lyankondo mposhi ghuye ngakuyerura paruvede rwaruwa. ⁷ Tapenu maghudito ghenu kwendi morwa ghuye ghakare nashinka nanwe. ⁸ Karenu muna kotoka, karenu muna vangara. Morwa mutondi wenu satana nakuyendaghura yira nyime wakununga, mukushana ghumwe woghavhura kughanaghura. ⁹ Yimanenu mukumurwanita, Karenu munakoro mulipuro. Ghunayivashi vaghunyenu mughudjuni kuna kukondjita maghudito ghamwe tupu. ¹⁰ Kunyima yakuhepa mukarugho kakadidi, Karunga waghufenkenda wanaghuntje, ogho ghamuyito mughuntungi waghuyerere waKristusi, kamuwapeka, nakumuyivilita, nakumunkondopeka, ntani nakumutunga. ¹¹ Mwendi kwakaramo lifundo lyanaruntje nanaruntje. Amen. ¹² Ame kuna kukumangeda Silivanusi ashi mukurwande naghuguvara , ntani ame nakutjangera paghufupi kupitira mwendi. Ame kuna kukukorangenda ntani nakukutapera ghungambi ovyo nakutjangera ghushiri mughufenkenda waKarunga. Yimana mwavyo. ¹³ Mugholikadi ghunyenu wamu Babiloniya, ghumwe vatoghorora kumwe nanwe, kuna kukundu. Ntani Marukusi, monande, naye ana mukundu. ¹⁴ Kumoraghurenu nalikuncumito nashihoro. Mpora yikare nanwe namuvantje mwakaro mwaKristusi.