¹ Kã será  a Pascua te'tutewá, Jesús Betanianiña te'ki, Lazaro aakriña, toh Eka onniapishkerna ishpaki. ² Eka ki'ri sirá ani e'lerpiró ki'ri tõ'ña, toh Martama kawishkiaki, Lazarori a maseña apishka ishkii Jesúsyo. ³ Akashkua Maria atapea as sukuhi to perfumeró nardorii, aowarii. Jesús ata'ro uski sã asãusyo arskii uski kao osama propro musti tishki. ⁴ Judas Iscariote, su'ba'ta asrii, tõña amaspirii ñehi: ⁵ ''¿Inkró i awiwá proprokiuma in chulertusá oisileró kawishkerpiró awá mai kilera ú'chelertusa" ⁶ Akaró eka ñehi ima oisileró kawishtipirikia untrokta as rii: ekoma ekachii plato wé untrohkuaruri artukuaruri ekaró. ⁷ Jesús ñehi: "Akasteshkú: akrõ, tã ãshkerche to kansohña tõ'rishki enkaachi ⁸ panawá to oisilerma pikachipiwá to oisleryó pamaw; akoró tasma Takua akertipé.'' ⁹ Inkatama Judios pesh wriha tis akerá weshri ke Jesúsro tõaakiri, a aakrii, ekama te'kri, Jesús peritãri, õo akashkuá Lázaro chẽlerpiró, Jesusña anniapishkerá ishpaki. ¹⁰ Pare pesa'tama asken, akairi tãkaró Lázarowá amaskerpirii; ¹¹ Inkén tõ'karishkerá Judios we chilerá Jesúsña nelerá creeshkri. ¹² A as aka'kiuma akatikaña pesh wriha tis te'kri. Eka weshkerma Jesúsro ke te'kri Eka weshkerma Jesúsro ke te'kaishki Jerusalénña, ¹³ ekama pen ã asá tis sukuri ne artapukri ékaro wa'ri: "i HOSANNA! BENDITOI TOH  APIN PATATISHTA A SEÑOR TE'KUA, A REY ISRAEL." ¹⁴ Jesús sún hisma as prohi artawé chii nei: inken kakorskakena: ¹⁵ "AKATIUTI, SION AYEKORTA; CHAU, PI REY TE'KASHKUA, SÚN HISMA ASÑA ACHRI.'' ¹⁶ Su'ba'tama chẽ arilertii i'ka iroñewakena atahtu'; Akashkua Jesús nei glorificadorii, eka wriha i yas ka'taakri ke kakorskarii Ekao'ró i yas Eka éro ki'ri. ¹⁷ Inkata pesh wrihama Ekayo aakrii, Lázararo arwãni ara'na akaspaski ishpaki to kansohña onña ishtaki, ñehwaruri. ¹⁸ Takarishki ima ta pesh wrihama Ekama artapukri ne weshkerma yas ishkiró. ¹⁹ Fariseosma tõ'karo aekapé ñe'ri,  "chãú, pamawa i' ishkutuwãwî; chaú, toh mundoma Eka asu'kia neri." ²⁰ Inkatama Griegos tichilera to wi'terna akeraña wetri ayeshkerpiró. ²¹ Felipeñaro neri. Betsaida to Galilea, i'ka arkape'lera, ñehi: "señor, Jesúsro chãa mirishbará." ²² Felipe nei andresro a ishki; Andrés Felipeyó nei, ekama ti'rii Jesusró. ²³ Jesús karkawarki i'ka ñehi: "Ke kish tishkua toh Arwã Ayerwã a glorificado ripiro. ²⁴ Yar, yar Ta'pikaawá, akina tiwi awá taentipiró kúkña taenhi ompé, eka aspetawarkua; akaró onnama awa wé akachipé. ²⁵ Tãro ara'kiuma õmshpé; tãro ara'kituma i mundo tõ'ña enkipé apesh chiteshpe. ²⁶ Tãró servitakiwama, tarachaú; a piá na aakarisa Tashi, tohña ta servidorwáne akpé. Taro asná servitakiwa, Ta Tus honrahkipé. ²⁷ Inkatama ta akarwâ akuatishkuá: ¿Inkaró iro ñahpasa? ¿Tús, tarwakuá inkataripé? Tõ'karishki tasma tõ'karishki te'kachi inkataripe. ²⁸ Tús pipin gloroficatishkuá Akashkua piriña ña as boni te'kuá ñehi, ''Tasma glorificakashka i'ka golrificaresh ishpá.'' ²⁹ Akashkuá pesh wrihama tõña aa krima weshki wãwã ken chẽi. Akuma ñe'ri: ''Angel as arwáni Ekaró.'' ³⁰ Jesús karkawarki ñehi, ''Iñama Tas ñama te'tii, akaró parishkia. ³¹ Inkatama i juicio i mundoña; inkatama i mundo chaparña ma pesa'tama ara'naña akaspaskerpé. ³² I tasma, i kukña ta ishpa'kerchema, taka pe'chelerpe Tas ñape.'' ³³ Eka tõ'karo iro ñe'pirishki inkén ompirikena. ³⁴ Pesh wrihama karkawarkí Ekaró, "Pitasma ke weshpri toh Cristo a leyka chi'teshpií. ¿Inkash ñehpisa, toh Arwã Ayerwã ishpa'ripé? ¿Tasa ihi Arwã Ayerwã?." ³⁵ Jesús karkawarki a ekaro ti"какії. "To Kamaskiuma tis a apiwá Payowá torteshtuwá atewata chainawiraska, Kesur tishkuama soktutipiwaró. Tãró Kakaña tarteshkumá. arituwa Pianewakena. ³⁶ Atewata ta' Kamas chẽlerma, yar nohuwa. Kamaskiuma pesh yerwãtishkerpiró." Jesús rehi yas nehuma akashkua toh karó nei aûhí ekaró. ³⁷ Akariki Jesús señal wé ishki a ekaró, akaró Ekama yar creehki'lertururii. ³⁸ Tokaró profeta aka pach anarmá yar tiristpirós tô'karo eka nehí, ''SEÑOR, ¿TARÓ PAR NEHÍ WESHCRISA PITASROWA? ¿TA AKRARO SEÑOR PITASCHERO?.'' ³⁹ ToKarishki ekama yar ñelertiri, akẽs Isaiaswá ñehí. ⁴⁰ "ÉKAMA KE TE'BONI PESH WARÓ, I EKAMA PESHATURUSAMA KUE' NIKII; AKUAMA EKAMA CHELERME PESH WAMA AENSUKULERA PESH A TURUSAYOMA TASÑA KARONPAPRA.'' ⁴¹ Isoiasma i yas Ñehí aKêsh ekaña chẽi gloriaró Jesús a'kapashri a ekaró. ⁴² Akashkuá irõma Pesastawrisma yor ñerito Jesúsro, attriki fariscosrishki, ekama kakastokertivii to Siki Kaoñá. ⁴³ Ekama to arwa ayeshkeró tis yar ñe'rí Patatishta ayeshkama ché Karatarii. ⁴⁴ Jesús Korwãni ñehi, "Tãro creeshkuama Tasró, tasñape creeshtuwã, akoró taña tatunhikena, ⁴⁵ Taña Tasró ta chéuma, chẽwa táña ta tunhkena.'' ⁴⁶ Tusma Kamaske te'kawá i Kuk chaparña, tãró tasña yar ne'humá sukuaña wétipiró. ⁴⁷ A taro ta añaha weshkuama, akes en ki'lertuwã; tasma in ta'kaka'tawã; akes tasma te'tawa ta'kaka'paro to' ku' chilerí, kasukuhparo te'kawa to'ku'kí. ⁴⁸ Taro sukuhtuma Tas añaha sukuhtipe, akachuwa ti'ki'pí: Añahaí a tas í ñaharí apistiche ti'kilerpe. ⁴⁹ Akes Tasma aspema ñah tawã, a ta Tusí to' tatuhí, ataro tatehí to' mandamiento ñehrí a kapashkrí. ⁵⁰ Y arihawa to' mandamientoma unta a pesh chií teshpe; akes ñahama Eka a Tus ti'taki'wa a Tasro, ake ñahawa."